Meena Sankranti 2023: ಮೀನ ಸಂಕ್ರಾಂತಿ 2023 ಶುಭ ಮುಹೂರ್ತ, ಪೂಜೆ ವಿಧಾನ, ಮಹತ್ವ ಹೀಗಿದೆ..!

ಹಿಂದೂ ಧರ್ಮವೂ ಒಂದು ವರ್ಷದಲ್ಲಿ 12 ಸಂಕ್ರಾಂತಿಗಳಿವೆ ಎಂದು ಹೇಳುತ್ತದೆ. ಇವುಗಳಲ್ಲಿ ಮೀನ ಸಂಕ್ರಾಂತಿಯೂ ಇಂದು. ಸೂರ್ಯ ದೇವನು ತನ್ನ ರಾಶಿಯನ್ನು ಬದಲಾಯಿಸುವ ದಿನವನ್ನು ಸಂಕ್ರಾಂತಿ ಎಂದು ಕರೆಯಲಾಗುತ್ತದೆ. ಸೂರ್ಯನು ಯಾವ ರಾಶಿಯನ್ನು ಸೇರುತ್ತಾನೋ ಅದು ಆ ರಾಶಿಯ ಸಂಕ್ರಾಂತಿಯಾಗಿರುತ್ತದೆ. 12 ಸಂಕ್ರಾಂತಿಗಳಲ್ಲಿ ಮೀನ ಸಂಕ್ರಾಂತಿಯೂ ಒಂದು. ಸೂರ್ಯನು ಮಾರ್ಚ್‌ 15 ರಂದು ಕುಂಭ ರಾಶಿಯಿಂದ ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ ಇದನ್ನು ಮೀನ ಸಂಕ್ರಾಂತಿಯೆಂದು ಕರೆಯಲಾಗುತ್ತದೆ. ಈ ದಿನ ಸೂರ್ಯ ದೇವರ ಆರಾಧನೆಗೆ ವಿಶೇಷ ಮಹತ್ವವಿದೆ. ಧರ್ಮಗ್ರಂಥಗಳಲ್ಲಿ ಮೀನ ಸಂಕ್ರಾಂತಿಯನ್ನು ಸೂರ್ಯನ ಆರಾಧನೆಗೆ ಪ್ರಮುಖವೆಂದು ಪರಿಗಣಿಸಲಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಮೀನ ಸಂಕ್ರಾಂತಿಯ ದಿನಾಂಕ, ಮಹತ್ವ ಹಾಗೂ ಈ ದಿನದಂದು ಕೈಗೊಳ್ಳಬೇಕಾದ ಕೆಲವು ವಿಶೇಷ ಕ್ರಮಗಳ ಬಗ್ಗೆ ಇಲ್ಲಿ ತಿಳಿಯೋಣ.Baby Shower: ಸೀಮಂತ ಶಾಸ್ತ್ರವನ್ನೇಕೆ ಮಾಡಬೇಕು..? ಯಾವಾಗ ಮಾಡಬೇಕು ಗೊತ್ತೇ..?

1. ಮೀನ ಸಂಕ್ರಾಂತಿ ಶುಭ ಮುಹೂರ್ತ:
2023 ರ ಮಾರ್ಚ್ 14 ಮತ್ತು 15 ರ ಮಧ್ಯರಾತ್ರಿ 12:16 ಕ್ಕೆ ಸೂರ್ಯನು ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ. ಅದರ ನಂತರ, ಮಾರ್ಚ್‌ 15 ರಂದು ಬೆಳಿಗ್ಗೆ 6.33 ರಿಂದ 8.30 ರವರೆಗಿನ ಸಮಯವು ಪೂಜೆಗೆ ಮಂಗಳಕರವಾಗಿರುತ್ತದೆ. ಈ ಸಮಯದಲ್ಲಿ ಗಂಗಾ ಅಥವಾ ಪವಿತ್ರ ನದಿಯಲ್ಲಿ ಸ್ನಾನ ಮಾಡುವುದು ಮತ್ತು ದಾನ ಮಾಡುವುದು ಸೂರ್ಯನ ಆಶೀರ್ವಾದವನ್ನು ನಿಮಗೆ ನೀಡುತ್ತದೆ. ಭಗವಾನ್ ಸೂರ್ಯನನ್ನು ಗೌರವದ ಅಂಶವೆಂದು ಪರಿಗಣಿಸಲಾಗಿದೆ. ಈ ದಿನ ಆದಿತ್ಯ ಹೃದಯ ಸ್ರೋತವನ್ನು ಪಠಿಸುವುದರಿಂದ ಶತ್ರುಗಳು ನಾಶವಾಗುತ್ತಾರೆ. ಇದಲ್ಲದೆ, ನಕಾರಾತ್ಮಕ ಶಕ್ತಿಯು ಕೊನೆಗೊಳ್ಳುತ್ತದೆ ಎನ್ನುವ ನಂಬಿಕೆಯಿದೆ.

Buddha Lesson: ಈ 3 ಕೆಲಸದಿಂದ ದುಃಖ ನಿಮ್ಮ ಬಳಿ ಸುಳಿಯೋದೇ ಇಲ್ಲಿ ಎನ್ನುತ್ತಾರೆ ಗೌತಮ ಬುದ್ಧ..!
2. ಮೀನ ಸಂಕ್ರಾಂತಿ ಮಹತ್ವ:
ಮೀನ ಸಂಕ್ರಾಂತಿಯು 16 ಘಟಿಗಳ ನಂತರ ಸಂಭವಿಸುತ್ತದೆ ಮತ್ತು ಈ ದಿನ ದಾನ ಮತ್ತಿತರ ಪುಣ್ಯ ಕಾರ್ಯಗಳನ್ನು ಮಾಡುವ ಜನರಿಗೆ ಅದೃಷ್ಟವನ್ನು ತರುತ್ತದೆ ಎಂದು ಹೇಳಲಾಗುತ್ತದೆ. ಈ ದಿನ ಬಡವರಿಗೆ, ನಿರ್ಗತಿಕರಿಗೆ ನಮ್ಮ ಕೈಲಾದಷ್ಟು ಸಹಾಯ ಮಾಡುವುದರಿಂದ ಸಂಪತ್ತು ಮತ್ತು ಸಮೃದ್ಧಿಯ ರೂಪದಲ್ಲಿ ಆಶೀರ್ವಾದವನ್ನು ತರುತ್ತದೆ ಎಂದು ನಂಬಲಾಗಿದೆ. ಮೀನ ಸಂಕ್ರಾಂತಿ ದಿನದಂದು ದೇವಾಲಯಗಳನ್ನು ಹೂವುಗಳಿಂದ ಅಲಂಕರಿಸಲಾಗುತ್ತದೆ ಮತ್ತು ಉತ್ಸಾಹದಿಂದ ಪೂಜೆಯನ್ನು ಮಾಡಲಾಗುತ್ತದೆ. ದಕ್ಷಿಣ ಭಾರತದ ರಾಜ್ಯಗಳಲ್ಲಿ, ಹಿಂದೂಗಳು ಸೂರ್ಯನ ಸಂಕ್ರಮಣಕ್ಕಾಗಿ ಈ ಹಬ್ಬವನ್ನು ಆಚರಿಸುತ್ತಾರೆ.


3. ಮೀನ ಸಂಕ್ರಾಂತಿಯ ಆಚರಣೆಗಳು:
- ಮೀನ ಸಂಕ್ರಾಂತಿ ದಿನದಂದು ಭಕ್ತರು ಮುಂಜಾನೆಯೇ ಎದ್ದು, ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುತ್ತಾರೆ.
- ಸ್ನಾನದ ನಂತರ ಸೂರ್ಯನನ್ನು ಪೂಜಿಸಲಾಗುತ್ತದೆ ಮತ್ತು ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸುವ ಮೂಲಕ ಸೂರ್ಯನ ಆಶೀರ್ವಾದವನ್ನು ಪಡೆಯುತ್ತಾರೆ.
- ಅವರು ತಮ್ಮ ಆಲೋಚನೆಗಳನ್ನು ಶಾಂತಗೊಳಿಸಲು ಸೂರ್ಯ ಮಂತ್ರಗಳನ್ನು ಪಠಿಸುತ್ತಾರೆ.
- ಈ ದಿನ ಉಪವಾಸ ಮಾಡುವವರು ಈರುಳ್ಳಿ, ಬೆಳ್ಳುಳ್ಳಿ ಮತ್ತು ಮದ್ಯೆವನ್ನು ಸೇವಿಸಬಾರದು.
- ಈ ದಿನದಿಂದ ಹಗಲು ಹೆಚ್ಚಾಗಿರುತ್ತದೆ ಮತ್ತು ರಾತ್ರಿ ಕಡಿಮೆಯಾಗುತ್ತದೆ.

Garuda Purana: ಇಂತಹ ಬ್ರಾಹ್ಮಣರಿಂದ ಪೂಜೆಯನ್ನು ಮಾಡಿಸಲೇಬೇಡಿ ಎನ್ನುತ್ತೆ ಗರುಡ
4. ಮೀನ ಸಂಕ್ರಾಂತಿಯಂದು ಇವುಗಳನ್ನು ಮಾಡಬಾರದು:
ಮಲಮಾಸ ಅಥವಾ ಧನುರ್ಮಾಸವು ಮೀನ ಸಂಕ್ರಾಂತಿಯ ದಿನದಿಂದಲೇ ಪ್ರಾರಂಭವಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಈ ದಿನದಿಂದ ಇಡೀ ತಿಂಗಳು ಶುಭ ಕಾರ್ಯಗಳು ನಡೆಯುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಮದುವೆ, ಮುಂಡನ, ಗೃಹಪ್ರವೇಶ, ಹೊಸ ಉದ್ಯಮ ಆರಂಭಿಸುವುದು ಒಳ್ಳೆಯದಲ್ಲ. ಇದು ನಿಮ್ಮ ಜೀವನದಲ್ಲಿ ಸಂಕಷ್ಟಗಳನ್ನು, ತೊಂದರೆಗಳನ್ನು ಹೆಚ್ಚಿಸಬಹುದು.

ಸೂರ್ಯ ದೇವನು ಮಾರ್ಚ್‌ 15 ರಂದು ಕುಂಭ ರಾಶಿಯನ್ನು ತೊರೆದು ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ. ಇದನ್ನೇ ಮೀನ ಸಂಕ್ರಾಂತಿಯೆಂದು ಕರೆಯಲಾಗುತ್ತದೆ. ಈ ದಿನ ಸಂಕಷ್ಟಗಳಿಂದ ದೂರಾಗಲು, ಜೀವನದ ಅನೇಕ ರೀತಿಯ ಸಮಸ್ಯೆಗಳಿಂದ ಮುಕ್ತಿ ಹೊಂದಲು ಜನರು ಸೂರ್ಯ ದೇವನನ್ನು ಪೂಜೆ ಮಾಡುತ್ತಾರೆ.