ಈ ಯೋಗದಲ್ಲಿ ಶುಭ ಪರಿಣಾಮವನ್ನು ಪಡೆಯುವಿರಿ
2020 ರ ಅಕ್ಟೋಬರ್ 11 ರಂದು ಭಾನುವಾರ ರವಿಪುಷ್ಯ ಶುಭ ಯೋಗವು ಆರಂಭವಾಗಲಿದೆ. ರವಿಪುಷ್ಯ ಯೋಗವನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಗುರು ಪುಷ್ಯ ಯೋಗವು ನೀಡುವ ಶುಭ ಫಲಕ್ಕೆ ಸಮನಾಗಿದೆ ಎನ್ನುವ ನಂಬಿಕೆಯಿದೆ. ಎಲ್ಲಾ ಅಶುಭ ಯೋಗದ ದೋಷವನ್ನು ದೂರಾಗಿಸುವ ಸಾಮರ್ಥ್ಯವನ್ನು ಈ ಒಂದು ಯೋಗವು ಪಡೆದುಕೊಂಡಿದೆ. ಈ ಯೋಗದಲ್ಲಿ ನೀವು ಯಾವುದೇ ಶುಭ ಕಾರ್ಯವನ್ನು ಮಾಡಬಹುದಾಗಿದೆ. ವಾಹನ, ಭೂಮಿಯನ್ನು ಖರೀದಿಸಬಹುದು. ಜೊತೆಗೆ ಹೊಸ ಕೆಲಸವನ್ನು ಕೂಡ ಅರಂಭಿಸಲು ಇದು ಶುಭ ಸಮಯವಾಗಿದೆ. ಈ ಎಲ್ಲಾ ಕೆಲಸಗಳಿಂದಲೂ ನೀವು ಶುಭ ಫಲಿತಾಂಶವನ್ನು ಪಡೆದುಕೊಳ್ಳುವಿರಿ. ಅಲ್ಲದೆ, ಈ ದಿನ, ಚಂದ್ರನು ತನ್ನದೇ ಆದ ರಾಶಿಚಕ್ರ ಚಿಹ್ನೆಯಲ್ಲಿ ಉಳಿಯುತ್ತಾನೆ, ಅದು ಚಂದ್ರನ ಸ್ವಂತ ರಾಶಿಚಕ್ರವಾಗಿದೆ, ಅಂದರೆ ಚಂದ್ರನು ಬಲವಾಗಿರುತ್ತಾನೆ. ಇದೂ ಶುಭವಾಗಲಿದೆ. ಇದರೊಂದಿಗೆ, ಈ ದಿನದಂದು ಸರ್ವಾರ್ಥ ಸಿದ್ಧ ಯೋಗವನ್ನು ಮಾಡಲಾಗುತ್ತಿದೆ, ಇದು ಈ ದಿನದ ಮಹತ್ವವನ್ನು ಹಲವು ಬಾರಿ ಹೆಚ್ಚಿಸುತ್ತದೆ.
ನವರಾತ್ರಿಯ ಒಂಭತ್ತು ದಿನಗಳಲ್ಲಿ ಯಾವ ದಿನ ಯಾವ ದೇವಿಯ ಪೂಜೆ? ಶುಭ ಮುಹೂರ್ತದ ಮಾಹಿತಿ ಇಲ್ಲಿದೆ..
ಈ ಯೋಗ ಶುಭ ಫಲವನ್ನು ನೀಡುವುದು
ಅಧಿಕ ಮಾಸದ ಎರಡನೇ ಏಕಾದಶಿಯು ಕಾಮಿಕಾ ಏಕಾದಶಿಯಾಗಿದ್ದು, ಈ ಏಕಾದಶಿಯು 2020 ರ ಅಕ್ಟೋಬರ್ 13 ರಂದು ಮಂಗಳವಾರ ಬರಲಿದೆ. ಪ್ರಾಚೀನ ಧರ್ಮಗ್ರಂಥಗಳ ಪ್ರಕಾರ, ಕಾಮಿಕಾ ಏಕಾದಶಿ ವ್ರತವನ್ನು ಆಚರಿಸುವುದರಿಂದ ವಾಜಪೇಯಿ ಯಜ್ಞಕ್ಕೆ ಸಮಾನವಾದ ಫಲವನ್ನು ಪಡೆಯಬಹುದು. ಅಧಿಕ ಮಾಸದಲ್ಲಿ ಈ ಏಕಾದಶಿ ಬಂದಿರುವುದರಿಂದ ಇದು ಮತ್ತಷ್ಟು ಫಲದಾಯಕವಾಗಿದೆ. ಈ ದಿನ ಶುಭ ಯೋಗವೆಂಬ ಯೋಗವೂ ಕೂಡ ಜೊತೆಯಾಗಲಿದೆ. ಯೋಗದ ಹೆಸರೇ ಸೂಚಿಸುವಂತೆ ಈ ಯೋಗ ಯಾವಾಗಲೂ ಶುಭ ಫಲವನ್ನೇ ನೀಡುವುದು. ನೀವು ಈ ಶುಭ ಯೋಗದಲ್ಲಿ ಹಣದ ಹೂಡಿಕೆಯನ್ನು ಮಾಡಬಹುದು ಮತ್ತು ಯಾವುದೇ ನೂತನ ಕೆಲಸವನ್ನು ಆರಂಭಿಸಬಹುದು. ಈ ಯೋಗದಲ್ಲಿ ನೀವು ಯಾವುದೇ ಕಾರ್ಯ ಮಾಡಿದರೂ ಅದರಿಂದ ಶುಭ ಫಲವನ್ನು ಪಡೆದುಕೊಳ್ಳುವಿರಿ. ಈ ಯೋಗವು ಗುರು ಪುಷ್ಯ ಯೋಗವು ನೀಡುವ ಫಲದಷ್ಟೇ ಪರಿಣಾಮಕಾರಿಯಾಗಿದೆ.
2020 ನವರಾತ್ರಿ: ಕುದುರೆಯನ್ನೇರಿ ಬರುವ ದುರ್ಗೆ..! ಇದು ಶುಭವೋ..? ಅಶುಭವೋ..?
ಈ ಯೋಗದಲ್ಲಿ ಮಾನ - ಸಮ್ಮಾನವು ನಿಮ್ಮದಾಗುವುದು
2020 ರ ಅಕ್ಟೋಬರ್ 15 ರ ಗುರುವಾರದಂದು ಮಾಸಿಕ ಶಿವರಾತ್ರಿ ಅಥವಾ ಮಾಸ ಶಿವರಾತ್ರಿ ಬರಲಿದೆ. ಈ ದಿನದಂದು ಶಿವನನ್ನು ಪೂಜಿಸುವ ಮೂಲಕ ವ್ಯಕ್ತಿಯು ಸಂತೋಷವನ್ನು ಮತ್ತು ಸಮೃದ್ಧಿಯನ್ನು ಪಡೆಯುವನು. ಮಾಸ ಶಿವರಾತ್ರಿಯೊಂದಿಗೆ ಈ ದಿನ ಸಮೃದ್ಧಿದಾಯಕ ಬ್ರಹ್ಮ ಯೋಗವು ಜೊತೆಯಾಗಲಿದೆ. ಈ ಶುಭ ಯೋಗದಲ್ಲಿ ನೀವು ಯಾವುದೇ ಕೆಲಸವನ್ನು ಮಾಡಿದರೂ ಅದರಿಂದ ನೀವು ಗೌರವವನ್ನು ಸಂಪಾದಿಸುವಿರಿ. ನೀವು ಶಾಂತಿದಾಯಕ ಕೆಲಸವನ್ನು ಮಾಡಲು ಬಯಸಿದರೆ ಈ ಯೋಗದಲ್ಲಿ ಮಾಡಬಹುದು. ಇದರೊಂದಿಗೆ ಈ ದಿನ ಐಂದ್ರ ಯೋಗ ಕೂಡ ಬರಲಿದೆ. ಈ ಯೋಗದಲ್ಲಿ ಹಣಕ್ಕೆ ಸಂಬಂಧಿಸಿದ ಕೆಲಸ ಮಾಡುವುದು ಅತ್ಯಂತ ಶುಭವೆಂದು ಪರಿಗಣಿಸಲಾಗುತ್ತದೆ. ಈ ಯೋಗದಲ್ಲಿ ಹೂಡಿಕೆ ಮಾಡುವುದರಿಂದ ಹೆಚ್ಚು ಲಾಭವನ್ನು ಪಡೆದುಕೊಳ್ಳುವಿರಿ.
2020 ಅಕ್ಟೋಬರ್: 2020 ನವರಾತ್ರಿ ಯಾವಾಗ..? ಈ ಬಾರಿ ನವರಾತ್ರಿಯ ವಿಶೇಷವೇನು..?
ಈ ಯೋಗದಲ್ಲಿ ಕೆಲಸ ಮಾಡಲು ಯಾವುದೇ ಅಡೆತಡೆಗಳಿರುವುದಿಲ್ಲ
2020 ರ ಅಕ್ಟೋಬರ್ 26 ರಂದು ಸೋಮವಾರ ಅನೇಕ ಯೋಗಗಳು ಜೊತೆಯಾಗಲಿದೆ. ಈ ದಿನ ವೃದ್ಧಿ ಯೋಗ ಸೃಷ್ಟಿಯಾಗುವುದು. ಯೋಗದ ಹೆಸರೇ ಸೂಚಿಸುವಂತೆ ಇದು ವೃದ್ಧಿದಾಯಕ ಯೋಗವಾಗಿದೆ. ಈ ಯೋಗದಲ್ಲಿ ನೀವು ಯಾವುದೇ ಕೆಲಸವನ್ನು ಮಾಡದರೂ ಅದು ಬೆಳವಣಿಗೆಗೆ ಕಾರಣವಾಗುತ್ತದೆ. ನೀವು ಹೊಸ ವ್ಯವಹಾರ ಅಥವಾ ಉದ್ಯೋಗವನ್ನು ಪ್ರಾರಂಭಿಸಲು ಯೋಚಿಸುತ್ತಿದ್ದರೆ ಅದನ್ನು ಅತ್ಯುತ್ತಮ ಫಲಪ್ರದವೆಂದು ಪರಿಗಣಿಸಲಾಗುತ್ತದೆ. ಈ ಯೋಗದಲ್ಲಿ ಕೆಲಸ - ಕಾರ್ಯಗಳನ್ನು ಮಾಡುವುದರಿಂದ ಜೀವನದಲ್ಲಿ ಯಾವುದೇ ಅಡೆತಡೆಗಳು ಬರಲಾರದು. ಈ ದಿನ ನೀವು ಚಿನ್ನ ಮತ್ತು ಬೆಳ್ಳಿಯನ್ನು ಕೂಡ ಖರೀದಿಸಬಹುದು. ಈ ದಿನ 2020 ರ ವಿಜಯದಶಮಿ ಕೂಡ ಬಂದಿದೆ.
ದೇವರ ಕೋಣೆ ಹೇಗಿರಬೇಕು..?ನಿಯಮ ತಪ್ಪಿದರೆ ಕಷ್ಟ - ನಷ್ಟ ಕಟ್ಟಿಟ್ಟ ಬುತ್ತಿ..!
ಈ ಯೋಗ ಮಹಾಲಕ್ಷ್ಮಿ ಆಶೀರ್ವಾದ ನೀಡುತ್ತದೆ
2020 ಅಕ್ಟೋಬರ್ 31 ರಂದು ಶನಿವಾರ ಶಾರದ ಪೌರ್ಣಮಿಯ ಶುಭ ದಿನವಾಗಿದೆ. ಮಹಾಲಕ್ಷ್ಮಿಯು ಶಾರದ ಪೌರ್ಣಮಿ ದಿನ ಜನಿಸಿದಳೆಂಬ ನಂಬಿಕೆಯಿದೆ. ಆದ್ದರಿಂದ ಈ ದಿನವನ್ನು ಧರ್ಮಗ್ರಂಥಗಳಲ್ಲಿ ಅತ್ಯಂತ ಶ್ರೇಷ್ಟವಾದ ದಿನವೆಂದು ಪರಿಗಣಿಸಲಾಗುತ್ತದೆ. ಈ ದಿನವನ್ನು ಸಂಪತ್ತು ಮತ್ತು ಸಮೃದ್ಧಿಯ ದಿನವೆಂದು ಕರೆಯುತ್ತಾರೆ. ಈ ದಿನ ರಾತ್ರಿ ಮಹಾಲಕ್ಷ್ಮಿಯನ್ನು ಪೂಜಿಸುವುದರಿಂದ ಶುಭ ಫಲವನ್ನು ಪಡೆಯುವಿರಿ. ಈ ದಿನ ಲಕ್ಷ್ಮಿ ದೇವಿಯ ವ್ರತವನ್ನು ಕೂಡ ಅಚರಿಸಲಾಗುವುದು. ಈ ದಿನ ಮಾಡಿದ ಕೆಲಸ - ಕಾರ್ಯಗಳೆಲ್ಲವೂ ಯಶಸ್ಸನ್ನು ನಿಡುತ್ತದೆ.