ಕ್ರಿಕೆಟೇತರ ಚುಟುವಟಿಕೆಗಳಲ್ಲಿ ಭಾಗವಹಿಸಿ ಫ್ರೆಶ್‌ನೆಸ್ ಪಡೆದ ಟೀಮ್ ಇಂಡಿಯಾ

ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾದಿಂದ ಉತ್ತಮ ಪ್ರದರ್ಶನವನ್ನೇ ನಿರೀಕ್ಷೆ ಮಾಡಲಾಗುತ್ತಿದೆ. ಇದರಂತೆ ವಿರಾಟ್ ಕೊಹ್ಲಿ ಪಡೆ ಒತ್ತಡವು ಹೆಚ್ಚಿದೆ.

ಸಹಜವಾಗಿಯೇ ವಿಶ್ವಕಪ್‌ನಂತಹ ಮಹತ್ತರ ಟೂರ್ನಿಯಲ್ಲಿ ಆಟಗಾರರು ಉನ್ನತ ಮಟ್ಟದ ಮನೋಭಾವವನ್ನು ಕಾಪಾಡಿಕೊಳ್ಳುವುದು ಅತಿ ಮುಖ್ಯವೆನಿಸಿದೆ.

ಈ ನಡುವೆ ಅಭ್ಯಾಸಗಳಿಗೆ ಅಲ್ಪ ವಿರಾಮ ಹಾಕಿರುವ ಟೀಮ್ ಇಂಡಿಯಾ ಆಟಗಾರರು ಕ್ರಿಕೆಟೇತರ ಚಟುವಟಿಕೆಗಳಲ್ಲಿ ಭಾಗವಹಿಸುವ ಮೂಲಕ ಗಮನ ಸೆಳೆದಿದ್ದಾರೆ.

ಈ ಮೂಲಕ ತಾಜಾತನವನ್ನು ಕಂಡುಕೊಳ್ಳುವ ಪ್ರಯತ್ನ ಮಾಡಿದ್ದಾರೆ. ಅಭ್ಯಾಸದ ಹೊರತಾಗಿ ಅಧಿಕೃತ ಫೋಟೋಶೂಟ್ ಮುಂತಾದ ಕಾರ್ಯಕ್ರಮಗಳಲ್ಲಿ ಸದಾ ಬ್ಯುಸಿ ಆಗಿರುವ ಟೀಮ್ ಇಂಡಿಯಾ ಇದೇ ಮೊದಲ ಬಾರಿಗೆ ಇಂಗ್ಲೆಂಡ್‌ನಲ್ಲಿ ವಿನೋದ ಪ್ರವಾಸ ಮಾಡಿದ್ದಾರೆ.

ಅಂದ ಹಾಗೆ ವಿಶ್ವಕಪ್‌ನಲ್ಲಿ ಭಾರತ ತನ್ನ ಮೊದಲ ಪಂದ್ಯದಲ್ಲಿ ಜೂನ್ 5ರಂದು ದಕ್ಷಿಣ ಆಫ್ರಿಕಾ ಸವಾಲನ್ನು ಎದುರಿಸಲಿದೆ.