ವಿಶ್ವಕಪ್ ಫೈನಲ್‌ಗೆ ಮ್ಯಾಚ್ ಬಾಲ್ ಎಲ್ಲಿಂದ ಬಂತು ನೋಡಿ!

ಲಂಡನ್: ಇಂಗ್ಲೆಂಡ್ ಹಾಗೂ ವೇಲ್ಸ್‌ನಲ್ಲಿ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಫೈನಲ್‌ನಲ್ಲಿ ಆತಿಥೇಯ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ತಂಡಗಳು ಪರಸ್ಪರ ಮುಖಾಮುಖಿಯಾಗುತ್ತಿದೆ.

ಅದೇ ರೀತ ಆಂಗ್ಲರ ವಿರುದ್ಧ ಟಾಸ್ ಗೆದ್ದಿರುವ ಕಿವೀಸ್ ಪಡೆ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದೆ.

ಏತನ್ಮಧ್ಯೆ ವಿಶೇಷವಾದ ಕಾರ್ಯಕ್ರಮವೊಂದರ ಮೂಲಕ ಮ್ಯಾಚ್ ಬಾಲನ್ನು ಪ್ಯಾರಾಚೂಟ್ ಮೂಲಕ ತರಿಸಲಾಗಿತ್ತು. ಇಂಗ್ಲೆಂಡ್‌ನ ರೆಡ್ ಡೆವಿಲ್ಸ್‌ನ ನುರಿತ ಪ್ಯಾರಾಚೂಟ್ ತಜ್ಞರು ಮ್ಯಾಚ್ ಬಾಲನ್ನು ಪ್ಯಾರಾಚೂಟ್‌ನಲ್ಲಿ ತರುವ ಮೂಲಕ ಅಂಪೈರ್‌ಗಳಿಗೆ ಹಸ್ತಾಂತರಿಸಿದರು.

ಆಕಾಶದಲ್ಲಿ ಬಣ್ಣಗಳ ಚಿತ್ತಾರವನ್ನು ಬೀರುವ ಮೂಲಕ ಮಹಾ ಫೈನಲ್‌ನ ಮ್ಯಾಚ್ ಬಾಲ್ ತಂದಿರುವುದು ವಿಶೇಷತೆಯನ್ನು ಮೂಡಿಸಿತ್ತು. ಈ ಮೂಲಕ ಇಡೀ ಜಗತ್ತಿಗೆ ಕ್ರಿಕೆಟ್ ಜನಪ್ರಿಯತೆಯನ್ನು ಸಾರಿದೆ.