ಗ್ರಾನೆಟ್‌ ಎರಡು ಲಾರಿ ಪೊಲೀಸ್‌ ವಶಕ್ಕೆ

ಕೆಂಭಾವಿ:ಅಕ್ರಮವಾಗಿ ಗ್ರಾನೈಟ್‌ ಕಲ್ಲುಗಳನ್ನು ಸಾಗಿಸುತ್ತಿದ್ದ ಎರಡು ಲಾರಿಗಳನ್ನು ಭಾನುವಾರ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಪಟ್ಟಣ ಸಮೀಪದ ಹೊಸಕೇರಾ ಗ್ರಾಮದ ಗುಡ್ಡದಿಂದ ಇಲಕಲ್‌ ಕಡೆಗೆ ಎರಡು ಲಾರಿಗಳಲ್ಲಿನಾಲ್ಕು ದೊಡ್ಡ ಗ್ರಾನೈಟ್‌ ಕಲ್ಲುಗಳನ್ನು ತುಂಬಿಕೊಂಡು ಬೆಳಗಿನ ಜಾವ ಇಲಕಲ್‌ ಕಡೆಗೆ ಹೋಗುವಾಗ ರೈತ ಸಂಘಟನೆ ಪದಾಧಿಕಾರಿಗಳು ನೋಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಪೊಲೀಸರು ಎಚ್ಚೆತ್ತುಕೊಂಡು ಲಾರಿಗಳನ್ನು ವಶಪಡಿಸಿಕೊಂಡಿದ್ದಾರೆ. ಇಲಕಲ್‌ನ ಇಸೂಫ್‌ ಭಾಗವಾನ ಸೂಚನೆ ಮೇರೆಗೆ ತುಂಬಿಕೊಂಡು ಹೋಗುತ್ತಿರುವದಾಗಿ ಲಾರಿ ಚಾಲಕರಾದ ಶಿವಪ್ಪ ಹಣಮಂತಪ್ಪ ಮತ್ತು ಲಕ್ಷತ್ರ್ಮಣ ಹಣಮಪ್ಪ ತಪ್ಪೊಪ್ಪಿಕೊಂಡಿದ್ದಾರೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ. ಸುಮಾರು 5 ಲಕ್ಷ ಮೌಲ್ಯದ ಕಲ್ಲುಗಳು ಇವಾಗಿವೆ. ಈ ಕುರಿತು ಕೆಂಭಾವಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿವೆ ಎಂದು ಡಿವೈಎಸ್‌ಪಿ ಶಿವನಗೌಡ ಪಾಟೀಲ್‌ ತಿಳಿಸಿದ್ದಾರೆ.