ಟೀಮ್ ಇಂಡಿಯಾ ನಿರಾಳ; ಕ್ಯಾಪ್ಟನ್ ಕೊಹ್ಲಿ ಫಿಟ್!

ಶನಿವಾರದ ಅಭ್ಯಾಸದ ಅವಧಿಯ ವೇಳೆಯಲ್ಲಿ ಗಾಯದ ಆತಂಕಕ್ಕೊಳಗಾಗಿರುವ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸಂಪೂರ್ಣವಾಗಿ ಫಿಟ್ ಆಗಿದ್ದು, ವಿಶ್ವಕಪ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯಲಿರುವ ಮೊದಲ ಪಂದ್ಯಕ್ಕೆ ಲಭ್ಯವಾಗಲಿದ್ದಾರೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿದೆ.

Vijaya Karnataka Web 2 Jun 2019, 4:23 pm

ಸೌತಾಂಪ್ಟನ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ತನ್ನ ಮೊದಲ ಪಂದ್ಯಕ್ಕೂ ಮುನ್ನ ಟೀಮ್ ಇಂಡಿಯಾ ತ್ರೀವ ಆತಂಕಕ್ಕೊಳಗಾಗಿತ್ತು.

ಶನಿವಾರದ ಅಭ್ಯಾಸದ ಅವಧಿಯ ವೇಳೆಗೆ ನಾಯಕ ವಿರಾಟ್ ಕೊಹ್ಲಿ ಕೈಬೆರಳಿಗೆ ಗಾಯ ಮಾಡಿಕೊಂಡಿದ್ದರು. ಇದರೊಂದಿಗೆ ಅಭಿಮಾನಿಗಳು ಸೇರಿದಂತೆ ಟೀಮ್ ಇಂಡಿಯಾ ಪಾಳೇಯದಲ್ಲಿ ಆತಂಕ ಮಡುಗಟ್ಟಿತ್ತು.

ಆದರೆ ಇದೀಗ ಬಂದಿರುವ ತಾಜಾ ಮಾಹಿತಿಯಂತೆ ವಿರಾಟ್ ಕೊಹ್ಲಿ ಸಂಪೂರ್ಣವಾಗಿ ಫಿಟ್ ಆಗಿದ್ದಾರೆ ಎಂಬುದನ್ನು ಬಿಸಿಸಿಐ ಮೂಲಗಳು ಎಎನ್‌ಐ ಸುದ್ದಿ ಸಂಸ್ಥೆಗೆ ತಿಳಿಸಿದೆ.

ಇದರೊಂದಿಗೆ ಜೂನ್ 5ರಂದು ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯಲಿರುವ ಮೊದಲ ಪಂದ್ಯಕ್ಕೆ ಲಭ್ಯವಾಗಲಿದ್ದಾರೆ. ಅಲ್ಲದೆ ಸಂಪೂರ್ಣ ಫಿಟ್ ಆಗಿದ್ದಾರೆ ಎಂದು ತಿಳಿಸಿದೆ.

ಈ ಮೊದಲು ಶನಿವಾರ ನಡೆದ ಅಭ್ಯಾಸದ ಅವಧಿಯಲ್ಲಿ ಕೊಹ್ಲಿ ಕೈಬೆರಳಿಗೆ ಗಾಯ ಮಾಡಿಕೊಂಡಿದ್ದರು. ತಕ್ಷಣ ಮೈದಾನ ಪ್ರವೇಶಿಸಿದ ಫಿಶಿಯೋ ತುರ್ತು ಚಿಕಿತ್ಸೆ ನೀಡಿದ್ದರು. ಪರಿಣಾಮ ಕೊಹ್ಲಿ ಮೈದಾನವನ್ನು ತೊರೆದು ವಿಶ್ರಾಂತಿಗೆ ಮೊರೆ ಹೋಗಿದ್ದರು.

ಟೀಮ್ ಇಂಡಿಯಾ ನಿರಾಳ; ಕ್ಯಾಪ್ಟನ್ ಕೊಹ್ಲಿ ಫಿಟ್!

ಮುಂದಿನ ಲೇಖನ