ಬುಮ್ರಾ ಜತೆಗಿರುವ ಮಹಿಳೆ ಯಾರು? ಅನುಪಮಾ ಅಥವಾ ತಾಯಿ?

ಲಂಡನ್: ಕೆಲವು ದಿನಗಳ ಹಿಂದೆಯಷ್ಟೇ ಟೀಮ್ ಇಂಡಿಯಾ ಬಲಗೈ ವೇಗಿ ಜಸ್ಪ್ರೀತ್ ಬುಮ್ರಾ ಹಾಗೂ ಮಲಯಾಳಂ ನಟಿ ಅನುಪಮಾ ಪರಮೇಶ್ವರನ್ ಲವ್ವಿ-ಡವ್ವಿ ಬಗ್ಗೆ ಸುದ್ದಿ ಗಾಸಿಪ್‌ಗಳು ಹರಡಿದ್ದವು.

ಅವರಿಬ್ಬರು ಒಬ್ಬರನ್ನೊಬ್ಬರು ಟ್ವಿಟರ್‌ನಲ್ಲಿ ಫಾಲೋ ಮಾಡುತ್ತಿರುವುದೇ ಸುದ್ದಿ ಹಬ್ಬಲು ಕಾರಣವಾಗಿತ್ತು. ಇದಕ್ಕೀಗ ಮತ್ತಷ್ಟು ತುಪ್ಪ ಸುರಿವಂತೆಯೇ ಮಹಿಳೆಯೊಬ್ಬಾಕೆಯ ಹೆಗಲ ಮೇಲೆ ಕೈ ಹಾಕಿಕೊಂಡು ಜತೆಯಾಗಿ ಸಾಗುತ್ತಿರುವ ಚಿತ್ರವನ್ನು ಬುಮ್ರಾ ಹಂಚಿಕೊಂಡಿದ್ದಾರೆ.

ಏನೇ ಇರಲಿ, ಯಾವಾಗಲೂ ನನ್ನನ್ನು ಬೆಂಬಲಿಸುವ ಭುಜ ಎಂದು ಹೇಳಿಕೊಂಡಿರುವ ಬುಮ್ರಾ, ಲವ್ ಹಾಗೂ ಹಗ್ ಇಮೋಜಿಗಳನ್ನು ಹಂಚಿಕೊಂಡಿದ್ದಾರೆ.

ಇದೇ ತಡ ಬುಮ್ರಾ ಜತೆಗಿರುವುದು ಅನುಪಮಾ ಅಥವಾ ತಾಯಿಯೇ ಎಂಬುದರ ಬಗ್ಗೆ ಟ್ವೀಟಿಗರಲ್ಲಿ ಭಾರಿ ಚರ್ಚೆ ಆರಂಭವಾಗಿದೆ.

ತಾಯಿ ಆಗಿದ್ದರೆ ಹಿಂಭಾಗದ ಚಿತ್ರವನ್ನು ಹಂಚಿಕೊಳ್ಳುವ ಅಗತ್ಯವಿತ್ತೇ ಎಂಬುದು ಟ್ವೀಟಿಗರ ಪ್ರಶ್ನೆಯಾಗಿದೆ. ಇನ್ನು ಕೆಲವರು ಇದು ಬುಮ್ರಾ ತಾಯಿ ಎಂದು ಬೆಂಬಲಕ್ಕೆ ನಿಂತಿದ್ದಾರೆ.

ಕೆಲವು ದಿನಗಳಷ್ಟೇ ಬುಮ್ರಾ ಜತೆಗಿನ ಸಂಬಂಧ ಬಗ್ಗೆ ಸ್ಪಷ್ಟನೆ ನೀಡಿರುವ ನಟ ಸಾರ್ವಭೌಮ ನಟಿ ಅನುಪಮಾ, ನಾವಿಬ್ಬರೂ ಉತ್ತಮ ಸ್ನೇಹಿತರು ಎಂದಷ್ಟೇ ಹೇಳಿದ್ದರು.