ಕೊಹ್ಲಿ ಏಕಾಂಗಿಯಾಗಿ ವಿಶ್ವಕಪ್ ಗೆಲ್ಲಲು ಸಾಧ್ಯವಿಲ್ಲ: ಸಚಿನ್

ಹೊಸದಿಲ್ಲಿ: ಮುಂಬರುವ ಏಕದಿನ ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾ ಫೇವರಿಟ್ ಪಟ್ಟವನ್ನು ಕಟ್ಟಿಕೊಂಡಿದೆ. ಇದರಂತೆ ರನ್ ಮೆಶಿನ್ ಹಾಗೂ ನಾಯಕ ವಿರಾಟ್ ಕೊಹ್ಲಿ ಮೇಲೆ ಅತಿ ಹೆಚ್ಚು ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿದೆ.

ಈ ನಡುವೆ ಪ್ರತಿಕ್ರಿಯೆ ನೀಡಿರುವ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್, ನಾಯಕ ವಿರಾಟ್ ಕೊಹ್ಲಿ ಒಬ್ಬರಿಂದ ಮಾತ್ರ ವಿಶ್ವಕಪ್ ಗೆಲ್ಲಲು ಸಾಧ್ಯವಿಲ್ಲ. ಎಲ್ಲ ಆಟಗಾರರು ಸಾಂಘಿಕ ಪ್ರದರ್ಶನ ನೀಡಬೇಕಿದೆ ಎಂದಿದ್ದಾರೆ.

ಕೆಲವ ಓರ್ವ ಆಟಗಾರ ವೈಯಕ್ತಿಕ ಪ್ರದರ್ಶನದಿಂದ ವಿಶ್ವಕಪ್‌ನಂತಹ ದೊಡ್ಡ ಟೂರ್ನಿಯನ್ನು ಗೆಲ್ಲಲು ಸಾಧ್ಯವೇ ಇಲ್ಲ. ನಿರ್ಣಾಯಕ ಹಂತದಲ್ಲಿ ತಂಡದ ಸಹ ಆಟಗಾರರ ನಿರ್ವಹಣೆಯು ಅತಿ ಮುಖ್ಯ ಎಂಬುದನ್ನು ಒತ್ತಿ ಹೇಳಿದರು.

ಅದೇ ಹೊತ್ತಿಗೆ ಆಧುನಿಕ ಕ್ರಿಕೆಟ್ ಬ್ಯಾಟಿಂಗ್ ಸ್ನೇಹಿ ಎನಿಸಿಕೊಂಡಿರುವುದಕ್ಕೆ ಸಚಿನ್ ಅಸಮಾಧಾನವನ್ನು ವ್ಯಕ್ತಪಡಿಸಿದರು. ಎರಡು ಇನ್ನಿಂಗ್ಸ್‌ಗಳಲ್ಲಿ ಹೊಸ ಚೆಂಡುಗಳ ಪರಿಚಯವಾದ ಬಳಿಕ 350 ರನ್ ಗಳಿಸಿಯೂ ಚೇಸಿಂಗ್ ತಂಡವು 45 ಓವರ್‌ಗಳಲ್ಲೇ ರನ್ ಬೆನ್ನಟ್ಟುತ್ತಿದೆ ಎಂದು ಇಂಗ್ಲೆಂಡ್ ಹಾಗೂ ಪಾಕಿಸ್ತಾನ ನಡುವಣ ಇತ್ತೀಚೆಗಿನ ಸರಣಿಯನ್ನು ಉಲ್ಲೇಖಿಸುತ್ತಾ ಮಾತನಾಡಿದರು.

ಹೊಸ ನೀತಿಯಿಂದ ಏಕದಿನ ಕ್ರಿಕೆಟ್‌ನಲ್ಲಿ ರಿಸರ್ವ್ ಸ್ವಿಂಗ್ ಕಾಣಲೇ ಸಿಗುತ್ತಿಲ್ಲ ಎಂದು ಸಚಿನ್ ಕೊರಗಿದರು.