ದ್ವಿತೀಯ ಅಭ್ಯಾಸ ಪಂದ್ಯದಿಂದಲೂ ಜಾಧವ್ ಔಟ್!

ಕಾರ್ಡಿಫ್: ಇಂಡಿಯನ್ ಪ್ರೀಮಿಯರ್ ಲೀಗ್ ವೇಳೆಯಲ್ಲಿ ಭುವ ನೋವಿಗೊಳಗಾಗಿರುವ ಟೀಮ್ ಇಂಡಿಯಾ ಬಲಗೈ ಬ್ಯಾಟ್ಸ್‌ಮನ್ ಇನ್ನು ಸಂಪೂರ್ಣ ಫಿಟ್ನೆಸ್ ಮರಳಿ ಪಡೆದಿಲ್ಲ. ಪರಿಣಾಮ ಎರಡೂ ಅಭ್ಯಾಸ ಪಂದ್ಯಗಳಿಂದಲೂ ಹೊರಗುಳಿಯುಂತಾಗಿದೆ.

ಇದೀಗ ಪ್ರಧಾನ ಸುತ್ತಿನ ಪಂದ್ಯಗಳ ವೇಳೆಗೆ ಜಾಧವ್ ಫಿಟ್ನೆಸ್ ಮರಳಿ ಪಡೆಯುವರೇ ಎಂಬುದು ಸಂದೇಹಕ್ಕೀಡು ಮಾಡಿದೆ. ಭಾರತ ತನ್ನ ಮೊದಲ ಪಂದ್ಯದಲ್ಲಿ ಜೂನ್ 5ರಂದು ದಕ್ಷಿಣ ಆಫ್ರಿಕಾ ಸವಾಲನ್ನು ಎದುರಿಸಲಿದೆ.

ಬಾಂಗ್ಲಾದೇಶ ವಿರುದ್ಧ ನಡೆಯುತ್ತಿರುವ ಅಭ್ಯಾಸ ಪಂದ್ಯದ ವೇಳೆ ನಾಯಕ ವಿರಾಟ್ ಕೊಹ್ಲಿ, ಜಾಧವ್ ಅಲಭ್ಯತೆಯ ಬಗ್ಗೆ ಮಾಹಿತಿಯನ್ನು ನೀಡಿದರು. ಭುವ ನೋವಿನಿಂದ ಬಳಲುತ್ತಿರುವ ಜಾಧವ್ ಇನ್ನಷ್ಟೇ ಚೇತರಿಕೆಯನ್ನು ಹೊಂದಬೇಕಿದೆ ಎಂದಿದ್ದರು.

ಇನ್ನೊಂದೆಡೆ ಅಭ್ಯಾಸ ಅವಧಿಯ ವೇಳೆಯಲ್ಲಿ ಗಾಯ ಮಾಡಿಕೊಂಡಿರುವ ವಿಜಯ್ ಶಂಕರ್ ಸಂಪೂರ್ಣ ಫಿಟ್ನೆಸ್ ಮರಳಿ ಪಡೆದಿದ್ದಾರೆ.

ಈ ಮೊದಲು ನ್ಯೂಜಿಲೆಂಡ್ ವಿರುದ್ಧ ಅಭ್ಯಾಸ ಪಂದ್ಯದಲ್ಲಿ ಭಾರತ ಆರು ವಿಕೆಟುಗಳ ಅಂತರದ ಸೋಲನುಭವಿಸಿತ್ತು.