ಯಾದಗಿರಿ: ಶೀಲ ಶಂಕಿಸಿ ಪತಿಯಿಂದ ಪತ್ನಿಯ ಕೊಲೆ, ತಬ್ಬಲಿಯಾದ ಇಬ್ಬರು ಮಕ್ಕಳು!

ಯಾದಗಿರಿ: ಪತಿಯಿಂದಲೇ ಪತ್ನಿಯ ಕೊಲೆಯಾದ ಅಮಾನವೀಯ ಘಟನೆ ಸಮೀಪದ ಮಾಧ್ವಾರ ಗ್ರಾಮದಲ್ಲಿ ಸೋಮವಾರ ನಡೆದಿದೆ. ರೇಣುಕಮ್ಮ(28) ಕೊಲೆಯಾದ ಮಹಿಳೆ. ಪತ್ನಿಯ ಶೀಲದ ಮೇಲೆ ಸದಾ ಸಂಶಯ ವ್ಯಕ್ತಪಡಿಸುತ್ತಿದ್ದ ಆಕೆಯ ಪತಿ ಚೌಡಪ್ಪ ಸೋಮವಾರ ಅವರ ಜಮೀನಿನಲ್ಲಿ ಹೆಂಡತಿಯನ್ನು ಕೊಲೆ ಮಾಡಿ ಪರಾರಿಯಾಗಿದ್ದಾನೆ ಎಂದು ಮೃತ ಮಹಿಳೆಯ ತಂದೆ ಬಸಪ್ಪ ಕುರುಕುಂದಿ ಆರೋಪಿಸಿದ್ದಾರೆ.

ಘಟನೆ!
ಕಳೆದ ಎಂಟತ್ತು ವರ್ಷಗಳ ಹಿಂದೆ ವಿವಾಹವಾಗಿದ್ದ ರೇಣುಕಮ್ಮ ಮತ್ತು ಚೌಡಪ್ಪ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಮಕ್ಕಳೊಂದಿಗೆ ಆಡಿ ನಲಿಯುತ್ತ ಕೂಡಿ ಸಾಗಬೇಕಿದ್ದ ಕುಟುಂಬದಲ್ಲಿ ಹೆಂಡತಿಯ ಮೇಲಿನ ಸಂಶಯ ಕೊಲೆಯಲ್ಲಿ ಅಂತ್ಯವಾಗಿದೆ. ಘಟನಾ ಸ್ಥಳಕ್ಕೆ ಡಿವೈಎಸ್‌ಪಿ ಸಂತೋಷ ಬನ್ನಟ್ಟಿ, ಸಿಪಿಐ ದೇವಿಂದ್ರಪ್ಪ ದೂಳಿಖೇಡ, ಪಿಎಸ್‌ಐ ಭೀಮರಾಯ ಬಂಕ್ಲಿ ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಈ ಕುರಿತು ಸೈದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇನ್ನು ಕೊಲೆಯಾಗಿ ತಾಯಿ ಸತ್ತಿದ್ದಾರೆ ಇತ್ತ ತಂದೆ ಕೂಡ ಜೈಲು ಸೇರಲಿದ್ದಾರೆ. ಹೀಗಾಗಿ ಮಕ್ಕಳು ತಬ್ಬಲಿಯಾಗಿದ್ದಾರೆ.

ಎಚ್‌ ವಿಶ್ವನಾಥ್‌ಗೆ ಮುಂದೆ ಒಳ್ಳೆಯ ಭವಿಷ್ಯವಿದೆ; ಡಿಸಿಎಂ ಲಕ್ಷ್ಮಣ ಸವದಿ