ಡಿಸೆಂಬರ್‌ 2020 ಸೂರ್ಯಗ್ರಹಣ ಯಾವಾಗ ಗೊತ್ತಾ..? ಸೋಮವಾರಗಳೆಲ್ಲವೂ ವಿಶೇಷವೇಕೇ..?

ನಾವೀಗ 2020 ರ ಅಂತ್ಯದಲ್ಲಿದ್ದೇವೆ. ಅಂದರೆ ನಾವೀಗ ಡಿಸೆಂಬರ್‌ ತಿಂಗಳಲ್ಲಿದ್ದೇವೆ. ಈ ತಿಂಗಳಲ್ಲಿ ಅನೇಕ ಶುಭ ಯೋಗಗಳು ನಿಮಗೆ ಸಾಥ್‌ ನೀಡಲಿದೆ. ಜ್ಯೋತಿಷ್ಯದ ದೃಷ್ಟಿಯಿಂದ ಡಿಸೆಂಬರ್ ತಿಂಗಳು ಬಹಳ ವಿಶೇಷವಾಗಿದ್ದರೆ, ಧರ್ಮದ ವಿಷಯದಲ್ಲೂ ಈ ತಿಂಗಳು ಅತ್ಯಂತ ಮಹತ್ವಪೂರ್ಣದ್ದಾಗಿದೆ. . ವಾಸ್ತವವಾಗಿ ಈ ಬಾರಿ ಡಿಸೆಂಬರ್ ತಿಂಗಳ ಎಲ್ಲಾ ಸೋಮವಾರಗಳು ಬಹಳ ವಿಶೇಷವಾಗಲಿವೆ. ವರ್ಷದ ಕೊನೆಯ ತಿಂಗಳ ಪ್ರತಿ ಸೋಮವಾರದಂದು ಶುಭ ಯೋಗವು ರೂಪುಗೊಳ್ಳಲಿದೆ. ಮೊದಲನೆಯದು ಡಿಸೆಂಬರ್ 7 ಸೋಮವಾರ, ಎರಡನೆಯದು ಡಿಸೆಂಬರ್ 14, ಮೂರನೆಯದು ಡಿಸೆಂಬರ್ 21 ಮತ್ತು ನಾಲ್ಕನೆಯದು ಡಿಸೆಂಬರ್ 28. ಈ ಬಾರಿ ಡಿಸೆಂಬರ್ ಸೋಮವಾರ ಏಕೆ ತುಂಬಾ ವಿಶೇಷವಾಗಿದೆ ಎನ್ನುವುದು ನಿಮಗೆ ತಿಳಿದಿದೆಯೇ..?

ತಿಪ್ಪು ತಿಳುವಳಿಕೆಯಿಂದ ಯಶಸ್ಸು ಅಸಾಧ್ಯ ಎನ್ನುತ್ತಾನೆ ಚಾಣಕ್ಯ..! ಇವುಗಳನ್ನು ಮರೆತುಬಿಡಿ

1. ಡಿಸೆಂಬರ್ 7, ಸೋಮವಾರ ಕಾಲಭೈರವಾಷ್ಟಮಿ:ಈ ಬಾರಿ ಡಿಸೆಂಬರ್‌ ತಿಂಗಳ ಮೊದಲ ಸೋಮವಾರವು ಡಿಸೆಂಬರ್ 7 ರಂದು ಬಂದಿದೆ. ಈ ದಿನದಂದೇ ಕಾಲಭೈರವ ಅಷ್ಟಮಿ ಉಪವಾಸ ಕೂಡ ಇದೆ. ಈ ದಿನವು ಪೂಜೆ ಮತ್ತು ಆಚರಣೆಗಳಿಗೆ ಬಹಳ ವಿಶೇಷವೆಂದು ಪರಿಗಣಿಸಲಾಗುತ್ತದೆ. ಈ ದಿನ ಕಾಲಭೈರವನನ್ನು ಆರಾಧಿಸುವುದರಿಂದ ನಿಮ್ಮ ಕೆಲಸದಲ್ಲಿ ಯಾವುದೇ ರೀತಿಯ ಅಡಚಣೆಗಳು ಉಂಟಾಗುವುದಿಲ್ಲ. ಕಾಲಭೈರವ ಅಷ್ಟಮಿಯ ಹಬ್ಬವನ್ನು ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ಎಂಟನೇ ದಿನ ಆಚರಿಸಲಾಗುತ್ತದೆ. ಈ ದಿನ ಶಿವನು ಕಾಲಭೈರವನಾಗಿ ಅವತರಿಸಿದ್ದಾನೆ ಎನ್ನುವ ನಂಬಿಕೆಯಿದೆ. ಆದ್ದರಿಂದ ಈ ದಿನವನ್ನು ಕಾಲಭೈರವ ಜಯಂತಿ ಎಂದು ಆಚರಿಸಲಾಗುತ್ತದೆ.

ಆಲಂ ನ್ನು ಅರಳಿ ಮರಕ್ಕೆ ಕಟ್ಟಿದರೆ ಸಾಲವೇ ಇರದು..! ಆಲಂ ನ್ನು ಒಮ್ಮೆ ಬಳಸಿ ನೋಡಿ

2. ಡಿಸೆಂಬರ್ 14, ಸೋಮವಾರ ಕೊನೆಯ ಕಾರ್ತಿಕ ಸೋಮವಾರ:
ಡಿಸೆಂಬರ್‌ 14 ರಂದು ಕಾರ್ತಿಕ ಮಾಸದ ಕೊನೆಯ ಸೋಮವಾರವು ಬಂದಿದೆ. ಈ ದಿನದಂದೇ ಅಮಾವಾಸ್ಯೆ ಕೂಡ ಇದೆ. ವೈದಿಕ ನಂಬಿಕೆಯ ಪ್ರಕಾರ, ಅಮಾವಾಸ್ಯೆಯ ದಿನಾಂಕವನ್ನು ಧಾರ್ಮಿಕ ದೃಷ್ಟಿಯಿಂದ ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ ಮತ್ತು ಅಮಾವಾಸ್ಯೆ ಸೋಮವಾರ ಬಿದ್ದಾಗ ಅದು ಇನ್ನಷ್ಟು ಶುಭವಾಗಿರುತ್ತದೆ. ಅಂತಹ ಅಮಾವಾಸ್ಯೆಯನ್ನು ಸೋಮಾವತಿ ಅಮಾವಾಸ್ಯೆ ಎಂದು ಕರೆಯಲಾಗುತ್ತದೆ. ಅಷ್ಟು ಮಾತ್ರವಲ್ಲ, ಈ ದಿನದಂದು ಸಂಜೆ ಸೂರ್ಯಗ್ರಹಣವಿದೆ, ಇದು ವರ್ಷದ ಕೊನೆಯ ಗ್ರಹಣವಾಗಿದೆ. ಈ ಗ್ರಹಣವು ಭಾರತದಲ್ಲಿ ನಡೆಯದ ಕಾರಣ ಭಾರತೀಯರ ಮೇಲೆ ಅದರ ಪ್ರಭಾವ ಇರದು.

ಮುಸ್ಸಂಜೆಯಲ್ಲಿ ಹಾಲು ನೀಡಿದ್ರೆ ಬರ್ಬಾತ್‌ ಆಗೋದು ಗ್ಯಾರೆಂಟಿ..! ಈ ತಪ್ಪುಗಳು ಆಗದಿರಲಿ
3. ಡಿಸೆಂಬರ್ 21, ಸೋಮವಾರ, ಮಕರ ರಾಶಿಯಲ್ಲಿ ಸೂರ್ಯ:

ಡಿಸೆಂಬರ್ 21 ರಂದು, ಜ್ಯೋತಿಷ್ಯ ಜಗತ್ತಿನಲ್ಲಿ 800 ವರ್ಷಗಳ ನಂತರ ಅದ್ಭುತ ಘಟನೆಯೊಂದು ನಡೆಯಲಿದೆ. ಈ ದಿನ, ಗ್ರಹಗಳ ಕುಟುಂಬದ ಇಬ್ಬರು ಪ್ರಮುಖ ಸದಸ್ಯರಾದ ಗುರು ಮತ್ತು ಶನಿ ಅತ್ಯಂತ ಹತ್ತಿರ ಸೇರಲಿದ್ದಾರೆ. ಎರಡು ಗ್ರಹಗಳು ಪ್ರಸ್ತುತ ಮಕರ ರಾಶಿಯಲ್ಲಿ ಜೊತೆಯಾಗಿ ಸಂಚಾರವನ್ನು ಆರಂಬಿಸಲಿವೆ. ಮತ್ತು ಡಿಸೆಂಬರ್ 21 ರ ರಾತ್ರಿ ಈ ಎರಡು ಗ್ರಹಗಳು ಒಂದಕ್ಕೊಂದು ಹತ್ತಿರ ಬರುತ್ತವೆ ಮತ್ತು ಅವುಗಳನ್ನು ಪ್ರತ್ಯೇಕಿಸಲು ಕಷ್ಟವಾಗುತ್ತದೆ. ಇದರೊಂದಿಗೆ ಸೂರ್ಯನು ಕೂಡ ಈ ದಿನದಿಂದ ಮಕರ ರಾಶಿಯಲ್ಲಿ ಇರುತ್ತಾನೆ.

ಹನುಮನಿಗೆ ತುಳಸಿ ಹಾರ ಅರ್ಪಿಸಿದರೆ ಪವಾಡವೇ ನಡೆಯುವುದು..! ಕೋರ್ಟು ಸಮಸ್ಯೆಗಳೇ ದೂರ
4. ಡಿಸೆಂಬರ್ 28, ಸೋಮವಾರ ಪಿಶಾಚಮೋಚನ ಶ್ರಾದ್ಧ

ಈ ಬಾರಿ ವರ್ಷದ ಕೊನೆಯ ಸೋಮವಾರ, ಪಿತೃಗಳಿಗೆ ದಿನವು ಕೂಡಿ ಬರಲಿದೆ. ಡಿಸೆಂಬರ್ ಕೊನೆಯ ಸೋಮವಾರ, ಈ ಬಾರಿ ಪಿಶಾಚಮೋಚನ ಶ್ರಾದ್ಧ ನಡೆಯುತ್ತಿದೆ. ಈ ದಿನದಂದು ಪಿತೃಗಳಿಗೆ ಪಿಂಡ ದಾನ ಮಾಡುವುದು ವಿಶೇಷ ಪ್ರಾಮುಖ್ಯತೆಯನ್ನು ಹೊಂದಿದೆ ಎಂದು ಪರಿಗಣಿಸಲಾಗಿದೆ. ಪಿತೃ ಪಕ್ಷದ ಜೊತೆಗೆ, ಕೆಲವರು ಈ ದಿನ ತಮ್ಮ ಪೂರ್ವಜರಿಗೆ ಧನ್ಯವಾದಗಳನ್ನು ಸಲ್ಲಿಸುತ್ತಾರೆ. ಈ ದಿನ, ಪೂರ್ವಜರಿಗೆ ಪ್ರಿಯವಾದ ವಸ್ತುಗಳನ್ನು ದಾನ ಮಾಡುವುದರಿಂದ ಅವರ ಆತ್ಮಕ್ಕೆ ಶಾಂತಿ ಮತ್ತು ಮೋಕ್ಷ ಸಿಗುತ್ತದೆ. ಈ ದಿನ ಪೂರ್ವಜರನ್ನು ಸ್ಮರಿಸುವ ಮೂಲಕ ನಮ್ಮೆಲ್ಲಾ ತೊಂದರೆಗಳು ದೂರಾಗುವುದು ಮತ್ತು ಪೂರ್ವಜರ ಆಶೀರ್ವಾದವನ್ನು ಕೂಡ ಪಡೆಯಲಾಗುವುದು ಎನ್ನುವ ನಂಬಿಕೆಯಿದೆ.

ಈ 3 ದೇವರನ್ನು ಪೂಜಿಸಿದ್ರೆ ಸಂತೋಷ, ಶಾಂತಿ ಖಂಡಿತ..! ಆ 3 ದೇವರು ಯಾವುದು..?

ಡಿಸೆಂಬರ್‌ನಲ್ಲಿ ಬರುವ ಈ ನಾಲ್ಕು ಸೋಮವಾರಗಳು ಹೆಚ್ಚು ಪ್ರಾಶಸ್ತ್ಯವನ್ನು ಪಡೆದುಕೊಂಡಿದೆ. ಈ ಸೋಮವಾರಗಳಲ್ಲಿ ಶಿವನನ್ನು ವಿಶೇಷವಾಗಿ ಪೂಜಿಸುವುದರಿಂದ ಆತನ ಆಶೀರ್ವಾದವನ್ನು ಕೂಡ ನಾವು ಪಡೆದುಕೊಳ್ಳಬಹುದಾಗಿದೆ.