ಬರ್ಮಿಂಗ್‌ಹ್ಯಾಮ್: ಪ್ರಸ್ತುತ ನಡೆಯುತ್ತಿರುವ 2022ರ ಕಾಮನ್‌ವೆಲ್ತ್‌ ಕ್ರೀಡಾಕೂಟದ ವೇಟ್ಲಿಫ್ಟಿಂಗ್ ವಿಭಾಗದಲ್ಲಿ ಮೀರಾಬಾಯಿ ಚಾನು ಭಾರತಕ್ಕೆ ಚೊಚ್ಚಲ ಚಿನ್ನದ ಪದಕ ತಂದುಕೊಟ್ಟಿದ್ದಾರೆ. ಆ ಮೂಲಕ ಎರಡನೇ ದಿನವಾದ ಶನಿವಾರ ಭಾರತಕ್ಕೆ ಒಟ್ಟು ಮೂರು ಪದಕಗಳು ಸೇರ್ಪಡೆಯಾಗಿವೆ.
2018ರ ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿಯೂ ಮೀರಾಬಾಯಿ ಚಾನು ಅವರು ಚಿನ್ನದ ಪದಕ ಸಾಧನೆ ಮಾಡಿದ್ದರು. ಇದೀಗ ಸತತ ಎರಡನೇ ಈ ಮಹತ್ವದ ಕ್ರೀಡಾಕೂಟದಲ್ಲಿ ಚಿನ್ನದ ಪದಕವನ್ನು ಮುಡಿಗೇರಿಸಿಕೊಂಡಿದ್ದಾರೆ. ಸ್ಪರ್ಧೆಯಲ್ಲಿ ಸ್ನ್ಯಾಚ್‌ ವಿಭಾಗದಲ್ಲಿ 88 ಕೆ.ಜಿ ಹಾಗೂ ಕ್ಲೀನ್‌ ಅಂಡ್‌ ಜೆರ್ಕ್‌ ವಿಭಾಗದಲ್ಲಿ 113 ಕೆ.ಜಿ ಭಾರವನ್ನು ಮೀರಾಬಾಯಿ ಯಶಸ್ವಿಯಾಗಿ ಎತ್ತಿದ್ದರು.
ಕನ್ನಡಿಗನಿಗೆ ಕಂಚಿನ ಪದಕ: ಇದಕ್ಕೂ ಮುನ್ನ ಪುರುಷರ ವೇಟ್ಲಿಫ್ಟಿಂಗ್ 61 ಕೆ.ಜಿ ವಿಭಾಗದಲ್ಲಿ ಒಟ್ಟು 269 ಕೆ.ಜಿ ತೂಕವನ್ನು ಎತ್ತುವ ಮೂಲಕ ಕರ್ನಾಟಕ ಮೂಲಕ ಗುರುರಾಜ ಪೂಜಾರಿ ಕಂಚಿನ ಪದಕ ತನ್ನದಾಗಿಸಿಕೊಂಡಿದ್ದರು. ಇವರು ಸ್ನ್ಯಾಚ್‌ ಸುತ್ತಿನಲ್ಲಿ 118 ಕೆ.ಜಿ ತೂಕ ಎತ್ತುವ ಮೂಲಕ ಗುರುರಾಜ, ನಾಲ್ಕನೇ ಸ್ಥಾನಕ್ಕೆ ಇಳಿದಿದ್ದರು. ನಂತರ ಎಚ್ಚೆತ್ತುಕೊಂಡ ಅವರು ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಪೋಡಿಯಂಗೇರಿ ತಮ್ಮ ಅಭಿಯಾನವನ್ನು ಯಶಸ್ವಿಯಾಗಿ ಮುಗಿಸಿದರು.
ಭಾರತಕ್ಕೆ ಮೊದಲ ಪದಕ ತಂದಿದ್ದ ಸಂಕೇತ್‌: ಪುರುಷರ ವೇಟ್ಲಿಫ್ಟಿಂಗ್ 55 ಕೆ.ಜಿ ವಿಭಾಗದಲ್ಲಿ ಸಂಕೇತ್‌ ಸರ್ಗರ್‌ ಅವರು 248 ಕೆ.ಜಿ ತೂಕ ಎತ್ತುವ ಮೂಲಕ ಬೆಳ್ಳಿ ಪದಕವನ್ನು ಖಚಿತಪಡಿಸಿಕೊಂಡಿದ್ದರು. ಸ್ನ್ಯಾಚ್‌ ವಿಭಾಗದಲ್ಲಿ 113 ಕೆ.ಜಿ ತೂಕ ಎತ್ತುವ ಮೂಲಕ ಅಗ್ರ ಸ್ಥಾನ ಕಾಯ್ದುಕೊಂಡಿದ್ದ ಸಂಕೇತ್‌, ಬಳಿಕ ಕ್ಲೀನ್‌ ಅಂಡ್‌ ಜೆರ್ಕ್‌ ವಿಭಾಗದಲ್ಲಿ 135 ಕೆ.ಜಿ ಭಾರ ಎತ್ತುವ ಮೂಲಕ ಎರಡನೇ ಸ್ಥಾನಕ್ಕೆ ಇಳಿದರು.
119 ಕೆ.ಜಿ ತೂಕ ಎತ್ತುವಲ್ಲಿ ವಿಫಲ: ಸ್ನ್ಯಾಚ್‌ ಸುತ್ತಿನಲ್ಲಿ ಮೀರಾಬಾಯಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. ಆ ಮೂಲಕ 88 ಕೆ.ಜಿ ಭಾರವನ್ನು ಯಶಸ್ವಿಯಾಗಿ ಎತ್ತಿದ್ದರು. ನಂತರ ಕ್ಲೀನ್‌ ಅಂಡ್‌ ಜೆರ್ಕ್‌ ಸುತ್ತಿನ ಮೊದಲ ಪ್ರಯತ್ನದಲ್ಲಿ 105 ಕೆ.ಜಿ ತೂಕವನ್ನು ಎತ್ತಿದ್ದರು. ನಂತರ ಎರಡನೇ ಪ್ರಯತ್ನದಲ್ಲಿ 113 ಕೆ.ಜಿ ಭಾರವನ್ನು ಯಶಸ್ವಿಯಾಗಿ ಎತ್ತಿದ್ದರು. ಆದರೆ, ಮೂರನೇ ಪ್ರಯತ್ನದಲ್ಲಿ 119 ಕೆ.ಜಿ ಎತ್ತಲು ಸಾಕಷ್ಟು ಪ್ರಯತ್ನ ನಡೆಸಿದರೂ ಯಶಸ್ವಿಯಾಗಲಿಲ್ಲ. ಇದರ ಹೊರತಾಗಿಯೂ ಅವರು ಚಿನ್ನದ ಪದಕವನ್ನು ತಮ್ಮಲ್ಲಿಯೇ ಉಳಿಸಿಕೊಂಡರು. ಮಾರಿಷಸ್‌ನ ರೊಯ್ಲ್ಯ ರಣೈವೊಸೊವಾ (ಸ್ನ್ಯಾಚ್‌ 76 ಕೆಜಿ ಹಾಗೂ ಕ್ಲೀನ್‌ ಅಂಡ್‌ ಜೆರ್ಕ್‌ 96 ಕೆಜಿ) ಬೆಳ್ಳಿ ಗೆದ್ದರೆ, ಕೆನಡಾದ ಹನ್ನಾ ಕಾಮಿನ್ಸ್ಕಿ ಒಟ್ಟು 171 ಕೆ.ಜಿ ಎತ್ತುವ ಮೂಲಕ ಕಂಚಿನ ಪದಕಕ್ಕೆ ತೃಪ್ತರಾದರು.
2018ರ ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿಯೂ ಮೀರಾಬಾಯಿ ಚಾನು ಅವರು ಚಿನ್ನದ ಪದಕ ಸಾಧನೆ ಮಾಡಿದ್ದರು. ಇದೀಗ ಸತತ ಎರಡನೇ ಈ ಮಹತ್ವದ ಕ್ರೀಡಾಕೂಟದಲ್ಲಿ ಚಿನ್ನದ ಪದಕವನ್ನು ಮುಡಿಗೇರಿಸಿಕೊಂಡಿದ್ದಾರೆ. ಸ್ಪರ್ಧೆಯಲ್ಲಿ ಸ್ನ್ಯಾಚ್‌ ವಿಭಾಗದಲ್ಲಿ 88 ಕೆ.ಜಿ ಹಾಗೂ ಕ್ಲೀನ್‌ ಅಂಡ್‌ ಜೆರ್ಕ್‌ ವಿಭಾಗದಲ್ಲಿ 113 ಕೆ.ಜಿ ಭಾರವನ್ನು ಮೀರಾಬಾಯಿ ಯಶಸ್ವಿಯಾಗಿ ಎತ್ತಿದ್ದರು.
ಕನ್ನಡಿಗನಿಗೆ ಕಂಚಿನ ಪದಕ: ಇದಕ್ಕೂ ಮುನ್ನ ಪುರುಷರ ವೇಟ್ಲಿಫ್ಟಿಂಗ್ 61 ಕೆ.ಜಿ ವಿಭಾಗದಲ್ಲಿ ಒಟ್ಟು 269 ಕೆ.ಜಿ ತೂಕವನ್ನು ಎತ್ತುವ ಮೂಲಕ ಕರ್ನಾಟಕ ಮೂಲಕ ಗುರುರಾಜ ಪೂಜಾರಿ ಕಂಚಿನ ಪದಕ ತನ್ನದಾಗಿಸಿಕೊಂಡಿದ್ದರು. ಇವರು ಸ್ನ್ಯಾಚ್‌ ಸುತ್ತಿನಲ್ಲಿ 118 ಕೆ.ಜಿ ತೂಕ ಎತ್ತುವ ಮೂಲಕ ಗುರುರಾಜ, ನಾಲ್ಕನೇ ಸ್ಥಾನಕ್ಕೆ ಇಳಿದಿದ್ದರು. ನಂತರ ಎಚ್ಚೆತ್ತುಕೊಂಡ ಅವರು ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಪೋಡಿಯಂಗೇರಿ ತಮ್ಮ ಅಭಿಯಾನವನ್ನು ಯಶಸ್ವಿಯಾಗಿ ಮುಗಿಸಿದರು.
ಭಾರತಕ್ಕೆ ಮೊದಲ ಪದಕ ತಂದಿದ್ದ ಸಂಕೇತ್‌: ಪುರುಷರ ವೇಟ್ಲಿಫ್ಟಿಂಗ್ 55 ಕೆ.ಜಿ ವಿಭಾಗದಲ್ಲಿ ಸಂಕೇತ್‌ ಸರ್ಗರ್‌ ಅವರು 248 ಕೆ.ಜಿ ತೂಕ ಎತ್ತುವ ಮೂಲಕ ಬೆಳ್ಳಿ ಪದಕವನ್ನು ಖಚಿತಪಡಿಸಿಕೊಂಡಿದ್ದರು. ಸ್ನ್ಯಾಚ್‌ ವಿಭಾಗದಲ್ಲಿ 113 ಕೆ.ಜಿ ತೂಕ ಎತ್ತುವ ಮೂಲಕ ಅಗ್ರ ಸ್ಥಾನ ಕಾಯ್ದುಕೊಂಡಿದ್ದ ಸಂಕೇತ್‌, ಬಳಿಕ ಕ್ಲೀನ್‌ ಅಂಡ್‌ ಜೆರ್ಕ್‌ ವಿಭಾಗದಲ್ಲಿ 135 ಕೆ.ಜಿ ಭಾರ ಎತ್ತುವ ಮೂಲಕ ಎರಡನೇ ಸ್ಥಾನಕ್ಕೆ ಇಳಿದರು.
119 ಕೆ.ಜಿ ತೂಕ ಎತ್ತುವಲ್ಲಿ ವಿಫಲ: ಸ್ನ್ಯಾಚ್‌ ಸುತ್ತಿನಲ್ಲಿ ಮೀರಾಬಾಯಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. ಆ ಮೂಲಕ 88 ಕೆ.ಜಿ ಭಾರವನ್ನು ಯಶಸ್ವಿಯಾಗಿ ಎತ್ತಿದ್ದರು. ನಂತರ ಕ್ಲೀನ್‌ ಅಂಡ್‌ ಜೆರ್ಕ್‌ ಸುತ್ತಿನ ಮೊದಲ ಪ್ರಯತ್ನದಲ್ಲಿ 105 ಕೆ.ಜಿ ತೂಕವನ್ನು ಎತ್ತಿದ್ದರು. ನಂತರ ಎರಡನೇ ಪ್ರಯತ್ನದಲ್ಲಿ 113 ಕೆ.ಜಿ ಭಾರವನ್ನು ಯಶಸ್ವಿಯಾಗಿ ಎತ್ತಿದ್ದರು. ಆದರೆ, ಮೂರನೇ ಪ್ರಯತ್ನದಲ್ಲಿ 119 ಕೆ.ಜಿ ಎತ್ತಲು ಸಾಕಷ್ಟು ಪ್ರಯತ್ನ ನಡೆಸಿದರೂ ಯಶಸ್ವಿಯಾಗಲಿಲ್ಲ. ಇದರ ಹೊರತಾಗಿಯೂ ಅವರು ಚಿನ್ನದ ಪದಕವನ್ನು ತಮ್ಮಲ್ಲಿಯೇ ಉಳಿಸಿಕೊಂಡರು. ಮಾರಿಷಸ್‌ನ ರೊಯ್ಲ್ಯ ರಣೈವೊಸೊವಾ (ಸ್ನ್ಯಾಚ್‌ 76 ಕೆಜಿ ಹಾಗೂ ಕ್ಲೀನ್‌ ಅಂಡ್‌ ಜೆರ್ಕ್‌ 96 ಕೆಜಿ) ಬೆಳ್ಳಿ ಗೆದ್ದರೆ, ಕೆನಡಾದ ಹನ್ನಾ ಕಾಮಿನ್ಸ್ಕಿ ಒಟ್ಟು 171 ಕೆ.ಜಿ ಎತ್ತುವ ಮೂಲಕ ಕಂಚಿನ ಪದಕಕ್ಕೆ ತೃಪ್ತರಾದರು.