ಏಕದಿನ ವಿಶ್ವಕಪ್‌ನಲ್ಲಿ ಭಾರತದ ಸಾಧನೆಗಳು

ಲಂಡನ್: 12ನೇ ಆವೃತ್ತಿಯ ಐಸಿಸಿ 2019 ಏಕದಿನ ವಿಶ್ವಕಪ್‌ಗೆ ಇಂಗ್ಲೆಂಡ್ ಹಾಗೂ ವೇಲ್ಸ್ ಆತಿಥ್ಯ ವಹಿಸುತ್ತಿದೆ. ಬಹುನಿರೀಕ್ಷಿತ ವಿಶ್ವಕಪ್‌ಗೆ ಮೇ 30ರಂದು ಚಾಲನೆ ದೊರಕಲಿದ್ದು, ಜುಲೈ 14ರ ವರೆಗೆ ಸಾಗಲಿದೆ.

ನಾಲ್ಕು ವರ್ಷಗಳಿಗೊಮ್ಮೆ ನಡೆಯಲಿರುವ ಕ್ರಿಕೆಟ್ ಮಹಾ ಹಬ್ಬದಲ್ಲ ಭಾರತ ಇದುವರೆಗೆ ಎರಡು ಬಾರಿ ಕಿರೀಟ ಎತ್ತಿ ಹಿಡಿದಿದೆ. 1983ರಲ್ಲಿ ಕಪಿಲ್ ದೇವ್ ದೇಶಕ್ಕೆ ವಿಶ್ವಕಪ್ ದೊರಕಿಸಿಕೊಟ್ಟರೆ 2011ರಲ್ಲಿ ಮಹೇಂದ್ರ ಸಿಂಗ್ ಧೋನಿ ಮುಂದಾಳತ್ವದಲ್ಲಿ ವಿಶ್ವಪಟ್ಟ ಆಲಂಕರಿಸಿತ್ತು.

ಇದೀಗ ಇದೇ ಮೊದಲ ಬಾರಿಗೆ ಭಾರತವನ್ನು ವಿಶ್ವಕಪ್‌ನಲ್ಲಿ ಮುನ್ನಡೆಸುತ್ತಿರುವ ವಿರಾಟ್ ಕೊಹ್ಲಿ, ದೇಶಕ್ಕೆ ಮೂರನೇ ಬಾರಿ ವಿಶ್ವಕಪ್ ಗೆಲ್ಲಿಸಿಕೊಡುವ ಪಣತೊಟ್ಟಿದ್ದಾರೆ.

ಏಕದಿನ ವಿಶ್ವಕಪ್ ಇತಿಹಾಸವನ್ನು ತೆರೆದು ನೋಡಿದಾಗ, ಭಾರತವು ಎರಡು ಬಾರಿ ಚಾಂಪಿಯನ್, ಒಂದು ಬಾರಿ ರನ್ನರ್ ಅಪ್ ಹಾಗೂ ಮೂರು ಬಾರಿ ಸೆಮಿಫೈನಲ್ ಪ್ರವೇಶ ಸಾಧನೆಯನ್ನು ಮಾಡಿದೆ. ಈ ಬಗ್ಗೆ ಮಾಹಿತಿ ಇಲ್ಲಿ ಕೊಡಲಾಗಿದೆ.

1975: ಗುಂಪು ಹಂತ
1979: ಗುಂಪು ಹಂತ
1983: ಚಾಂಪಿಯನ್
1987: ಸೆಮಿಫೈನಲ್
1992: ರೌಂಡ್ ರಾಬಿನ್ ಹಂತ
1996: ಸೆಮಿಫೈನಲ್
1999: ಸೂಪರ್ ಸಿಕ್ಸ್
2003: ರನ್ನರ್ ಅಪ್
2007: ಗುಂಪು ಹಂತ
2011: ಚಾಂಪಿಯನ್
2015: ಸೆಮಿಫೈನಲ್