ದಾಖಲೆಯೊಂದಿಗೆ ವಿಶ್ವಕಪ್‌ಗೆ ಎಂಟ್ರಿ ಕೊಟ್ಟ ರಸೆಲ್

ಟ್ರೆಂಟ್‌ಬ್ರಿಡ್ಜ್: ಏಕದಿನ ವಿಶ್ವಕಪ್‌ನಲ್ಲಿ ಯಾವ ತಂಡ ಮೊದಲು 500 ರನ್ ಗಳಿಸಲಿದೆ ಎಂಬುದು ಸಾಕಷ್ಟು ಕುತೂಹಲವನ್ನುಂಟು ಮಾಡಿದೆ.

ಈ ಮಧ್ಯೆ ನ್ಯೂಜಿಲೆಂಡ್ ವಿರುದ್ಧ ಅಭ್ಯಾಸ ಪಂದ್ಯದಲ್ಲಿ ವೆಸ್ಟ್‌ಇಂಡೀಸ್‌ 421 ರನ್ ಪೇರಿಸಿ ಸ್ಪಷ್ಟ ಸಂದೇಶವನ್ನು ರವಾನಿಸಿದೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಅದೇ ಶ್ರೇಷ್ಠ ಪ್ರದರ್ಶನವನ್ನು ಮುಂದುವರಿಸಿದ ಆಂಡ್ರೆ ರಸೆಲ್ ಕೇವಲ 23 ಎಸೆತಗಳಲ್ಲಿ ಫಿಫ್ಟಿ ಬಾರಿಸುವ ಮೂಲಕ ಗಮನ ಸೆಳೆದಿದ್ದರು.

ಇದೀಗ ದಾಖಲೆಯೊಂದಿಗೆ ರಸೆಲ್ ವಿಶ್ವಕಪ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ ಗರಿಷ್ಠ ಸ್ಟ್ರೇಕ್‌ರೇಟ್‌ ಕಾಪಾಡಿಕೊಂಡು ವಿಶ್ವಕಪ್‌ಗೆ ಕಾಲಿಟ್ಟಿರುವ ಆಟಗಾರ ಎಂಬ ಖ್ಯಾತಿಗೆ ರಸೆಲ್ ಪಾತ್ರವಾಗಿದ್ದಾರೆ.

52 ಏಕದಿನ ಪಂದ್ಯಗಳಲ್ಲಿ ರಸೆಲ್ 130.45ರ ಸ್ಟ್ರೇಕ್‌ರೇಟ್ ಕಾಪಾಡಿಕೊಂಡಿದ್ದಾರೆ. ಅಲ್ಲದೆ ಒಟ್ಟು 998 ರನ್ ಗಳಿಸಿದ್ದು, ಸಹಸ್ರ ರನ್ ಗಳಿಸಲು ಇನ್ನು ಎರಡು ರನ್ನಿನ ಅಗತ್ಯವಿದೆ.