ಅನದಿಕೃತ ಹತ್ತಿ ವ್ಯಾಪಾರ ರದ್ದು ಪಡಿಸಲು ಆಗ್ರಹ

ಶಹಾಪುರ:ತಾಲೂಕಿನ ಹತ್ತಿಗೂಡುರು, ವಡಗೇರಾ, ಭೀಮರಾಯನಗುಡಿ, ಗೋಗಿ, ಸಗರ, ರಸ್ತಾಪುರ ರಾಜ್ಯ ಹೆದ್ದಾರಿಗಳ ಪಕ್ಕದಲ್ಲಿಅನಧೀಕೃತ ಹತ್ತಿ ವ್ಯಾಪಾರ ಅವ್ಯಾಹತವಾಗಿ ನಡೆಯುತ್ತಿದ್ದರು ಎಪಿಎಂಸಿ ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ. ಕೂಡಲೇ ಅನದೀಕೃತ ಹತ್ತಿ ವ್ಯಾಪಾರ ನಿಲ್ಲಿಸಿ ಕೃಷಿ ಉತ್ಪನ್ನ ಮಾರುಕಟ್ಟೆಯಲ್ಲಿಯೇ ವಹಿವಾಟು ನಡೆಯುವಂತಾಗಬೇಕು ಎಂದು ತಾಲೂಕಿನ ಕರ್ನಾಟಕ ರಕ್ಷಣಾ ಸೇನೆಯಿಂದ ಬೆಂಗಳೂರು ಕೃಷಿ ಉತ್ಪನ್ನಗಳ ಮಾರುಕಟ್ಟೆ ಸಮಿತಿ ನಿರ್ದೇಶಕರಿಗೆ ಮನವಿ ಸಲ್ಲಿಸಿ ಆಗ್ರಹಿಸಿದ್ದಾರೆ.

ಈ ಕುರಿತು ಸಂಘಟನೆಯ ಜಿಲ್ಲಾಧ್ಯಕ್ಷ ಮೌನೇಶ ಸುರಪುರಕರ್‌ ಅನಧೀಕೃತ ಹತ್ತಿ ವ್ಯಾಪಾರ ಮಾಡುತ್ತಿರುವುದರಲ್ಲಿತೂಕದಲ್ಲಿಮತ್ತು ದರದಲ್ಲಿಯೂ ದಲ್ಲಾಳಿಗಳು ರೈತರಿಗೆ ಮೋಸ ಮಾಡುತ್ತಿದ್ದಾರೆ. ರೈತರು ಕಷ್ಟಪಟ್ಟು ಬೆಳೆದ ಬೆಳೆಯು ದಲ್ಲಾಳಿಗಳ ಪಾಲಾಗುತ್ತಿರುವುದರಿಂದ ಅನ್ನದಾತರು ಸಂಕಷ್ಟದ ಪರಿಸ್ಥಿತಿ ಎದುರಿಸುವಂತಾಗಿದೆ. ಅಲ್ಲದೇ ಎಪಿಎಂಸಿಗೆ ಇದರಿಂದ ಬರುವ ಲಾಭವು ನಷ್ಟವಾಗುತ್ತಿದೆ. ಕೂಡಲೇ ಸ್ಥಳೀಯ ಎಪಿಎಂಸಿ ಕಾರ್ಯದರ್ಶಿಯವರಿಗೆ ಸೂಕ್ತ ಕಠಿಣ ನಿರ್ಧಾರ ತೆಗೆದುಕೊಳ್ಳಲು ಆದೇಶಿಸಬೇಕು. ಇಲ್ಲದಿದ್ದಲ್ಲಿಬೆಂಗಳೂರು ಮುಖ್ಯ ಕಚೇರಿ ಎದುರುಗಡೆ ರಾಜ್ಯಾಧ್ಯಕ್ಷ ನಿರಂಜನ ನೇತೃತ್ವದಲ್ಲಿಹೋರಾಟ ನಡೆಸುವುದಾಗಿ ಎಚ್ಚರಿಸಿದ್ದಾರೆ. ಈ ಸಂದರ್ಭದಲ್ಲಿಸಂಘಟನೆಯ ಇನ್ನಿತರರು ಇದ್ದರು.