ಭಾರತಕ್ಕೆ ಆಘಾತ; ಗಾಯಾಳು ಭುವಿ ಸೇವೆಯಿಂದ ಟೀಮ್ ಇಂಡಿಯಾ ವಂಚಿತ!

ಮ್ಯಾಂಚೆಸ್ಟರ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಪಾಕಿಸ್ತಾನ ವಿರುದ್ಧ ನಡೆಯುತ್ತಿರುವ ಹೈ ವೋಲ್ಟೇಜ್ ಪಂದ್ಯದ ನಡುವೆ ಟೀಮ್ ಇಂಡಿಯಾ ಭಾರಿ ಆಘಾತಕ್ಕೊಳಗಾಗಿದೆ.

ಭಾರತದ ಬಲಗೈ ವೇಗಿ ಭುವನೇಶ್ವರ್ ಕುಮಾರ್ ಸ್ನಾಯು ಸೆಳೆತಕ್ಕೊಳಗಾದ ಪರಿಣಾಮ ಟೀಮ್ ಇಂಡಿಯಾ ಸೇವೆಯಿಂದ ವಂಚಿತವಾಗಿದೆ.

ಪಾಕ್ ಇನ್ನಿಂಗ್ಸ್‌ನ ಐದನೇ ಓವರ್‌ನಲ್ಲಿ ಘಟನೆ ನಡೆದಿತ್ತು. ತಮ್ಮ ಮೂರನೇ ಓವರ್‌ನ ನಾಲ್ಕನೇ ಎಸೆತದ ವೇಳೆ ಭುವಿ ಗಾಯದ ಸಮಸ್ಯೆಕೊಳಗಾದರು. ತಕ್ಷಣವೇ ಫಿಸಿಯೋ ಸಂಪರ್ಕಿಸಿ ಮೈದಾನ ತೊರೆದರು.

ನಿಖರ ದಾಳಿ ಸಂಘಟಿಸಿದ ಭುವಿ ಎಂಟು ರನ್‌ಗಳನ್ನಷ್ಟೇ ಬಿಟ್ಟು ಕೊಟ್ಟಿದ್ದರು. ಬಳಿಕ ಬುಮ್ರಾ ಓವರ್ ಪೂರ್ಣಗೊಳಿಸಲು ದಾಳಿಗಳಿದ ವಿಜಯ್ ಶಂಕರ್, ತಮ್ಮ ಚೊಚ್ಚಲ ವಿಶ್ವಕಪ್‌ನ ಪ್ರಥಮ ಎಸೆತದಲ್ಲೇ ವಿಕೆಟ್ ಪಡೆದು ಗಮನ ಸೆಳೆದರು.

ತದಾ ಬೆನ್ನಲ್ಲೇ ಭುವಿ ಈ ಪಂದ್ಯಕ್ಕೆ ಅಲಭ್ಯವಾಗಿದ್ದಾರೆ ಎಂಬ ವರದಿಯು ಟೀಮ್ ಇಂಡಿಯಾ ಡ್ರೆಸ್ಸಿಂಗ್ ಕೊಠಡಿಯಿಂದ ಬಂದಿದೆ. ಇದರೊಂದಿಗೆ ಭಾರತ ಆಘಾತ ಎದುರಿಸುವಂತಾಗಿದೆ.

ಈಗಾಗಲೇ ಗಾಯದ ಸಮಸ್ಯೆಯಿಂದ ಶಿಖರ್ ಧವನ್ ಸೇವೆಯಿಂದ ಟೀಮ್ ಇಂಡಿಯಾ ವಂಚಿತವಾಗಿದೆ. ಭುವಿ ಮುಂದಿನ ಪಂದ್ಯಗಳಿಗೆ ಲಭ್ಯವಾಗುವರೇ ಎಂಬುದರ ಬಗ್ಗೆ ನಿಖರ ಮಾಹಿತಿ ಇನ್ನಷ್ಟೇ ಬರಬೇಕಿದೆ.