ಮೀಟರ್‌ ಬಡ್ಡಿ ವ್ಯವಹಾರ, ಮೂವರ ವಿರುದ್ಧ ಎಫ್‌ಐಆರ್‌

ಯಾದಗಿರಿ:ಮೀಟರ್‌ ಬಡ್ಡಿ ವ್ಯವಹಾರಕ್ಕೆ ಸಂಬಂಧಿಸಿದಂತೆ ಶಹಾಪುರ ಠಾಣೆಯಲ್ಲಿಮೂವರ ಆರೋಪಿಗಳ ವಿರುದ್ಧ ಮಹಿಳೆಯೊಬ್ಬರು ಪ್ರಕರಣ ದಾಖಲಿಸಿದ್ದಾರೆ.

ನಗರದ ಗುತ್ತಿಪೇಠ ನಿವಾಸಿ ಡಾ.ಆಯೇಷಾ ಅಜರುದ್ದಿನ್‌ ಗಲಗಲಿ ಎಂಬುವವರು ಮಹಾದೇವಪ್ಪ ನಾಟಿಕಾರ, ಭೀಮರಡ್ಡಿ ಹಾರಣಗೇರಾ, ಪದ್ಮರಾಜ ಮಡಿವಾಳ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಆಯೇಷಾಳ ಪತಿ ನಾಲ್ಕು ವರ್ಷಗಳಿಂದ ನಗರದ ಮಾರುತಿ ಮಂದಿರದ ಬಳಿ ಕ್ಲಿನಿಕ್‌ ನಡೆಸುತ್ತಿದ್ದರು. ಈಗ 18 ತಿಂಗಳ ಹಿಂದೆ ಮನೆ ಬಿಟ್ಟು ಹೋಗಿದ್ದಾರೆ. ಆದರೆ, ಮೂವರು ಆರೋಪಿಗಳು ತಮ್ಮ ಪತಿ ಕ್ಲಿನಿಕ್‌ ನಡೆಸುವುದಕ್ಕಾಗಿಯೇ 2 ಲಕ್ಷ ರೂ. ಸಾಲ ತೆಗೆದುಕೊಂಡು ವಾರಕ್ಕೆ 20 ಸಾವಿರ ರೂ. ಬಡ್ಡಿಯಂತೆ ತೆಗೆದುಕೊಂಡಿದ್ದಾರೆ ಎಂದು ಹೇಳಿ ಅಸಲು, ಬಡ್ಡಿ ನೀಡುವಂತೆ ನಿತ್ಯ ಕಿರುಕುಳ ನೀಡುತ್ತಿದ್ದಾರೆ. ಸಾಲ ಪಡೆದಿರುವುದು ತಮ್ಮ ಬಳಿ ಸಾಕ್ಷಾಧಾರವಿದ್ದರೆ ಕೊಡಿ ಎಂದು ಕೇಳಿದರೆ ತಮ್ಮ ಪತಿ ನೀಡಿರುವ ಬ್ಲ್ಯಾಂಕ್‌ ಚೆಕ್‌ ಇದೆ. ಹಣ ನೀಡದಿದ್ದರೆ ಚೆಕ್‌ ಬೌನ್ಸ್‌ ಪ್ರಕರಣ ದಾಖಲಿಸುತ್ತೇವೆ ಎಂದು ಕಿರುಕುಳ ನೀಡುತ್ತಿದ್ದಾರೆ. 2 ಲಕ್ಷ ಸಾಲಕ್ಕೆ 4.80 ಲಕ್ಷ ಬಡ್ಡಿ ಕಟ್ಟಲಾಗಿದೆ. ಈ ಬಗ್ಗೆ ತಮ್ಮ ಮೈದುನ ತೌಸಿಫ್‌ ಕರಾರು ಪತ್ರಗಳಿವೆ ಎಂದು ದೂರಿನಲ್ಲಿತಿಳಿಸಿದ್ದಾಳೆ.