ಮಕ್ಕಳೊಂದಿಗೆ ಕ್ರಿಕೆಟ್ ಆಡಿ ಹೃದಯ ಗೆದ್ದ ಟೀಮ್ ಇಂಡಿಯಾ

ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಅಭ್ಯಾಸದ ಅವಧಿಗೆ ಅಲ್ಪ ವಿರಾಮ ನೀಡಿರುವ ಟೀಮ್ ಇಂಡಿಯಾ ಆಟಗಾರರು ಶಾಲಾ ಮಕ್ಕಳೊಂದಿಗೆ ಕ್ರಿಕೆಟ್ ಆಡುವ ಮೂಲಕ ಅಮೂಲ್ಯ ಸಮಯವನ್ನು ಕಳೆದುಕೊಂಡರು.

Vijaya Karnataka Web 21 Jun 2019, 4:57 pm

ಸೌತಾಂಪ್ಟನ್: ಐಸಿಸಿ ಏಕದಿನ ವಿಶ್ವಕಪ್‌ನಲ್ಲಿ ಗುರುವಾರದಂದು ಟೀಮ್ ಇಂಡಿಯಾ ಅಭ್ಯಾಸ ಅವಧಿಯಲ್ಲಿ ವಿಶೇಷ ಆತಿಥಿಗಳು ಭಾಗವಹಿಸಿದ್ದರು. ಸೌತಾಂಪ್ಟನ್‌ನ ಸ್ಪ್ರಿಂಗ್‌ಹಿಲ್ ಶಾಲೆಯ 30ರಷ್ಟು ಮಕ್ಕಳು ಟೀಮ್ ಇಂಡಿಯಾ ಕ್ಯಾಂಪ್ ಸೇರಿಕೊಂಡಿದ್ದರು.

ಅಷ್ಟೇ ಯಾಕೆ ನಾಯಕ ವಿರಾಟ್ ಕೊಹ್ಲಿ ಸೇರಿದಂತೆ ಭಾರತೀಯ ತಂಡದ ಆಟಗಾರರೊಂದಿಗೆ ಕ್ರಿಕೆಟ್ ಆಡುವ ಮೂಲಕ ಕನಸು ನನಸಾಗಿಕೊಂಡಿದ್ದಾರೆ.

ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಮಂಡಳಿಯ (ಇಸಿಬಿ) ಕ್ರಿಕೆಟ್ ಫಾರ್ ಗುಡ್ ಕಾರ್ಯಕ್ರಮದಡಿಯಲ್ಲಿ ಮಕ್ಕಳೊಂದಿಗೆ ಮುದ್ದು ಮಕ್ಕಳಾಗಿ ಟೀಮ್ ಇಂಡಿಯಾ ಆಟಗಾರರು ಬೆರೆತರು.

ಹಾರ್ದಿಕ್ ಪಾಂಡ್ಯ ಹಾಗೂ ಕೆಎಲ್ ರಾಹುಲ್ ಸಹ ತುಂಟಾಟವನ್ನು ಮಾಡುವ ಮೂಲಕ ಮಕ್ಕಳೊಂದಿಗೆ ಸಮಯವನ್ನು ಕಳೆದರು. ಬಳಿಕ ಕ್ರಿಕೆಟ್ ಆಟದಲ್ಲೂ ಭಾಗವಹಿಸಿದರು.

ಬಳಿಕ ಮಕ್ಕಳಿಗೆ ಆಟೋಗ್ರಾಫ್ ನೀಡಿ ಜತೆಯಾಗಿ ಫೋಟೋ ಕ್ಲಿಕ್ಕಿಸಿಕೊಂಡರು. ಒಟ್ಟಿನಲ್ಲಿ ಟೀಮ್ ಇಂಡಿಯಾ ಪಾಳೇಯದಲ್ಲಿ ಹೊಸ ಹುಮ್ಮಸನ್ನು ಮೂಡಿಸಿತು.

ಮಕ್ಕಳೊಂದಿಗೆ ಕ್ರಿಕೆಟ್ ಆಡಿ ಹೃದಯ ಗೆದ್ದ ಟೀಮ್ ಇಂಡಿಯಾ

ಮುಂದಿನ ಲೇಖನ