ಅಭ್ಯಾಸ ಪಂದ್ಯದಲ್ಲೇ ಕೊಹ್ಲಿಗೆ ಬಿಸಿ ಮುಟ್ಟಿಸಿದ ಸೈಫುದ್ದಿನ್

ಕಾರ್ಡಿಫ್: ಏಕದಿನ ವಿಶ್ವಕಪ್ ಆರಂಭಕ್ಕಿನ್ನು ಕೇವಲ ಎರಡು ದಿನಗಳಷ್ಟೇ ಬಾಕಿ ಉಳಿದಿದೆ. ಈ ನಡುವೆ ಬಹುತೇಕ ತಂಡಗಳು ಅಭ್ಯಾಸದಲ್ಲಿ ತೊಡಗಿಸಿಕೊಂಡಿದೆ.

ಅಭ್ಯಾಸ ಪಂದ್ಯದಲ್ಲೂ ರೋಚಕತೆ ಮನೆ ಮಾಡಿದ್ದು, ಆಟಗಾರರ ನಡುವೆ ಬಿಗುವಾದ ವಾತಾವರಣ ನಿರ್ಮಾಣ ಮಾಡಿದೆ.

ಭಾರತ ವಿರುದ್ದ ನಡೆಯುತ್ತಿರುವ ಅಭ್ಯಾಸ ಪಂದ್ಯದಲ್ಲಿ ನಾಯಕ ವಿರಾಟ್ ಕೊಹ್ಲಿ ಕ್ಲೀನ್ ಬೌಲ್ಡ್ ಮಾಡಿದ ಬಾಂಗ್ಲಾದೇಶ ವೇಗಿ ಮೊಹಮ್ಮದ್ ಸೈಫುದ್ದಿನ್, ವಿಶಿಷ್ಟ ರೀತಿಯಲ್ಲಿ ಸಂಭ್ರಮಾಚರಿಸಿಕೊಂಡಿರುವುದು ಹೆಚ್ಚಿನ ಗಮನ ಸೆಳೆದಿದೆ. ಈ ಮೂಲಕ ಟೀಮ್ ಇಂಡಿಯಾ ಕಪ್ತಾನನಿಗೆ ಸೆಂಡ್ ಆಫ್ ನೀಡುವ ಮೂಲಕ ಬಿಸಿ ಮುಟ್ಟಿಸಿದ್ದಾರೆ.

ಪರಿಣಾಮ ಉತ್ತಮವಾಗಿ ಆಡುತ್ತಿರುವ ಕೊಹ್ಲಿ ಕೇವಲ ಮೂರು ರನ್ ಅಂತರದಿಂದ ಅರ್ಧಶತಕ ಮಿಸ್ ಮಾಡಿಕೊಂಡರು. ಆದರೂ ನಾಯಕನ ಇನ್ನಿಂಗ್ಸ್ ಕಟ್ಟಿದ ಕೊಹ್ಲಿ 46 ಎಸೆತಗಳಲ್ಲಿ ಐದು ಬೌಂಡರಿಗಳಿಂದ 47 ರನ್ ಗಳಿಸಿದರು.

ಕ್ಲೀನ್ ಬೌಲ್ಡ್ ಆದ ಬೆನ್ನಲ್ಲೇ ಬೌಲರ್‌ನ ಮಿತಿ ಮೀರಿದ ಸಂಭ್ರಮಾಚರಣೆಗೆ ಉತ್ತರ ನೀಡಲು ಮುಂದಾಗದ ಕೊಹ್ಲಿ ನೇರವಾಗಿ ಪೆವಿಲಿಯನ್‌ನತ್ತ ಹೆಜ್ಜೆ ಹಾಕಿದರು.