Vaishakh Maas 2023 Rules: ವೈಶಾಖ ಮಾಸದಲ್ಲಿ ದೇವರ ಪೂಜೆಯನ್ನು ಮಾಡೋದು ಹೇಗೆ..?

ಚೈತ್ರ ಅಮಾವಾಸ್ಯೆಯ ನಂತರ ವೈಶಾಖ ಮಾಸವು ಪ್ರಾರಂಭವಾಗುತ್ತದೆ. ವೈಶಾಖ ಮಾಸವು ಹಿಂದೂ ಕ್ಯಾಲೆಂಡರ್‌ನ ಎರಡನೇ ಮಾಸವಾಗಿದೆ. ಈ ಬಾರಿ ವೈಶಾಖ ಮಾಸವು ಏಪ್ರಿಲ್‌ 21 ರಿಂದ ಆರಂಭವಾಗಿ ಮೇ 19 ರವರೆಗೆ ಇರುತ್ತದೆ. ಭಗವಾನ್ ವಿಷ್ಣುವಿನ ಆರಾಧನೆಗೆ ಈ ಮಾಸವು ಅತ್ಯಂತ ಪ್ರಾಶಸ್ತ್ಯವಾದ ಮಾಸವೆಂದು ಹೇಳಲಾಗುತ್ತದೆ. ನಾವಿಂದು ಈ ಲೇಖನದಲ್ಲಿ ವೈಶಾಖ ಮಾಸದ ನಿಯಮಗಳು, ಪೂಜೆ ವಿಧಿ - ವಿಧಾನಗಳ ಕುರಿತು ತಿಳಿದುಕೊಳ್ಳೋಣ. Ayodhya Jalabhishek 2023: 156 ದೇಶಗಳ ನೀರಿನಿಂದ ಜಲಾಭಿಷೇಕಕ್ಕೆ ಸಿದ್ಧನಾದ ಅಯೋಧ್ಯೆ ರಾಮ..!
1. ವೈಶಾಖ ಮಾಸದಲ್ಲಿ ದಾನ:
- ವೈಶಾಖ ಮಾಸದಲ್ಲಿ ಗೋಮಾತೆಗೆ ಆಹಾರ ಪದಾರ್ಥಗಳು ಮತ್ತು ಹುಲ್ಲು ಅಥವಾ ಮೇವನ್ನು ನೀಡಬೇಕು.
- ವೈಶಾಖ ಮಾಸದಲ್ಲಿ ಉಪವಾಸವಿದ್ದು ಸಂಜೆ ಸತ್ಯನಾರಾಯಣ ದೇವರ ಕಥೆ ಕೇಳಿ ಪ್ರಸಾದ ವಿತರಿಸಬೇಕು
- ಈ ದಿನ ಉಪವಾಸವಿದ್ದು ಶ್ರೀ ವಿಷ್ಣುವನ್ನು ಪೂಜಿಸಿದ ನಂತರ ಆಹಾರ ಪದಾರ್ಥಗಳನ್ನು ದಾನ ಮಾಡಿ.
- ಈ ತಿಂಗಳು ಪಂಚ ಧಾನ್ಯಗಳು, ವಸ್ತ್ರಗಳು, ಪಂಚಮೇವ, ಮೇಕಪ್ ವಸ್ತುಗಳು, ಸತ್ತು, ಸೌತೆಕಾಯಿ, ಕಲ್ಲಂಗಡಿ, ತುಪ್ಪ, ಹಿಟ್ಟು, ಉಪ್ಪು, ಬೆಲ್ಲ, ಎಣ್ಣೆ, ಸಕ್ಕರೆ, ಫ್ಯಾನ್ ಇತ್ಯಾದಿಗಳನ್ನು ದಾನ ಮಾಡುವುದು ಲಾಭದಾಯಕ.
- ಈ ಮಾಸದಲ್ಲಿ ಜಲದಾನವನ್ನು ಪುಣ್ಯವೆಂದು ಪರಿಗಣಿಸಲಾಗುತ್ತದೆ. ದಾರಿಹೋಕರಿಗೆ ಈ ಮಾಸದಲ್ಲಿ ನೀರನ್ನು ನೀಡಬೇಕು.

Chaitra Amavasya Rules: ಚೈತ್ರ ಅಮಾವಾಸ್ಯೆಯ ದಿನ ಇವುಗಳನ್ನು ಮಾಡಿದರೆ ಪಿತೃ ದೋಷ ಫಿಕ್ಸ್..!
2. ವೈಶಾಖ ಮಾಸದಲ್ಲಿ ಪೂಜೆ ವಿಧಾನ:
- ವೈಶಾಖ ಮಾಸದಲ್ಲಿ ತುಳಸಿ ಮತ್ತು ಅರಳಿ ಮರವನ್ನು ಪೂಜಿಸಿ.
- ವೈಶಾಖ ಮಾಸದಲ್ಲಿ ಮಾಧವನ ರೂಪದಲ್ಲಿ ವಿಷ್ಣುವನ್ನು ತುಳಸಿ ಎಲೆಗಳಿಂದ ಪೂಜಿಸಿ.
- ಪೂಜೆಯ ಸಮಯದಲ್ಲಿ ವಿಷ್ಣುವಿಗೆ ಬಿಳಿ ಅಥವಾ ಹಳದಿ ಹೂವುಗಳನ್ನು ಅರ್ಪಿಸಿ.
- ಈ ತಿಂಗಳು ಪ್ರತಿದಿನ ಕನಿಷ್ಠ 11 ಬಾರಿ 'ಓಂ ಮಾಧವಾಯ ನಮಃ' ಎನ್ನುವ ಮಂತ್ರವನ್ನು ಪಠಿಸಿ.
- ಪೂಜೆಯ ಜೊತೆಗೆ ವಿಷ್ಣುವಿನ ಕೇಶವ, ಹರಿ, ಗೋವಿಂದ, ತ್ರಿವಿಕ್ರಮ, ಪದ್ಮನಾಭ, ಮಧುಸೂದನ, ಅಚ್ಯುತ ಮತ್ತು ಹೃಷಿಕೇಶ ನಾಮಗಳನ್ನು ಧ್ಯಾನಿಸಿ.
- ಈ ಮಾಸದಲ್ಲಿ ಮುಂಜಾನೆ ಸೂರ್ಯನಿಗೆ ತಾಮ್ರದ ಪಾತ್ರೆಯಲ್ಲಿ ನೀರನ್ನು ಅರ್ಪಿಸಬೇಕು.
- ತುಳಸಿ ಎಲೆಗಳನ್ನು ಸೇರಿಸಿ ಶ್ರೀ ವಿಷ್ಣುವಿಗೆ ಪಂಚಾಮೃತವನ್ನು ಅರ್ಪಿಸಿ.
- ಇದರೊಂದಿಗೆ ನರಸಿಂಹ, ಚಿತ್ರಗುಪ್ತ, ಶಿವನನ್ನೂ ಈ ಮಾಸದಲ್ಲಿ ಪೂಜಿಸಲಾಗುತ್ತದೆ.

Amavasya 2023: ಚೈತ್ರ ಅಮಾವಾಸ್ಯೆ 2023 ಶುಭ ಮುಹೂರ್ತ, ಪೂಜೆ ವಿಧಾನ, ಮಹತ್ವ, ಮಂತ್ರ ಹೀಗಿದೆ..!
3. ವೈಶಾಖ ಮಾಸದ ನಿಯಮಗಳು-
- ವೈಶಾಖ ಮಾಸದಲ್ಲಿ ಹೊಸ ಎಣ್ಣೆ ಹಚ್ಚುವುದನ್ನು ನಿಷೇಧಿಸಲಾಗಿದೆ.
- ವೈಶಾಖದಲ್ಲಿ ಗಂಗಾ ಸ್ನಾನ ಮತ್ತು ದಾನವನ್ನು ಮಾಡಬೇಕು.
- ವೈಶಾಖ ಮಾಸದಲ್ಲಿ ಎಣ್ಣೆ ಮತ್ತು ಕರಿದ/ಹುರಿದ ಪದಾರ್ಥಗಳನ್ನು ತಿನ್ನುವುದನ್ನು ತ್ಯಜಿಸುವುದು ಆರೋಗ್ಯಕ್ಕೆ ಒಳ್ಳೆಯದು.
- ವೈಶಾಖ ಮಾಸದಲ್ಲಿ ರಾತ್ರಿ ಆಹಾರ ಸೇವನೆಯನ್ನು ಮಾಡಬಾರದು.
- ಜೀವನದ ದುಃಖಗಳನ್ನು ತೊಡೆದುಹಾಕಲು ಭಗವಾನ್ ಶ್ರೀ ವಿಷ್ಣು ಮತ್ತು ಪರಶುರಾಮರನ್ನು ಪೂಜಿಸಬೇಕು.
- ಇಡೀ ವೈಶಾಖ ಮಾಸದಲ್ಲಿ ನೆಲದ ಮೇಲೆ ಮಲಗಬೇಕು.

ವೈಶಾಖ ಮಾಸವು ಹಿಂದೂ ಕ್ಯಾಲೆಂಡರ್‌ನ ಎರಡನೇ ಮಾಸವಾಗಿದ್ದು, ಈ ಮಾಸದಲ್ಲಿ ಭಗವಾನ್‌ ವಿಷ್ಣುವನ್ನು ಅಥವಾ ಶ್ರೀಕೃಷ್ಣನನ್ನು ಪೂಜಿಸಲಾಗುತ್ತದೆ. ಈ ಮಾಸದಲ್ಲಿ ವಿಷ್ಣುವನ್ನು ಪೂಜಿಸುವುದು ನಿಮಗೆ ಶುಭ ಫಲಗಳನ್ನು ನೀಡುತ್ತದೆ.