ಕಾರ್ತಿಕ್‌ಗೆ ಕೀಪಿಂಗ್ ಬಿಟ್ಟುಕೊಟ್ಟು ಫೀಲ್ಡಿಂಗ್ ಮಾಡಿದ ಧೋನಿ

ಲಂಡನ್: ಏಕದಿನ ವಿಶ್ವಕಪ್‌ಗೂ ಪೂರ್ವಭಾವಿಯಾಗಿ ನಡೆಯುತ್ತಿರುವ ಅಭ್ಯಾಸ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತದ ಹಿರಿಯ ಅನುಭವಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಪ್ರಮುಖ ಹೈಲೈಟ್ ಆಗಿದ್ದರು.

ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ರವೀಂದ್ರ ಜಡೇಜಾ ಅರ್ಧಶತಕದ ಹೊರತಾಗಿಯೂ 179 ರನ್‌ಗಳ ಸಾಧಾರಣ ಮೊತ್ತಕ್ಕೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೂಂಡಿತ್ತು.

ಬಳಿಕ ಭಾರತದ ಫೀಲ್ಡಿಂಗ್ ವೇಳೆಯಲ್ಲಿ ಧೋನಿ ಕೀಪಿಂಗ್ ಜವಾಬ್ದಾರಿಯನ್ನು ದಿನೇಶ್ ಕಾರ್ತಿಕ್‌ಗೆ ಬಿಟ್ಟುಕೊಟ್ಟಿದ್ದರು. ಈ ಮೂಲಕ ಫೀಲ್ಡಿಂಗ್ ಮಾಡುವ ಮೂಲಕ ಗಮನ ಸೆಳೆದರು.

ಧೋನಿ ಜತೆಗೆ ಹೆಚ್ಚುವರಿ ವಿಕೆಟ್ ಕೀಪಿಂಗ್ ಜವಾಬ್ದಾರಿ ಕಾರ್ತಿಕ್ ಮೇಲಿದೆ. ಹಾಗೊಂದು ವೇಳೆ ಧೋನಿ ಅಲಭ್ಯವಾದರೆ ಕಾರ್ತಿಕ್ ಸಜ್ಜಾಗಿರಬೇಕಾಗಿರುವುದು ಅತಿ ಅಗತ್ಯವೆನಿಸಿದೆ. ಈ ಹಿನ್ನಲೆಯಲ್ಲಿ ಕಾರ್ತಿಕ್‌ಗೂ ಮ್ಯಾಚ್ ಪ್ರಾಕ್ಟಿಸ್ ಸಿಗುವ ಹಿನ್ನಲೆಯಲ್ಲಿ ಧೋನಿ ಗ್ಲೌಸ್ ತೊಟ್ಟಿರಲಿಲ್ಲ.

ಧೋನಿ ಫೈನ್ ಲೆಗ್ ಬೌಂಡರಿ ಗೆರೆಯ ಬಳಿ ಫೀಲ್ಡಿಂಗ್ ಮಾಡುವ ಮೂಲಕ ಅಭಿಮಾನಿಗಳ ಹತ್ತಿರದಲ್ಲೇ ಕಾಣಿಸಿಕೊಂಡರು. ಈ ಮೊದಲು ಬ್ಯಾಟಿಂಗ್‌ನಲ್ಲಿ 17 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ್ದರು.