ಪಾಕ್ ವಿರುದ್ಧ ಕೆಟ್ಟ ಪ್ರದರ್ಶನದಿಂದ ವಿರಾಟ್‌ಗೆ ಕಾಡಿದ ನಿದ್ರೆಯಿಲ್ಲದ ರಾತ್ರಿ!

ಮ್ಯಾಂಚೆಸ್ಟರ್: ಪಾಕಿಸ್ತಾನ ವಿರುದ್ಧ ಅತಿ ಹೆಚ್ಚು ಒತ್ತಡ ಎದುರಿಸಿರುವ ಕ್ಷಣವನ್ನು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮೆಲುಕು ಹಾಕಿದ್ದಾರೆ.

ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಮ್ಯಾಂಚೆಸ್ಟರ್‌ನಲ್ಲಿ ಪಾಕಿಸ್ತಾನ ವಿರುದ್ಧ ನಡೆಯಲಿರುವ ಪಂದ್ಯಕ್ಕೂ ಮುನ್ನ ಪ್ರತಿಕ್ರಿಯಿಸಿದ ಕೊಹ್ಲಿ, 2009ರ ಚಾಂಪಿಯನ್ಸ್ ಟ್ರೋಫಿ ನಡೆಯುತ್ತಿರುವ ಸಂದರ್ಭದಲ್ಲಿ ಗಾಯಾಳು ಯುವರಾಜ್ ಸಿಂಗ್ ಸ್ಥಾನವನ್ನು ತುಂಬಿಕೊಳ್ಳಲು ವಿರಾಟ್ ಕೊಹ್ಲಿ ಸೆಂಚುರಿಯನ್‌ಗೆ ಪ್ರಯಾಣಿಸಿದ್ದರು.

ಎರಡು ದಿನದಲ್ಲೇ ಪಾಕಿಸ್ತಾನ ವಿರುದ್ಧ ದೊಡ್ಡ ಪಂದ್ಯಕ್ಕೆ ವಿರಾಟ್ ರೆಡಿಯಾಗಬೇಕಿತ್ತು. ಆದರೆ ಎಲ್ಲವೂ ಅಂದುಕೊಂಡಂತೆ ನಡೆಯಲಿಲ್ಲ. ಅತಿ ಕೆಟ್ಟ ಶಾಟ್ ಹೊಡೆದು ವಿಕೆಟ್ ಒಪ್ಪಿಸಿದ ಕೊಹ್ಲಿ ಈ ಆಘಾತದಿಂದ ಹೊರಬರಲೇ ಇಲ್ಲ.

ಬೆಳಗ್ಗೆ ಆರು ಗಂಟೆಯ ವರೆಗೂ ನಿದ್ರೆಯೇ ಬರಲಿಲ್ಲ. ಸೀಲಿಂಗ್ ನೋಡುತಾ ಬೆಳಗಾಗಿಸಿದರು. ಅಲ್ಲಿಗೆ ನನ್ನ ಕೆರಿಯರ್ ಫಿನಿಶ್ ಆಯ್ತು ಎಂದೇ ಅಂದುಕೊಂಡಿದ್ದರಂತೆ! ಈ ಮೂಲಕ ಪಾಕಿಸ್ತಾನ ವಿರುದ್ಧದ ಅತಿ ಒತ್ತಡದ ಸನ್ನಿವೇಶವನ್ನು ವಿವರಿಸುತ್ತಾರೆ.

ಇನ್ನು ಅತಿ ತಮಾಷೆಯ ಸನ್ನಿವೇಶವನ್ನು ವಿವರಿಸಿದ ಕೊಹ್ಲಿ ಶಾಹೀದ್ ಆಫ್ರಿದಿ ಹಾಗೂ ವಹಾಬ್ ರಿಯಾಜ್ ನಡುವಣ ಘಟನೆಯನ್ನು ಇಲ್ಲಿ ಹೇಳಲು ಸಾಧ್ಯವಿಲ್ಲ ಎಂದು ನಕ್ಕರು.