ಸೆಮಿಫೈನಲ್ ಕದನ; ಭಾರತ vs ನ್ಯೂಜಿಲೆಂಡ್; ಆಸ್ಟ್ರೇಲಿಯಾ vs ಇಂಗ್ಲೆಂಡ್

ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್‌ ರೋಚಕ ಹಂತವನ್ನು ತಲುಪಿರುವಂತೆಯೇ ಸೆಮಿಫೈನಲ್ ಕದನಕ್ಕಾಗಿನ ವೇದಿಕೆ ಸಿದ್ಧಗೊಂಡಿದೆ.

ಲೀಗ್ ಹಂತದ ಎಲ್ಲ ಪಂದ್ಯಗಳು ಕೊನೆಗೊಂಡಿರುವಂತೆಯೇ ಭಾರತ, ಆಸ್ಟ್ರೇಲಿಯಾ, ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ಸೆಮಿಫೈನಲ್ ಹಂತವನ್ನು ಪ್ರವೇಶಿಸಿದ್ದು, ಅನುಕ್ರಮವಾಗಿ ಅಗ್ರ ನಾಲ್ಕು ಸ್ಥಾನಗಳನ್ನು ಹಂಚಿಕೊಂಡಿದೆ.

ಸೆಮಿಫೈನಲ್ ಪ್ರವೇಶಿಸಿದ ನಾಲ್ಕು ತಂಡಗಳ ಅಂಕಪಟ್ಟಿ:
ಭಾರತ: ಪಂದ್ಯ: 9, ಗೆಲುವು: 7, ಸೋಲು: 1, ಡ್ರಾ: 1, ಅಂಕ: 15
ಆಸ್ಟ್ರೇಲಿಯಾ: ಪಂದ್ಯ: 9, ಗೆಲುವು: 7, ಸೋಲು: 2, ಅಂಕ: 14
ಇಂಗ್ಲೆಂಡ್: ಪಂದ್ಯ: 9, ಗೆಲುವು: 6, ಸೋಲು: 3, ಅಂಕ: 12
ನ್ಯೂಜಿಲೆಂಡ್: ಪಂದ್ಯ: 9, ಗೆಲುವು: 5, ಸೋಲು: 3, ಡ್ರಾ: 1, ಅಂಕ: 11

ಸೆಮಿಫೈನಲ್ ಕದನ ವೇಳಾಪಟ್ಟಿ:
ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ತಂಡವು ನಾಲ್ಕನೇ ಸ್ಥಾನದಲ್ಲಿರುವ ತಂಡದ ಸವಾಲನ್ನು ಎದುರಿಸಲಿದೆ. ಅಂದರೆ ಜುಲೈ 09 ಮಂಗಳವಾರದಂದು ಮ್ಯಾಂಚೆಸ್ಟರ್‌ನಲ್ಲಿ ನಡೆಯಲಿರುವ ಮೊದಲ ಸೆಮಿಫೈನಲ್‌ನಲ್ಲಿ ಭಾರತ ತಂಡವು ನ್ಯೂಜಿಲೆಂಡ್ ಸವಾಲನ್ನು ಎದುರಿಸಲಿದೆ.

ಹಾಗೆಯೇ ಜುಲೈ 11 ಗುರುವಾರದಂದು ಬರ್ಮಿಂಗ್‌ಹ್ಯಾಮ್‌ನಲ್ಲಿ ನಡೆಯಲಿರುವ ಎರಡನೇ ಸೆಮಿಫೈನಲ್‌ನಲ್ಲಿ ಸಾಂಪ್ರಾದಾಯಿಕ ಬದ್ಧ ವೈರಿಗಳಾದ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್ ತಂಡಗಳು ಮುಖಾಮುಖಿಯಾಗಲಿದೆ.

ಈ ಎರಡು ಪಂದ್ಯಗಳು ಭಾರತೀಯ ಕಾಲಮಾನ ಮಧ್ಯಾಹ್ನ 3 ಗಂಟೆಗೆ ಆರಂಭವಾಗಲಿದೆ. ಹಾಗೆಯೇ ಇಲ್ಲಿ ಗೆದ್ದ ತಂಡಗಳು ಜುಲೈ 14ರಂದು ಭಾನುವಾರಂದು ಕ್ರಿಕೆಟ್ ಕಾಶಿ ಲಂಡನ್‌ನ ಲಾರ್ಡ್ಸ್‌ನಲ್ಲಿ ನಡೆಯಲಿರುವ ಮಹಾ ಫೈನಲ್‌ನಲ್ಲಿ ಪ್ರಶಸ್ತಿಗಾಗಿ ಸೆಣಸಲಿದೆ.