ದೇವತೆಗಳಲ್ಲೇ ಅತ್ಯಂತ ಶಕ್ತಿಶಾಲಿ ದೇವತೆ
ಹಿಂದೂ ಪುರಾಣಗಳ ಪ್ರಕಾರ ಕಾಳಿಯು ವಿಶ್ವದ ಅತ್ಯಂತ ಶಕ್ತಿಶಾಲಿ ದೇವತೆ. ಈಕೆಯನ್ನು ಹೆಚ್ಚಾಗಿ ರಾಜರುಗಳು ಯುದ್ಧದ ಸಮಯದಲ್ಲಿ ಪೂಜಿಸುತ್ತಿದ್ದರು. ಈಕೆ ದುಷ್ಟ ಶಕ್ತಿಗಳನ್ನು ನಾಶಮಾಡಲೆಂದೇ ಜನಿಸಿದವಳು ಎನ್ನಲಾಗುತ್ತದೆ.
ಮರಣದ ತಾಯಿ
ಸಾಮಾನ್ಯವಾಗಿ ಎಲ್ಲರಲ್ಲೂ ಕಾಳಿಯೆಂದರೆ ಭಯವಿದೆ. ಯಾಕೆಂದರೆ ಆಕೆ ತನ್ನ ಕೋಪಾಗ್ನಿಯಿಂದ ಎಲ್ಲರನ್ನು ಸಾಯಿಸುತ್ತಾಳೆ. ಆದರೆ ನಾವು ಗಮನದಲ್ಲಿಟ್ಟುಕೊಳ್ಳಬೇಕಾದ ವಿಷಯವೆಂದರೆ, ಕಾಳಿ ಮಾತೆ ಕೇವಲ ದುಷ್ಟರನ್ನು ಸಂಹಾರ ಮಾಡಿದಳೆ ಹೊರತು ಸಜ್ಜನರನ್ನಲ್ಲ. ಎಲ್ಲಾ ದುಷ್ಕೃತ್ಯಗಳನ್ನು ನಾಶಮಾಡುವಲ್ಲಿ ಮಾತ್ರ ಈಕೆ ಎತ್ತಿದ ಕೈ.
ಆಕೆಯ 4 ಕೈಗಳ ಮಹತ್ವ
ಕಾಳಿಯ ರೂಪ ಮಾತ್ರವಲ್ಲಿ, ಕಾಳಿಯ 4 ಕೈಗಳೂ ಕೂಡ ಆಕೆಯ ಸ್ವರೂಪವನ್ನು ವಿವರಿಸುತ್ತದೆ. ಕಾಳಿಯ 4 ಕೈಗಳಲ್ಲಿ ಎರಡು ಕೈಗಳು ಪ್ರಪಂಚದಲ್ಲಿನ ದುಷ್ಟ ಶಕ್ತಿಗಳನ್ನು ನಾಶಪಡಿಸುವುದನ್ನು ಮತ್ತು ಕೆಡುಕನ್ನು ಸೂಚಿಸಿದರೆ, ಇನ್ನುಳಿದ ಎರಡು ಕೈಗಳು ತನ್ನ ಮಕ್ಕಳ ಬಗೆಗಿನ ಶುದ್ಧ ಪ್ರೀತಿಯನ್ನು ಸೂಚಿಸುತ್ತದೆ. ಈ ಎರಡು ಕೈಗಳಿಂದ ಕಾಳಿಯು ತನ್ನ ಮಕ್ಕಳನ್ನು ಆಶೀರ್ವದಿಸುತ್ತಾಳೆ, ವಾತ್ಸಲ್ಯ ತೋರಿಸುತ್ತಾಳೆ ಹಾಗೂ ಸಹಾಯವನ್ನು ಮಾಡುತ್ತಾಳೆ.
ಸೃಷ್ಟಿಕರ್ತೆ ಮತ್ತು ವಿನಾಶಕಿ
ಕಾಳಿಯ ಕಪ್ಪು ಮೈಬಣ್ಣವು ಕತ್ತಲೆಯನ್ನು ಸೂಚಿಸುತ್ತದೆ. ಜಗತ್ತನ್ನು ನಾಶಗೊಳಿಸುವ ಸಾಮರ್ಥ್ಯವು ಆಕೆಯಲ್ಲಿದೆ ಹಾಗೂ ಜಗತ್ತನ್ನು ಸೃಷ್ಟಿಸುವ ಸಾಮರ್ಥ್ಯವು ಆಕೆಯಲ್ಲಿದೆ ಎನ್ನುವುದನ್ನು ಸಂಕೇತಿಸುತ್ತದೆ. ಕಾಳಿಯನ್ನು ಕೌಶಿಕ ಮತ್ತು ಗೌರಿ ಎನ್ನುವ ಹೆಸರುಗಳಿಂದ ಕೂಡ ಕರೆಯಲಾಗುತ್ತದೆ.
ದಕ್ಷಿಣ ಕಾಳಿ
ಮಾತೆ ಕಾಳಿಯು ತನ್ನ ಬಲಗಾಲನ್ನು ಶಿವನ ಮೇಲಿಟ್ಟು, ತನ್ನ ಎಡಗೈಯಲ್ಲಿ ಕತ್ತಿಯನ್ನು ಹಿಡಿದು ನಿಂತಿದ್ದರೆ ಆಕೆಯ ಈ ಅವತಾರವನ್ನು ದಕ್ಷಿಣ ಕಾಳಿ ಎಂದು ಕರೆಯಲಾಗುತ್ತದೆ.
ಮಹಾಕಾಳಿ
ಮಹಾಕಾಳಿ ರೂಪದಲ್ಲಿ ಚಿತ್ರಿಸಲಾದ ಕಾಳಿ ಅವತಾರವು 10 ತಲೆಗಳನ್ನು, 10 ತೋಳುಗಳನ್ನು ಮತ್ತು 10 ಕಾಲುಗಳನ್ನು ಹೊಂದಿದ್ದಾಳೆ. ಈ ಅವತಾರದಲ್ಲಿನ ಪ್ರತಿಯೊಂದು ಅಂಶವನ್ನು ಹಿಂದೂ ಧರ್ಮದಲ್ಲಿ ಮತ್ತು ಅವುಗಳ ಆಚರಣೆಯಲ್ಲಿ ವಿಭಿನ್ನ ಶಕ್ತಿಯನ್ನು ಕಾರ್ಯಗತಗೊಳಿಸಲು ಬಳಸಲಾಗುತ್ತದೆ.
ಶಂಶನ್‌ ಕಾಳಿ
ಮಾತೆ ಕಾಳಿಯು ತನ್ನ ಎಡ ಪಾದವನ್ನು ಶಿವನ ಮೇಲಿಟ್ಟು, ಕತ್ತಿಯನ್ನು ಬಲಗೈಯಲ್ಲಿ ಹಿಡಿದರೆ ಅವಳನ್ನು ಶಂಶನ್‌ ಕಾಳಿಯೆಂದು ಕರೆಯಲಾಗುತ್ತದೆ. ಶಂಶನ್‌ ಕಾಳಿಯ ಅವತಾರವು ಕೂಡ ದುಷ್ಟರನ್ನು ಸಂಹರಿಸುವ ಅವತಾರವಾಗಿದೆ.
ಆಕರ್ಷಕವಾದ ಸೌಂದರ್ಯ
ಕಾಳಿಯು ಪರಿಶುದ್ಧಳು ಹಾಗೂ ಆಕೆ ಮಾಯೆಯಿಂದ ದೂರುಳಿದವಳು ಎಂದು ಆಕೆಯ ಬೆತ್ತಲೆ ಚಿತ್ರವು ನಿರೂಪಿಸುತ್ತದೆ. ಪ್ರಕೃತಿಗಿಂತಲೂ ಉನ್ನತ ಸ್ಥಾನದಲ್ಲಿರುವ ದೇವತೆ ಮಾತೆ ಕಾಳಿಯಾಗಿದ್ದು, ದೇವತೆಗಳಲ್ಲೇ ಈಕೆಯ ಪಾತ್ರ ಪ್ರಮುಖವಾದುದ್ದಾಗಿದೆ. ಬ್ರಹ್ಮಾಂಡವೇ ಅಂತ್ಯಗೊಂಡರು ಕೂಡ ಕಾಳಿಗೆ ಅಂತ್ಯವಿಲ್ಲ. ಆಕೆ ಅಮರಳು.
ಕಾಳಿಯ ತೋರ್ಪಡಿಕೆ
ಮಾತೆ ಕಾಳಿಯು ಒಂದು ಕೈಯಲ್ಲಿ ಕಮಲವನ್ನು, ಇನ್ನೊಂದು ಕೈಯಲ್ಲಿ ಕೈಯಲ್ಲಿ ಕತ್ತಿಯನ್ನು ಹಿಡಿದುಕೊಂಡು ಸಿಂಹದ ಮೇಲೆ ಸವಾರಿ ಮಾಡುತ್ತಾಳೆ. ಈಕೆಯ ಬಿಚ್ಚು ಕೂದಲು ಮತ್ತಷ್ಟು ಸೌಂದರ್ಯವನ್ನು ಹೆಚ್ಚಿಸುತ್ತದೆ.
ತಾಯಿ ಕಾಳಿಯ ಬೋಧನೆ
ತಾಯಿಯ ಪ್ರೀತಿಯನ್ನು ಕೆಟ್ಟ ಪ್ರೀತಿ, ಒಳ್ಳೆಯ ಪ್ರೀತಿಯೆಂದು ವಿಭಜಿಸಲು ಸಾಧ್ಯವಿಲ್ಲವೆಮದು ತಾಯಿ ಕಾಳಿಯು ಹೇಳುತ್ತಾಳೆ. ತಾಯಿಯ ಪ್ರೀತಿಯಲ್ಲಿ ಯಾವುದೇ ಬೇಧ, ಭಾವವನ್ನು ಕಾಣಲು ಸಾಧ್ಯವಿಲ್ಲ ಎನ್ನುವುದೇ ಆಕೆಯ ಬೋಧನೆಯಾಗಿದೆ.