ಇಂಗ್ಲೆಂಡ್ ಗೆದ್ದಿದ್ದು ಹೇಗೆ? ಸೂಪರ್ ಓವರ್ ನಿಯಮಗಳ ಬಗ್ಗೆ ಅರಿಯಿರಿ

ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಭಾನುವಾರ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಣ ರೋಚಕ ಫೈನಲ್ ಕದನವು ಎರಡೆರಡು ಬಾರಿ 'ಟೈ' ಫಲಿತಾಂಶದಲ್ಲಿ ಅಂತ್ಯಕಂಡಿತ್ತು. ಆದರೂ ಇಂಗ್ಲೆಂಡ್ ತಂಡವನ್ನು ವಿಜೇತರೆಂದು ಘೋಷಿಸಲಾಯಿತು. ಸಹಜವಾಗಿಯೇ ಪಂದ್ಯ ಟೈ ಗೊಂಡರೂ ಇಂಗ್ಲೆಂಡ್ ಗೆಲ್ಲುವುದು ಹೇಗೆ ಎಂಬ ಸಂದೇಹಗಳು ಕ್ರೀಡಾಭಿಮಾನಿಗಳಲ್ಲಿ ಹುಟ್ಟಿಕೊಂಡಿದೆ. ಇದಕ್ಕೆ ಸ್ಪಷ್ಟನೆ ಇಲ್ಲಿದೆ ನೋಡಿ

ಹಂತ ಹಂತವಾದ ವಿವರಣೆ:
*ಟಾಸ್ ಗೆದ್ದು ನ್ಯೂಜಿಲೆಂಡ್ ಗಳಿಸಿದ ರನ್ 241/8 (50 ಓವರ್)
* ರನ್ ಬೆನ್ನಟ್ಟಿದ ಇಂಗ್ಲೆಂಡ್ ಗಳಿಸಿದ ಮೊತ್ತ 241ಕ್ಕೆ ಆಲೌಟ್ (50 ಓವರ್)

ಸೂಪರ್ ಓವರ್‌ನಲ್ಲಿ ಏನಾಯ್ತು?
* ಇಂಗ್ಲೆಂಡ್ ಗಳಿಸಿದ ರನ್ 15/0
* ನ್ಯೂಜಿಲೆಂಡ್ ಗಳಿಸಿದ ರನ್ 15/1.

ಟೈ ಆದರೆ ಸೂಪರ್ ಓವರ್ ನಿಯಮ ಹೇಗೆ?
ಐಸಿಸಿ ನಿಯಮದನ್ವಯ ಸೂಪರ್ ಓವರ್ ಟೈನಲ್ಲಿ ಅಂತ್ಯ ಕಂಡರೆ ಅತಿ ಹೆಚ್ಚು ಬೌಂಡರಿ (ಬೌಂಡರಿ ಹಾಗೂ ಸಿಕ್ಸರ್) ಗಳಿಸಿದ ತಂಡವು ಗೆಲುವು ದಾಖಲಿಸುತ್ತದೆ. ಇಲ್ಲಿ 50 ಓವರ್‌ಗಳ ಇನ್ನಿಂಗ್ಸ್ ಹಾಗೂ ಸೂಪರ್ ಓವರ್‌ನಲ್ಲಿ ಅತಿ ಹೆಚ್ಚು ಬೌಂಡರಿ ಹಾಗೂ ಸಿಕ್ಸರ್ ಬಾರಿಸಿದ ತಂಡವನ್ನು ವಿಜೇತರೆಂದು ಘೋಷಿಸಲಾಗುತ್ತದೆ.

ಅಷ್ಟಕ್ಕೂ ನ್ಯೂಜಿಲೆಂಡ್ ಸೋತಿದ್ದು ಹೇಗೆ?
*ಇಂಗ್ಲೆಂಡ್ ಪಂದ್ಯದಲ್ಲಿ ಒಟ್ಟು 26 ಬೌಂಡರಿಗಳನ್ನು (ಸಿಕ್ಸರ್ ಸೇರದಂತೆ) ಸಿಡಿಸಿತ್ತು. ಇದರಲ್ಲಿ ಮೊದಲ ಇನ್ನಿಂಗ್ಸ್‌ನಲ್ಲಿ 24 ಹಾಗೂ ಸೂಪರ್ ಓವರ್‌ನಲ್ಲಿ ಎರಡು ಬೌಂಡರಿಗಳು ಸೇರಿದ್ದವು.
*ಇನ್ನೊಂದೆಡೆ ನ್ಯೂಜಿಲೆಂಡ್ ಒಟ್ಟು 17 ಬೌಂಡರಿಗಳನ್ನಷ್ಟೇ ಸಿಡಿಸಿತ್ತು. ಇದರಲ್ಲಿ ಮೊದಲ ಇನ್ನಿಂಗ್ಸ್‌ನಲ್ಲಿ 16 ಹಾಗೂ ಸೂಪರ್ ಓವರ್‌ನಲ್ಲಿ ಒಂದು ಬಾರಿ ಮಾತ್ರ ಚೆಂಡನ್ನು ಬೌಂಡರಿ ಗೆರೆ ದಾಟಿಸಲು ಸಾಧ್ಯವಾಗಿತ್ತು.

ಬೌಂಡರಿ-ಸಿಕ್ಸರ್‌ಗಳ ವಿಂಗಡನೆ ಇಂತಿದೆ:

ನ್ಯೂಜಿಲೆಂಡ್
ಮೊದಲ ಇನ್ನಿಂಗ್ಸ್: ಬೌಂಡರಿ: 14, ಸಿಕ್ಸರ್: 2
ಸೂಪರ್ ಓವರ್: ಸಿಕ್ಸರ್: 1

ಇಂಗ್ಲೆಂಡ್:
ಮೊದಲ ಇನ್ನಿಂಗ್ಸ್: ಬೌಂಡರಿ: 22, ಸಿಕ್ಸರ್: 2
ಸೂಪರ್ ಓವರ್: ಬೌಂಡರಿ: 2