ವೆಸ್ಟ್ಇಂಡೀಸ್ 117 ರನ್ನಿಗೆ ಆಲೌಟ್; ಭಾರತಕ್ಕೆ 299 ರನ್ಗಳ ಬೃಹತ್ ಮುನ್ನಡೆ
ವೆಸ್ಟ್ಇಂಡೀಸ್ ತಂಡವು ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ 117 ರನ್ಗಳಿಗೆ ಸರ್ವಪತನವನ್ನು ಕಂಡಿದೆ. ಇದರೊಂದಿಗೆ ಮೊದಲ ಇನ್ನಿಂಗ್ಸ್ನಲ್ಲಿ ಟೀಮ್ ಇಂಡಿಯಾ 299 ರನ್ಗಳ ಬೃಹತ್ ಮುನ್ನಡೆ ದಾಖಲಿಸಿದೆ.
Vijaya Karnataka Web 1 Sep 2019, 9:26 pm
ಕಿಂಗ್ಸ್ಟನ್: ಆತಿಥೇಯ ವೆಸ್ಟ್ಇಂಡೀಸ್ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಮೊದಲ ಇನ್ನಿಂಗ್ಸ್ನಲ್ಲಿ 299 ರನ್ಗಳ ಬೃಹತ್ ಮುನ್ನಡೆ ದಾಖಲಿಸಿದೆ.
87/7 ಎಂಬಲ್ಲಿದ್ದ ಮೂರನೇ ದಿನಾದಟ ಆರಂಭಿಸಿದ ವಿಂಡೀಸ್ 30 ರನ್ ಪೇರಿಸುವಷ್ಟರಲ್ಲಿ ಉಳಿದ ಮೂರು ವಿಕೆಟುಗಳನ್ನು ಕಳೆದುಕೊಂಡು ಆಲೌಟಾಯಿತು. ಇದರೊಂದಿಗೆ 47.1 ಓವರ್ಗಳಲ್ಲಿ 117 ರನ್ಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ದಿನದಾಟದಲ್ಲಿ ಜಹಮರ್ ಹ್ಯಾಮಿಲ್ಟನ್ (5), ರಖೀಮ್ ಕಾರ್ನ್ವಾಲ್ (14) ಹಾಗೂ ಕೆಮರ್ ರೂಚ್ (17) ರನ್ ಗಳಿಸಿದರು.
ಭಾರತದ ಪರ ಜಸ್ಪ್ರೀತ್ ಬುಮ್ರಾ ಆರು, ಮೊಹಮ್ಮದ್ ಶಮಿ ಎರಡು ಮತ್ತು ಇಶಾಂತ್ ಶರ್ಮಾ ಹಾಗೂ ರವೀಂದ್ರ ಜಡೇಜಾ ತಲಾ ಒಂದು ವಿಕೆಟನ್ನು ಹಂಚಿಕೊಂಡರು.
ಬಳಿಕ ವಿಂಡೀಸ್ ಮೇಲೆ ಫಾಲೋಆನ್ ಹೇರುವ ಅವಕಾಶವಿದ್ದರೂ ದ್ವಿತೀಯ ಇನ್ನಿಂಗ್ಸ್ ಬ್ಯಾಟಿಂಗ್ ಮಾಡಲು ನಾಯಕ ವಿರಾಟ್ ಕೊಹ್ಲಿ ನಿರ್ಧರಿಸಿದರು.
ಈ ಮೊದಲು ಎರಡನೇ ದಿನದಾಟದಲ್ಲಿ ಜಸ್ಪ್ರೀತ್ ಬುಮ್ರಾ ಹ್ಯಾಟ್ರಿಕ್ ಸೇರಿದಂತೆ ಆರು ವಿಕೆಟುಗಳಿಗೆ ತತ್ತರಿಸಿದ ವಿಂಡೀಸ್ 87ಕ್ಕೆ ಏಳು ವಿಕೆಟುಗಳನ್ನು ಕಳೆದುಕೊಂಡಿತು.
ಭಾರತ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ ಹನುಮ ವಿಹಾರಿ ಶತಕ (111) ಮತ್ತು ನಾಯಕ ವಿರಾಟ್ ಕೊಹ್ಲಿ (76) ಇಶಾಂತ್ ಶರ್ಮಾ (57) ಹಾಗೂ ಮಯಾಂಕ್ ಅಗರ್ವಾಲ್ (55) ಅರ್ಧಶತಕಗಳ ನೆರವಿನಿಂದ 416 ರನ್ಗಳ ಬೃಹತ್ ಮೊತ್ತ ಪೇರಿಸಿತ್ತು.
87/7 ಎಂಬಲ್ಲಿದ್ದ ಮೂರನೇ ದಿನಾದಟ ಆರಂಭಿಸಿದ ವಿಂಡೀಸ್ 30 ರನ್ ಪೇರಿಸುವಷ್ಟರಲ್ಲಿ ಉಳಿದ ಮೂರು ವಿಕೆಟುಗಳನ್ನು ಕಳೆದುಕೊಂಡು ಆಲೌಟಾಯಿತು. ಇದರೊಂದಿಗೆ 47.1 ಓವರ್ಗಳಲ್ಲಿ 117 ರನ್ಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ದಿನದಾಟದಲ್ಲಿ ಜಹಮರ್ ಹ್ಯಾಮಿಲ್ಟನ್ (5), ರಖೀಮ್ ಕಾರ್ನ್ವಾಲ್ (14) ಹಾಗೂ ಕೆಮರ್ ರೂಚ್ (17) ರನ್ ಗಳಿಸಿದರು.
ಭಾರತದ ಪರ ಜಸ್ಪ್ರೀತ್ ಬುಮ್ರಾ ಆರು, ಮೊಹಮ್ಮದ್ ಶಮಿ ಎರಡು ಮತ್ತು ಇಶಾಂತ್ ಶರ್ಮಾ ಹಾಗೂ ರವೀಂದ್ರ ಜಡೇಜಾ ತಲಾ ಒಂದು ವಿಕೆಟನ್ನು ಹಂಚಿಕೊಂಡರು.
ಬಳಿಕ ವಿಂಡೀಸ್ ಮೇಲೆ ಫಾಲೋಆನ್ ಹೇರುವ ಅವಕಾಶವಿದ್ದರೂ ದ್ವಿತೀಯ ಇನ್ನಿಂಗ್ಸ್ ಬ್ಯಾಟಿಂಗ್ ಮಾಡಲು ನಾಯಕ ವಿರಾಟ್ ಕೊಹ್ಲಿ ನಿರ್ಧರಿಸಿದರು.
ಈ ಮೊದಲು ಎರಡನೇ ದಿನದಾಟದಲ್ಲಿ ಜಸ್ಪ್ರೀತ್ ಬುಮ್ರಾ ಹ್ಯಾಟ್ರಿಕ್ ಸೇರಿದಂತೆ ಆರು ವಿಕೆಟುಗಳಿಗೆ ತತ್ತರಿಸಿದ ವಿಂಡೀಸ್ 87ಕ್ಕೆ ಏಳು ವಿಕೆಟುಗಳನ್ನು ಕಳೆದುಕೊಂಡಿತು.
ಭಾರತ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ ಹನುಮ ವಿಹಾರಿ ಶತಕ (111) ಮತ್ತು ನಾಯಕ ವಿರಾಟ್ ಕೊಹ್ಲಿ (76) ಇಶಾಂತ್ ಶರ್ಮಾ (57) ಹಾಗೂ ಮಯಾಂಕ್ ಅಗರ್ವಾಲ್ (55) ಅರ್ಧಶತಕಗಳ ನೆರವಿನಿಂದ 416 ರನ್ಗಳ ಬೃಹತ್ ಮೊತ್ತ ಪೇರಿಸಿತ್ತು.