ಡಿ 30ರವರೆಗೆ ನೀರು ಹರಿಸಲು ಆಗ್ರಹ

ಶಹಾಪುರ: ತಾಲೂಕಿನ ಕೊನೆಯ ಭಾಗದ ಐಕೂರು,ಕುರಿಹಾಳ, ಗೊಂದೆನೂರು, ತುಮಕೂರು, ಹೈಯಾಳ ಸೇರಿದಂತೆ ಇನ್ನಿತರ ಗ್ರಾಮಗಳ ಕಾಲುವೆಗೆ ನೀರು ಸಮರ್ಪಕವಾಗಿ ತಲುಪದ ಕಾರಣ ಡಿ.30ರವರೆಗೆ ಕಾಲುವೆಗೆ ನೀರು ಹರಿಸುವಂತೆ ಬಿಜೆಪಿ ರೈತ ಮೋರ್ಚಾ ಮುಖಂಡರು ಆಗ್ರಹಿಸಿದ್ದಾರೆ.

ಈ ಕುರಿತು ಹತ್ತಿರದ ಭೀಮರಾಯನಗುಡಿ ಕೆಬಿಜೆಎನ್‌ಎಲ್‌ ಅಧೀಕ್ಷ ಕ ಅಭಿಯಂತರರಿಗೆ ಮನವಿ ಸಲ್ಲಿಸಿದರು. ಈ ಭಾಗದ ರೈತರು ಈಗಾಗಲೇ ಶೇಂಗಾ, ಹತ್ತಿ, ಜೋಳ, ಮೆಣಸಿನಕಾಯಿ ಬಿತ್ತನೆ ಮಾಡಿದ್ದು, ನೀರು ಹರಿಸದಿದ್ದಲ್ಲಿ ಬೆಳೆ ಸಂಪೂರ್ಣ ನಷ್ಟವಾಗುತ್ತವೆ.ಇದರಿಂದ ರೈತರು ಸಂಕಷ್ಟ ಅನುಭವಿಸಬೇಕಾಗುತ್ತದೆ ಕಾರಣ ಡಿ.30ರವರೆಗೆ ಕಾಲುವೆಗೆ ನೀರು ಹರಿಸಬೇಕೆಂದು ಮನವಿ ಸಲ್ಲಿಸಿದರು.

ರೈತ ಮುಖಂಡ ಯಲ್ಲಯ್ಯ ನಾಯಕ, ಹಣಮಂತರಾವ ಐಕೂರ,ಶರಣಗೌಡ ಹುಲಕಲ್‌, ಲಿಂಗಣ್ಣಗೌಡ ಹೆರುಂಡಿ, ದೇವಪ್ಪ ಉಪ್ಪಾರ, ಶಾಂತವೀರ ಸಜ್ಜನ, ನಾರಾಯಣ ಕಾಡಮಗೇರಿ, ಮಲ್ಲಪ್ಪ, ಯಂಕಪ್ಪ, ನಿಂಗಯ್ಯ ದೊರಿ, ಮೌನೇಶ ನಾಟೇಕಾರ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.