ಬ್ಯಾಂಕ್‌ ವೇಳೆಯಲ್ಲಿಬದಲಾವಣೆ ಇಂದಿನಿಂದ

ಯಾದಗಿರಿ: ಜಿಲ್ಲೆಯಾದ್ಯಂತ ಕಾರ್ಯನಿರ್ವಹಿಸುತ್ತಿರುವ ಸಾರ್ವಜನಿಕ ಕ್ಷೇತ್ರದ ಎಲ್ಲಬ್ಯಾಂಕುಗಳಿಗೆ ಅ. 1ರಿಂದ ಅನ್ವಯ ಆಗುವಂತೆ ಏಕರೂಪದ ಬ್ಯಾಂಕಿಂಗ್‌ ವೇಳಾಪಟ್ಟಿ ಜಾರಿಗೆ ತರಲಾಗಿದೆ. ಇದರನ್ವಯ ಇನ್ನು ಮುಂದೆ ಬ್ಯಾಂಕುಗಳು ಬೆಳಗ್ಗೆ 10ರಿಂದ ಸಂಜೆ 4ಕ್ಕೆ ಕಾರ್ಯನಿರ್ವಹಿಸಲಿವೆ.

ಇಂಡಿಯನ್‌ ಬ್ಯಾಂಕ್ಸ್‌ ಅಸೋಸಿಯೇಷನ್‌ ನಿರ್ದೇಶನದ ಮೇರೆಗೆ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ, ರಾಷ್ಟ್ರೀಕೃತ ವಾಣಿಜ್ಯ ಬ್ಯಾಂಕುಗಳು ಮತ್ತು ಗ್ರಾಮೀಣ ಬ್ಯಾಂಕ್‌ಗಳಿಗೆ ಈ ಸಮಯ ನಿರ್ವಹಣೆಯ ವೇಳಾಪಟ್ಟಿ ಅನ್ವಯ ಆಗಲಿದೆ ಎಂದು ಜಿಲ್ಲಾಲೀಡ್‌ ಬ್ಯಾಂಕ್‌ ವ್ಯವಸ್ಥಾಪಕ ಬಿ.ಎ.ಕೃಷ್ಣಾ ತಿಳಿಸಿದ್ದಾರೆ.