ಭಾರತ ಸೋಲಿನಿಂದ ನೊಂದು ಆತ್ಮಹತ್ಮೆಗೆ ಮುಂದಾದ ಪಾಕ್ ಕೋಚ್!

ಮ್ಯಾಂಚೆಸ್ಟರ್: ಹೌದು, ಐಸಿಸಿ ಏಕದಿನ ವಿಶ್ವಕಪ್‌ನಲ್ಲಿ ಭಾರತ ವಿರುದ್ಧ ಸೋಲನ್ನು ಪಾಕಿಸ್ತಾನಕ್ಕೆ ಅರಗಿಸಿಕೊಳ್ಳಲೇ ಸಾಧ್ಯವಾಗುತ್ತಿಲ್ಲ. ಈ ಬಗ್ಗೆ ಬೆಚ್ಚಿ ಬೀಳಿಸುವ ಸತ್ಯ ಬಹಿರಂಗ ಮಾಡಿರುವ ಪಾಕಿಸ್ತಾನದ ಕೋಚ್ ಮಿಕಿ ಅರ್ಥರ್, ಆತ್ಮಹತ್ಮೆ ಮಾಡಲು ಬಯಸಿದ್ದೆ ಎಂದು ಹೇಳಿದ್ದಾರೆ.

ಕಳೆದ ಭಾನುವಾರ ಬದ್ಧ ವೈರಿ ಪಾಕಿಸ್ತಾನ ವಿರುದ್ಧ ನಡೆದ ಮಳೆ ಬಾಧಿತ ಪಂದ್ಯದಲ್ಲಿ ಭಾರತ ತಂಡವು ಡಕ್ವರ್ತ್ ಲೂವಿಸ್ ನಿಯಮದಡಿಯಲ್ಲಿ 89 ರನ್ ಅಂತರದ ಭರ್ಜರಿ ಗೆಲುವನ್ನು ದಾಖಲಿಸಿತ್ತು.

ಇದಾದ ಬೆನ್ನಲ್ಲೇ ಪಾಕಿಸ್ತಾನ ವಿರುದ್ಧ ಅಲ್ಲಿನ ಅಭಿಮಾನಿಗಳಿಂದ ವ್ಯಾಪಕ ಆಕ್ರೋಶ ಭುಗಿಲೆದ್ದಿತ್ತು. ಕಳೆದ ಭಾನುವಾರದಂದು ಆತ್ಮಹತ್ಯೆ ಮಾಡುವ ಯೋಚನೆ ಹೊಳೆದಿತ್ತು ಎಂದು ಅರ್ಥರ್ ಹೇಳಿದರು.

ಬಹಳ ಬೇಗನೇ ಎಲ್ಲವೂ ಸಂಭವಿಸಿತ್ತು. ನೀವೊಂದು ಪಂದ್ಯವನ್ನು ಸೋತ ಬಳಿಕ ಮಗೆದೂಂದು ಪಂದ್ಯದಲ್ಲೂ ಸೋಲು. ಇದು ವಿಶ್ವಕಪ್. ಮೀಡಿಯಾ ವಿಮರ್ಶೆ, ಜನತೆಯ ನಿರೀಕ್ಷೆ. ನಾವೀಗ ಉಳಿಗಾಲಕ್ಕಾಗಿ ಹೋರಾಡುತ್ತಿದ್ದೇವೆ ಎಂದರು.

ಸದ್ಯ ದಕ್ಷಿಣ ಆಫ್ರಿಕಾ ವಿರುದ್ಧ ಗೆಲುವು ದಾಖಲಿಸಿರುವ ಪಾಕಿಸ್ತಾನ ಸೆಮಿಫೈನಲ್ ಪ್ರವೇಶಿಸುವ ಸಾಧ್ಯತೆಯನ್ನು ಜೀವಂತವಾಗಿರಿಸಿದೆ. ಅಲ್ಲದೆ ಬುಧವಾರದಂದು ನಡೆಯುವ ಮಹತ್ವದ ಪಂದ್ಯದಲ್ಲಿ ನ್ಯೂಜಿಲೆಂಡ್ ಸವಾಲನ್ನು ಎದುರಿಸಲಿದೆ.