ಬೆಂಗಳೂರು: ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬಂತೆ ಬೆಂಗಳೂರಿನ ಪ್ರತಿಭಾನ್ವಿತ ಯುವ ಫುಟ್ಬಾಲ್ ಆಟಗಾರ ಇಶಾನ್ ರಘುನಂದನ ಭವಿಷ್ಯದಲ್ಲಿ ಕನ್ನಡ ನಾಡಿನ ಕೀರ್ತಿಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬೆಳಗುವ ಭರವಸೆ ಮೂಡಿಸಿದ್ದಾನೆ.
ಬೆಂಗಳೂರಿನ ನಾರಾಯಣ ಇ- ಟೆಕ್ನೋ ಸ್ಕೂಲ್ ವಿದ್ಯಾರ್ಥಿ ಆಗಿರುವ ಇಶಾನ್ ಆಟದ ಜೊತೆಗೆ ಪಾಠದಲ್ಲೂ ಸದಾ ಮುಂದಿರುವ ಹೆಬ್ಬಯಕೆ ಹೊಂದಿದ್ದಾರೆ. 10ನೇ ವಯಸ್ಸಿನಲ್ಲಿ ಫುಟ್ಬಾಲ್ ಆಡುವುದನ್ನು ಆರಂಭಿಸಿ ಈಗ ಬೆಂಗಳೂರು ಎಫ್‌ಸಿಯ ಜೂನಿಯರ್ ತಂಡದ ಶ್ರೇಷ್ಠ ಸ್ಟ್ರೈಕರ್‌ಗಳಲ್ಲಿ ಒಬ್ಬರಾಗಿ ಹೊರಹೊಮ್ಮಿದ್ದಾರೆ.
ರದ್ದಿ ಅಂಗಡಿಯಲ್ಲಿ ಅರಳಿದ ಪ್ರತಿಭೆಗೆ ಮಿನಿ ಒಲಿಂಪಿಕ್ಸ್‌ನಲ್ಲಿ ಪದಕ
"10ನೇ ವಯಸ್ಸಿನಲ್ಲಿ ನನ್ನ ಮನೆ ಬಳಿಯೇ ಫುಟ್ಬಾಲ್ ಆಡುವುದನ್ನು ಆರಂಭಿಸಿದೆ. ಬಳಿಕ 2015ರ ಬೇಸಿಗೆ ರಜೆ ದಿನಗಳಲ್ಲಿ ಬೊಕಾ ಜೂನಿಯರ್ ತಂಡವನ್ನು ಸೇರಿದೆ. ನಂತರ ಆಟಗಾರರು ಮತ್ತು ಕೋಚ್‌ಗಳೊಂದಿಗೆ ಬೆರೆಯಲಾರಂಭಿಸಿ ನನ್ನ ಆಟವನ್ನು ಹಂತಹಂತವಾಗಿ ಬಲಪಡಿಸಿಕೊಳ್ಳಲು ಒಂದು ವರ್ಷವೇ ಬೇಕಾಯಿತು. ನಂತರ ಗೋವಾ ತಂಡದ ಸದಸ್ಯತ್ವ ಪಡೆದು ಗೋವಾಗೆ ಪ್ರಯಾಣ ಬೆಳೆಸಿದೆ. ಅಲ್ಲಿ ಆಡಿದ ನನ್ನ ಮೊದಲ ಟೂರ್ನಿಯಲ್ಲಿ ನಮ್ಮ ತಂಡ ದ್ವಿತೀಯ ಸ್ಥಾನವನ್ನೂ ಪಡೆಯಿತು. ಈ ಮೂಲಕ ನನ್ನೊಳಗೆ ಫುಟ್ಬಾಲ್ ಕ್ರೀಡೆಯಲ್ಲಿ ಮುಂದುವರಿಯುವ ಆತ್ಮವಿಶ್ವಾಸ ಹೆಚ್ಚಾಯಿತು," ಎಂದು ಇಶಾನ್ ತಮ್ಮ ಫುಟ್ಬಾಲ್ ಅಭಿಯಾನದ ಆರಂಭಿಕ ದಿನಗಳನ್ನು ನೆನೆದಿದ್ದಾರೆ.
ಮೊಟಾರ್‌ ಸ್ಪೋರ್ಟ್ಸ್‌ನಲ್ಲಿ ಕನ್ನಡಿಗನ ಅಮೋಘ ಸಾಧನೆ
ತಮ್ಮ ಫುಟ್ಬಾಲ್ ಪಯಣವನ್ನು ಎಳೆಎಳೆಯಾಗಿ ಬಿಚ್ಚಿಟ್ಟ ಇಶಾನ್, "ಗೋವಾ ನಂತರ ಬೊಕಾ ಜೂನಿಯರ್ ತಂಡದಲ್ಲಿ ಒಂದು ವರ್ಷದ ಯೋಜನೆಗೆ ಸೇರಿದೆ. ಈ ಯೋಜನೆ ಮೂಲಕ ಆಟಗಾರರಿಗೆ ಐ-ಲೀಗ್‌ನಲ್ಲಿ ಆಡುವ ಅವಕಾಶ ಸಿಗುತ್ತಿತ್ತು. ಐ-ಲೀಗ್ ದೇಶದಾದ್ಯಂತ ಆಡಲಾಗುವ ಬಹುದೊಡ್ಡ ಟೂರ್ನಿ. ನಮ್ಮ ತಂಡಕ್ಕೆ ಗ್ರೀಕ್‌ ಮೂಲದ ಕೋಚ್‌ ಪೆಟ್ರೋಸ್‌ ಮಾರ್ಗದರ್ಶನ ನೀಡುತ್ತಿದ್ದರು. ಅಂತಾರಾಷ್ಟ್ರೀಯ ಮಟ್ಟದ ಕೋಚ್‌ನ ಗರಡಿಯಲ್ಲಿ ಪಳಗಿ ನನ್ನೊಳಗಿನ ಫುಟ್ಬಾಲ್ ಆಟಗಾರನ ಸಾಮರ್ಥ್ಯವನ್ನು ಇಮ್ಮಡಿಗೊಳಿಸಿದೆ," ಎಂದು ಹೇಳಿಕೊಂಡರು.
ಸೆಮಿಫೈನಲ್‌ನಲ್ಲಿ ಬಿಎಫ್‌ಸಿ ಕನಸು ಭಗ್ನ
ಇದೀಗ ಬೆಂಗಳೂರು ಎಫ್‌ಸಿ (ಬಿಎಫ್‌ಸಿ) ನ 14 ವರ್ಷದೊಳಗಿನವರ ತಂಡದಲ್ಲಿ ಪ್ರಮುಖ ಸ್ಟ್ರೈಕರ್‌ ಆಗಿ ಅಬ್ಬರಿಸುತ್ತಿರುವ ಇಶಾನ್ ಗೋಲ್‌ಗಳ ಸುರಿಮಳೆಗೈದು ಭವಿಷ್ಯದ ತಾರೆಯಾಗಿ ಹೊರಹೊಮ್ಮಿದ್ದಾರೆ. ಫುಟ್ಬಾಲ್ ಮೂಲಕ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡುವ ಮಹದಾಸೆ ಹೊಂದಿರುವ ಇಶಾನ್‌ಗೆ ಶುಭವಾಗಲಿ ಎಂದು ಹಾರೈಸೋಣ.
ಬೆಂಗಳೂರಿನ ನಾರಾಯಣ ಇ- ಟೆಕ್ನೋ ಸ್ಕೂಲ್ ವಿದ್ಯಾರ್ಥಿ ಆಗಿರುವ ಇಶಾನ್ ಆಟದ ಜೊತೆಗೆ ಪಾಠದಲ್ಲೂ ಸದಾ ಮುಂದಿರುವ ಹೆಬ್ಬಯಕೆ ಹೊಂದಿದ್ದಾರೆ. 10ನೇ ವಯಸ್ಸಿನಲ್ಲಿ ಫುಟ್ಬಾಲ್ ಆಡುವುದನ್ನು ಆರಂಭಿಸಿ ಈಗ ಬೆಂಗಳೂರು ಎಫ್‌ಸಿಯ ಜೂನಿಯರ್ ತಂಡದ ಶ್ರೇಷ್ಠ ಸ್ಟ್ರೈಕರ್‌ಗಳಲ್ಲಿ ಒಬ್ಬರಾಗಿ ಹೊರಹೊಮ್ಮಿದ್ದಾರೆ.
ರದ್ದಿ ಅಂಗಡಿಯಲ್ಲಿ ಅರಳಿದ ಪ್ರತಿಭೆಗೆ ಮಿನಿ ಒಲಿಂಪಿಕ್ಸ್‌ನಲ್ಲಿ ಪದಕ
"10ನೇ ವಯಸ್ಸಿನಲ್ಲಿ ನನ್ನ ಮನೆ ಬಳಿಯೇ ಫುಟ್ಬಾಲ್ ಆಡುವುದನ್ನು ಆರಂಭಿಸಿದೆ. ಬಳಿಕ 2015ರ ಬೇಸಿಗೆ ರಜೆ ದಿನಗಳಲ್ಲಿ ಬೊಕಾ ಜೂನಿಯರ್ ತಂಡವನ್ನು ಸೇರಿದೆ. ನಂತರ ಆಟಗಾರರು ಮತ್ತು ಕೋಚ್‌ಗಳೊಂದಿಗೆ ಬೆರೆಯಲಾರಂಭಿಸಿ ನನ್ನ ಆಟವನ್ನು ಹಂತಹಂತವಾಗಿ ಬಲಪಡಿಸಿಕೊಳ್ಳಲು ಒಂದು ವರ್ಷವೇ ಬೇಕಾಯಿತು. ನಂತರ ಗೋವಾ ತಂಡದ ಸದಸ್ಯತ್ವ ಪಡೆದು ಗೋವಾಗೆ ಪ್ರಯಾಣ ಬೆಳೆಸಿದೆ. ಅಲ್ಲಿ ಆಡಿದ ನನ್ನ ಮೊದಲ ಟೂರ್ನಿಯಲ್ಲಿ ನಮ್ಮ ತಂಡ ದ್ವಿತೀಯ ಸ್ಥಾನವನ್ನೂ ಪಡೆಯಿತು. ಈ ಮೂಲಕ ನನ್ನೊಳಗೆ ಫುಟ್ಬಾಲ್ ಕ್ರೀಡೆಯಲ್ಲಿ ಮುಂದುವರಿಯುವ ಆತ್ಮವಿಶ್ವಾಸ ಹೆಚ್ಚಾಯಿತು," ಎಂದು ಇಶಾನ್ ತಮ್ಮ ಫುಟ್ಬಾಲ್ ಅಭಿಯಾನದ ಆರಂಭಿಕ ದಿನಗಳನ್ನು ನೆನೆದಿದ್ದಾರೆ.
ಮೊಟಾರ್‌ ಸ್ಪೋರ್ಟ್ಸ್‌ನಲ್ಲಿ ಕನ್ನಡಿಗನ ಅಮೋಘ ಸಾಧನೆ
ತಮ್ಮ ಫುಟ್ಬಾಲ್ ಪಯಣವನ್ನು ಎಳೆಎಳೆಯಾಗಿ ಬಿಚ್ಚಿಟ್ಟ ಇಶಾನ್, "ಗೋವಾ ನಂತರ ಬೊಕಾ ಜೂನಿಯರ್ ತಂಡದಲ್ಲಿ ಒಂದು ವರ್ಷದ ಯೋಜನೆಗೆ ಸೇರಿದೆ. ಈ ಯೋಜನೆ ಮೂಲಕ ಆಟಗಾರರಿಗೆ ಐ-ಲೀಗ್‌ನಲ್ಲಿ ಆಡುವ ಅವಕಾಶ ಸಿಗುತ್ತಿತ್ತು. ಐ-ಲೀಗ್ ದೇಶದಾದ್ಯಂತ ಆಡಲಾಗುವ ಬಹುದೊಡ್ಡ ಟೂರ್ನಿ. ನಮ್ಮ ತಂಡಕ್ಕೆ ಗ್ರೀಕ್‌ ಮೂಲದ ಕೋಚ್‌ ಪೆಟ್ರೋಸ್‌ ಮಾರ್ಗದರ್ಶನ ನೀಡುತ್ತಿದ್ದರು. ಅಂತಾರಾಷ್ಟ್ರೀಯ ಮಟ್ಟದ ಕೋಚ್‌ನ ಗರಡಿಯಲ್ಲಿ ಪಳಗಿ ನನ್ನೊಳಗಿನ ಫುಟ್ಬಾಲ್ ಆಟಗಾರನ ಸಾಮರ್ಥ್ಯವನ್ನು ಇಮ್ಮಡಿಗೊಳಿಸಿದೆ," ಎಂದು ಹೇಳಿಕೊಂಡರು.
ಸೆಮಿಫೈನಲ್‌ನಲ್ಲಿ ಬಿಎಫ್‌ಸಿ ಕನಸು ಭಗ್ನ
ಇದೀಗ ಬೆಂಗಳೂರು ಎಫ್‌ಸಿ (ಬಿಎಫ್‌ಸಿ) ನ 14 ವರ್ಷದೊಳಗಿನವರ ತಂಡದಲ್ಲಿ ಪ್ರಮುಖ ಸ್ಟ್ರೈಕರ್‌ ಆಗಿ ಅಬ್ಬರಿಸುತ್ತಿರುವ ಇಶಾನ್ ಗೋಲ್‌ಗಳ ಸುರಿಮಳೆಗೈದು ಭವಿಷ್ಯದ ತಾರೆಯಾಗಿ ಹೊರಹೊಮ್ಮಿದ್ದಾರೆ. ಫುಟ್ಬಾಲ್ ಮೂಲಕ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡುವ ಮಹದಾಸೆ ಹೊಂದಿರುವ ಇಶಾನ್‌ಗೆ ಶುಭವಾಗಲಿ ಎಂದು ಹಾರೈಸೋಣ.