ಭಾರತ-ಆಸೀಸ್ ಪಂದ್ಯದ ನಡುವೆ ಮಲ್ಯ ಪ್ರತ್ಯಕ್ಷ!

ಲಂಡನ್: ಭಾರತೀಯ ಬ್ಯಾಂಕ್‌ಗಳಿಗೆ ಬಹುಕೋಟಿ ರೂಪಾಯಿಗಳ ವಂಚನೆ ಮಾಡಿ ಬ್ರಿಟನ್‌ನಲ್ಲಿ ತಲೆ ಮರೆಸಿಕೊಂಡಿರುವ ಮದ್ಯದೊರೆ ವಿಜಯ್ ಮಲ್ಯ, ಲಂಡನ್‌ನಲ್ಲಿ ಏಕದಿನ ವಿಶ್ವಕಪ್ ಪಂದ್ಯದ ವೇಳೆ ಪ್ರತ್ಯಕ್ಷಗೊಂಡು ಅಚ್ಚರಿ ಮೂಡಿಸಿದ್ದಾರೆ.

ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಪಂದ್ಯ ವೀಕ್ಷಿಸಲು ಪುತ್ರ ಸಿದ್ದಾರ್ಥ್ ಮಲ್ಯ ಜತೆಗೆ ಮಲ್ಯ ಆಗಮಿಸಿದ್ದರು.

ಬಳಿಕ ಮಾಧ್ಯಮಗಳಿಗೂ ಪ್ರತಿಕ್ರಿಯೆ ನೀಡಿರುವ ಮಲ್ಯ, ತಾವು ಇಲ್ಲಿಗೆ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಪಂದ್ಯ ವೀಕ್ಷಿಸಲು ಆಗಮಿಸಿರುವುದಾಗಿ ತಿಳಿಸಿದ್ದಾರೆ.

ಇನ್ನೊಂದೆಡೆ ಬಹುಕೋಟಿ ರೂಪಾಯಿಗಳ ಪ್ರಕರಣದಲ್ಲಿ ತಲೆ ಮರೆಸಿಕೊಂಡಿರುವ ಮಲ್ಯ ಲಂಡನ್‌ನಲ್ಲಿ ಸ್ವಚ್ಛಂದವಾಗಿ ವಿಹರಿಸುತ್ತಿರುವುದು ಅಭಿಮಾನಿಗಳಲ್ಲ ಭಾರಿ ಆಕ್ರೋಶಕ್ಕೆ ಕಾರಣವಾಗದೆ. ಅಲ್ಲದೆ ಸಂಪೂರ್ಣ ಭಾರತ ಸರಕಾರವನ್ನು ನಗೆಪಾಟಲಿಗೆ ಗುರಿಯಾಗಿರಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ಕಿಂಗ್ಸ್ ಫಿಶರ್ ಏರ್‌ಲೈನ್ಸ್‌ಗಾಗಿ ವಿವಿಧ ಬ್ಯಾಂಕ್‌ಗಳಿಂದ 63ರ ಹರೆಯದ ಮಲ್ಯ ಬಹುಕೋಟಿ ಸಾಲವನ್ನು ಪಡೆದಿದ್ದರು.