ಗಲ್ಲದಿಂದ ರಕ್ತ ಹರಿಯುತ್ತಿದ್ದರೂ ಬ್ಯಾಟಿಂಗ್ ಮಾಡಿ ಹೃದಯ ಗೆದ್ದ ಕ್ಯಾರಿ
ಏಕದಿನ ವಿಶ್ವಕಪ್ನಲ್ಲಿ ಆತಿಥೇಯ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಹೈ ವೋಲ್ಟೇಜ್ ಸೆಮಿಫೈನಲ್ ಪಂದ್ಯದಲ್ಲಿ ಗಾಯಗೊಂಡಿರುವ ಹೊರತಾಗಿಯೂ ಬ್ಯಾಟಿಂಗ್ ಮಾಡುವ ಮೂಲಕ ಆಸ್ಟ್ರೇಲಿಯಾ ಎಡಗೈ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಅಲೆಕ್ಸ್ ಕ್ಯಾರಿ ಗಮನ ಸೆಳೆದಿದ್ದಾರೆ.
Vijaya Karnataka Web 11 Jul 2019, 4:54 pm
ಬರ್ಮಿಂಗ್ಹ್ಯಾಮ್: ಏಕದಿನ ವಿಶ್ವಕಪ್ನಲ್ಲಿ ಮಹತ್ವದ ಸೆಮಿಫೈನಲ್ ಪಂದ್ಯದ ವೇಳೆ ಗಲ್ಲದಿಂದ ರಕ್ತ ಹರಿಯುತ್ತಿದ್ದರೂ ಬ್ಯಾಟಿಂಗ್ ಮುಂದುವರಿಸುವ ಮೂಲಕ ಆಸ್ಟ್ರೇಲಿಯಾ ಅಲೆಕ್ಸ್ ಕ್ಯಾರಿ ಕ್ರೀಡಾಭಿಮಾನಿಗಳ ಹೃದಯ ಗೆದ್ದಿದ್ದಾರೆ.
ಆಸೀಸ್ ಬ್ಯಾಟಿಂಗ್ ವೇಳೆಯಲ್ಲಿ ಜೋಫ್ರಾ ಆರ್ಚರ್ ಎಸೆದ ಇನ್ನಿಂಗ್ಸ್ನ ಏಳನೇ ಓವರ್ನ ಅಂತಿಮ ಎಸೆತವು ನೇರವಾಗಿ ಕ್ಯಾರಿ ಗಲ್ಲವನ್ನು ಬಡಿದಿತ್ತು. ಹೆಲ್ಮೆಟ್ ಧರಿಸಿದ್ದರೂ ಆರ್ಚರ್ ಶರವೇಗದ ಬೌನ್ಸರ್ ದಾಳಿಯು ಗಲ್ಲವನ್ನು ಬಡಿದ ಕಾರಣ ಕ್ಯಾರಿ ಗಾಯಕ್ಕೆ ತುತ್ತಾಗಿದ್ದರು.
ಗಲ್ಲಕ್ಕೆ ಗಾಯವಾದ ಬೆನ್ನಲ್ಲೇ ರಕ್ತ ಹರಿಯತೊಡಗಿತು. ತಕ್ಷಣ ಮಧ್ಯೆ ಪ್ರವೇಶಿಸಿದ ಫಿಸಿಯೋ ಚಿಕಿತ್ಸೆ ನೀಡಿದರು. ಆದರೆ ಕ್ಯಾರಿ ಮಾತ್ರ ಹೋರಾಟ ಮನೋಭಾವವನ್ನು ಕೈಬಿಡಲು ತಯಾರಿರಲಿಲ್ಲ.
ವಿಶ್ವಕಪ್ನಂತಹ ಮಹತ್ತರ ಕೂಟದಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿಆಗಲೇ ಮೂರು ವಿಕೆಟುಗಳನ್ನು ಕಳೆದುಕೊಂಡಿರುವ ಆಸೀಸ್ ತೀವ್ರ ಸಂಕಷ್ಟಕ್ಕೊಳಗಾಗಿತ್ತು. ಬಳಿಕ ಬ್ಯಾಂಡೇಜ್ ಕಟ್ಟಿಕೊಂಡೇ ಬ್ಯಾಟಿಂಗ್ ಮುಂದುವರಿಸಿದರು.
ಪ್ರಸ್ತುತ ಅಲೆಕ್ಸ್ ಕ್ಯಾರಿ ತೋರಿರುವ ಹೋರಾಟ ಮನೋಭಾವಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಲ್ಲದೆ ಉಪಯುಕ್ತ ಬ್ಯಾಟಿಂಗ್ ಪ್ರದರ್ಶಿಸುವ ಮೂಲಕ ಆಸರೆಯಾಗಿದ್ದಾರೆ.
ಆಸೀಸ್ ಬ್ಯಾಟಿಂಗ್ ವೇಳೆಯಲ್ಲಿ ಜೋಫ್ರಾ ಆರ್ಚರ್ ಎಸೆದ ಇನ್ನಿಂಗ್ಸ್ನ ಏಳನೇ ಓವರ್ನ ಅಂತಿಮ ಎಸೆತವು ನೇರವಾಗಿ ಕ್ಯಾರಿ ಗಲ್ಲವನ್ನು ಬಡಿದಿತ್ತು. ಹೆಲ್ಮೆಟ್ ಧರಿಸಿದ್ದರೂ ಆರ್ಚರ್ ಶರವೇಗದ ಬೌನ್ಸರ್ ದಾಳಿಯು ಗಲ್ಲವನ್ನು ಬಡಿದ ಕಾರಣ ಕ್ಯಾರಿ ಗಾಯಕ್ಕೆ ತುತ್ತಾಗಿದ್ದರು.
ಗಲ್ಲಕ್ಕೆ ಗಾಯವಾದ ಬೆನ್ನಲ್ಲೇ ರಕ್ತ ಹರಿಯತೊಡಗಿತು. ತಕ್ಷಣ ಮಧ್ಯೆ ಪ್ರವೇಶಿಸಿದ ಫಿಸಿಯೋ ಚಿಕಿತ್ಸೆ ನೀಡಿದರು. ಆದರೆ ಕ್ಯಾರಿ ಮಾತ್ರ ಹೋರಾಟ ಮನೋಭಾವವನ್ನು ಕೈಬಿಡಲು ತಯಾರಿರಲಿಲ್ಲ.
ವಿಶ್ವಕಪ್ನಂತಹ ಮಹತ್ತರ ಕೂಟದಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿಆಗಲೇ ಮೂರು ವಿಕೆಟುಗಳನ್ನು ಕಳೆದುಕೊಂಡಿರುವ ಆಸೀಸ್ ತೀವ್ರ ಸಂಕಷ್ಟಕ್ಕೊಳಗಾಗಿತ್ತು. ಬಳಿಕ ಬ್ಯಾಂಡೇಜ್ ಕಟ್ಟಿಕೊಂಡೇ ಬ್ಯಾಟಿಂಗ್ ಮುಂದುವರಿಸಿದರು.
ಪ್ರಸ್ತುತ ಅಲೆಕ್ಸ್ ಕ್ಯಾರಿ ತೋರಿರುವ ಹೋರಾಟ ಮನೋಭಾವಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಲ್ಲದೆ ಉಪಯುಕ್ತ ಬ್ಯಾಟಿಂಗ್ ಪ್ರದರ್ಶಿಸುವ ಮೂಲಕ ಆಸರೆಯಾಗಿದ್ದಾರೆ.