ವಿಶ್ವಕಪ್ ಫೈನಲ್‌ನಲ್ಲೂ ಕೆಟ್ಟ ಅಂಪೈರಿಂಗ್ ಬಗ್ಗೆ ಭಾರಿ ಟ್ರೋಲ್

ಲಂಡನ್: ಆತಿಥೇಯ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಫೈನಲ್ ಪಂದ್ಯದಲ್ಲೂ ಕೆಟ್ಟ ಅಂಪೈರಿಂಗ್ ಮುಂದುವರಿದಿದೆ. ಇದರಿಂದಾಗಿ ಸಹನೆ ಕಳೆದುಕೊಂಡಿರುವ ಅಭಿಮಾನಿಗಳು ಐಸಿಸಿ ವಿರುದ್ಧ ಭಾರಿ ಟ್ರೋಲ್ ಮಾಡಿದೆ.

ಲೀಗ್ ಹಂತದಲ್ಲೂ ಕಳಪೆ ಅಂಪೈರಿಂಗ್ ಬಗ್ಗೆ ಭಾರಿ ಟೀಕೆಗಳು ಎದ್ದಿದ್ದವು. ಫೈನಲ್ ಪಂದ್ಯದಲ್ಲೂ ಈ ಪ್ರವೃತ್ತಿ ಮುಂದುವರಿದಿದೆ. ರಾಸ್ ಟೇಲರ್‌ಗೆ ಎಲ್‌ಬಿಡಬ್ಲ್ಯು ಮುಖಾಂತರ ಔಟ್ ನೀಡಲಾಗಿತ್ತು. ಆದರೆ ಚೆಂಡು ವಿಕೆಟ್ ಮೇಲಿಂದ್ ಹಾದು ಹೋಗುತ್ತಿರುವುದು ಸ್ಪಷ್ಟವೆನಿಸಿತ್ತು.

ಈ ಮೊದಲು ಕೇನ್ ವಿಲಿಯಮ್ಸನ್ ಔಟ್ ಆದರೂ ಔಟ್ ನೀಡಿರಲಿಲ್ಲ. ಬಳಿಕ ಡಿಆರ್‌ಎಸ್ ಬಳಕೆ ಮಾಡಿದ ಇಂಗ್ಲೆಂಡ್, ಕಿವೀಸ್ ನಾಯಕನನ್ನು ಹೊರದಬ್ಬುವಲ್ಲಿ ಯಶಸ್ವಿಯಾಗಿದ್ದರು.

ಇಂಗ್ಲೆಂಡ್‌ಗಿಂತಲೂ ನ್ಯೂಜಿಲೆಂಡ್ ವಿರುದ್ಧ ಹೆಚ್ಚಿನ ಕೆಟ್ಟ ತೀರ್ಪುಗಳು ದಾಖಲಾಗಿದೆ. ಇದರಿಂದಾಗಿ ವಿಶ್ವಕಪ್ ಫೈನಲ್ ಪಂದ್ಯದ ಮೇಲೆ ಕಪ್ಪು ಚುಕ್ಕೆ ಬೀಳುವಂತಾಗಿದೆ.