ಕೊಹ್ಲಿಗೆ ಆಮೀರ್ ಭಯ ಕಾಡುತ್ತಿದೆಯೇ? ಪಾಕ್ ಟ್ರೋಲ್

ಮ್ಯಾಚೆಂಸ್ಟರ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಜೂನ್ 16 ಭಾನುವಾರ ನಡೆಯಲಿರುವ ಹೈ ವೋಲ್ಟೇಜ್ ಕದನದಲ್ಲಿ ಸಾಂಪ್ರಾದಾಯಿಕ ಬದ್ದ ವೈರಿ ಪಾಕಿಸ್ತಾನ ಸವಾಲನ್ನು ಭಾರತ ಎದುರಿಸಲಿದೆ.

ಈ ಮಧ್ಯೆ ಅಭಿಮಾನಿಗಳ ನಡುವೆ ಟ್ವಿಟರ್ ವಾರ್ ಈಗಾಗಲೇ ಶುರುವಾಗಿದೆ. ಆಸ್ಟ್ರೇಲಿಯಾ ವಿರುದ್ಧ ನಡೆದ ಪಂದ್ಯದಲ್ಲಿ ಪಾಕ್‌ನ ಎಡಗೈ ವೇಗಿ ಮೊಹಮ್ಮದ್ ಆಮೀರ್ ಚೊಚ್ಚಲ ಐದು ವಿಕೆಟ್ ಸಾಧನೆ ಮಾಡಿದ್ದರು.

ಇದೀಗ ಕೊಹ್ಲಿಗೆ ಆಮೀರ್ ಭಯ ಕಾಡುತ್ತಿದೆಯೆಂದು ಪಾಕ್ ಅಭಿಮಾನಗಳು ಟ್ರೋಲ್ ಮಾಡುತ್ತಿದ್ದಾರೆ. ಭಾನುವಾರ ನಡೆಯಲಿರುವ ಪಂದ್ಯದಲ್ಲಿ ಯಾರು ಯಾರ ಚಳಿ ಬಿಡಿಸಲಿದ್ದಾರೆ ಎಂಬುದಕ್ಕೆ ಉತ್ತರ ಸಿಗಲಿದೆ.

ಈ ಮೊದಲು ಭಾರತದ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅಣಕವಾಡುವ ಮೂಲಕ ಪಾಕ್ ಚಾನೆಲ್ ಹವಾ ಎಬ್ಬಿಸಿತ್ತು. ಟೀಮ್ ಇಂಡಿಯಾ ಆಟಗಾರರನ್ನು ಭಾರಿ ಪ್ರಮಾಣದಲ್ಲಿ ಟ್ರೋಲ್ ಮಾಡುವ ಮೂಲಕ ನೈತಿಕೆ ಗೆಲುವು ಸಾಧಿಸುವ ಗುರಿಯನ್ನಿಟ್ಟುಕೊಂಡಿದೆ.

ಅಂದ ಹಾಗೆ ಏಕದಿನ ವಿಶ್ವಕಪ್‌ನಲ್ಲಿ ಇದುವರೆಗೆ ಭಾರತ ವಿರುದ್ಧ ಗೆಲುವು ದಾಖಲಿಸಲು ಪಾಕಿಸ್ತಾನಕ್ಕೆ ಸಾಧ್ಯವಾಗಲೇ ಇಲ್ಲ. ಈ ಹಿಂದಿನ ಆರು ಮುಖಾಮುಖಯಲ್ಲೂ ವಿಜಯಲಕ್ಷ್ಮೀ ಭಾರತಕ್ಕೆ ಒಲಿದಿದ್ದಳು. ಹಾಗಾಗಿ ಭಾನುವಾರದ ಕದನ ಅಥಿ ಹೆಚ್ಚಿನ ರೋಚಕತೆಯನ್ನುಂಟು ಮಾಡಿದೆ.