ಭಾರತದ ಸಹಾಯವಿಲ್ಲದಿದ್ದರೆ ನಮಗೆ ಸ್ವಾತಂತ್ರ್ಯ ಸಿಗುತ್ತಿರಲಿಲ್ಲ: ಬಾಂಗ್ಲಾದೇಶ

ಕೋಲ್ಕತಾ: ಭಾರತದ ಸಹಾಯವಿಲ್ಲದೆ ಪಾಕಿಸ್ತಾನದ ಕಪಿಮುಷ್ಠಿಯಿಂದ ಬೇರ್ಪಟ್ಟು ಸ್ವಾತಂತ್ರ್ಯ ರಾಷ್ಟ್ರವಾಗಲು ಸಾಧ್ಯವಿರುತ್ತಿರಲಿಲ್ಲ ಎಂದು ಬಾಂಗ್ಲಾದೇಶ ನಿಯೋಗ ಭಾರತೀಯ ಸೇನೆ ಅಂದು ನೀಡಿದ ಸಹಾಯವನ್ನು ಸ್ಮರಿಸಿದೆ.

ಭಾರತೀಯ ಸೇನೆಯ ಕೊಡುಗೆಯನ್ನು ಎಂದೂ ಮರೆಯಲು ಸಾಧ್ಯವಿಲ್ಲ. ಪೂರ್ವ ಪಾಕಿಸ್ತಾನದ ಸ್ವಾತಂತ್ರ್ಯಕ್ಕೆ ಎಲ್ಲಾ ರೀತಿಯಿಂದಲೂ ಸಹಾಯ ಮಾಡಿತು ಎಂದು ಬಾಂಗ್ಲಾದೇಶ ನಿಯೋಗದ ಮುಖ್ಯಸ್ಥ ಎಂಪಿ ಕ್ವಾಜಿ ರೊಸಿ ತಿಳಿಸಿದ್ದಾರೆ.

ಕೋಲ್ಕತಾ ವ್ಯಾಪಾರಿಗಳು ನಮ್ಮ ಸೇನೆಗೆ ಉಚಿತ ಆಹಾರ, ಔಷಧಿ ಒದಗಿಸಿದ್ದರು: ಬಾಂಗ್ಲಾ

ವಿಯೆಟ್ನಾಂ ಸ್ವಾತಂತ್ರ್ಯಕ್ಕಾಗಿ 9 ವರ್ಷ ಹೋರಾಟ ನಡೆಸಿತು. ಆದರೆ ನಾವು ಕೇವಲ 9 ತಿಂಗಳಲ್ಲಿ ಸ್ವಾತಂತ್ರ್ಯ ಪಡೆದೆವು. ಅದಕ್ಕೆ ಕಾರಣ ಭಾರತ ಎಂದು ಭಾರತೀಯ ಸೇನೆಯ ಕೊಡುಗೆಯನ್ನು ಕೊಂಡಾಡಿದ್ದಾರೆ.

1971ರಲ್ಲಿ ಪಾಕಿಸ್ತಾನ ವಿರುದ್ಧದ ಯುದ್ಧದ ವಿಜಯದ ಸಂಭ್ರಮಾಚರಣೆ ದಿನ 'ವಿಜಯ್‌ ದಿವಸ್‌' ಮತ್ತು ಹೊಸ ರಾಷ್ಟ್ರ ಬಾಂಗ್ಲಾದೇಶ ಉದಯದ ದಿನದ ಅಂಗವಾಗಿ ಕೋಲ್ಕತಾದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬಾಂಗ್ಲಾದೇಶದ ನಿಯೋಗ ಆಗಮಿಸಿತ್ತು.
ಭಾರತದ ಸಹಾಯವಿಲ್ಲದಿದ್ದರೆ ನಮಗೆ ಸ್ವಾತಂತ್ರ್ಯ ಸಿಗುತ್ತಿರಲಿಲ್ಲ: ಬಾಂಗ್ಲಾದೇಶ