ಯೋಗ ದಿನದಂದು ಧೋನಿ ಏಕೆ ಟ್ರೆಂಡ್ ಆಗುತ್ತಿದ್ದಾರೆ ಗೊತ್ತೇ?

ಹೊಸದಿಲ್ಲಿ: ವಿಶ್ವದೆಲ್ಲೆಡೆ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯನ್ನು ಸಂಭ್ರಮದಿಂದ ಆಚರಿಸಲಾಗಿದೆ. ಈ ನಡುವೆ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಯೋಗ ದಿನದಂದು ಭಾರಿ ಟ್ರೆಂಡಿಂಗ್‌ನಲ್ಲಿದ್ದಾರೆ.

ಅಷ್ಟಕ್ಕೂ ಮಹಿ ಯಾಕೆ ಟ್ರೆಂಡಿಂಗ್ ಆಗುತ್ತಿದ್ದಾರೆ ಎಂಬುದು ನಿಮ್ಮಲ್ಲೂ ಸಂಶಯ ಮೂಡುತ್ತಿರಬಹುದು. ಇಲ್ಲಿನ ಚಿತ್ರಗಳನ್ನು ನೋಡಿದರೆ ನಿಮ್ಮ ಸಂಶಯಕ್ಕೆ ಉತ್ತರ ಸಿಗಬಹುದು.

ಹೌದು ಫ್ಲೆಕ್ಸಿಬಲ್ ಧೋನಿ ಎಂದು ನೆಟ್ಟಿಗರು ಧೋನಿಯನ್ನು ಕೊಂಡಾಡಿದ್ದಾರೆ. ಹಾಗಾಗಿ ವಿವಿಧ ವಿವಿಧ ಭಂಗಿಗಳ ಚಿತ್ರಗಳನ್ನು ಯೋಗ ದಿನದಂದು ಹಂಚಿಕೊಂಡಿದ್ದಾರೆ.

ಕೆಲವು ಸಮಯಗಳ ಹಿಂದೊಮ್ಮೆ ಪಂದ್ಯವೊಂದರಲ್ಲಿ ಧೋನಿ, ಸ್ಟಂಪಿಂಗ್‌ನಿಂದ ಬಚಾವ್ ಆಗಲು 2.14 ಮೀಟರ್‌ಗಳನ್ನು ಕಾಲುಗಳನ್ನ ಬಗ್ಗಿಸಿದ್ದರು. ಈ ಚಿತ್ರವನ್ನು ಅತಿ ಹೆಚ್ಚು ಹಂಚಿಕೊಳ್ಳಲಾಗಿದೆ.

ಹಾಗೊಂದು ವೇಳೆ ಯೋಗ ದಿನದಂದು ಸ್ಪರ್ಧೆಯನ್ನು ಏರ್ಪಡಿಸಿದರೆ ಮಹಿಗೆ ಪ್ರಥಮ ಬಹುಮಾನ ಗ್ಯಾರಂಟಿ ಎಂದು ಅಭಿಮಾನಿಗಳು ನುಡಿಯುತ್ತಾರೆ.