ಕೆಎಲ್ ರಾಹುಲ್, ಚೇತೇಶ್ವರ ಪೂಜಾರ ಫೇಲ್; ಕುಸಿದ ಭಾರತಕ್ಕೆ ಮಯಾಂಕ್ ಅಗರ್ವಾಲ್ ಆಸರೆ

ಕಿಂಗ್‌ಸ್ಟನ್: ಆತಿಥೇಯ ವೆಸ್ಟ್‌ಇಂಡೀಸ್ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್‌ಗಿಳಿಸಲ್ಪಟ್ಟಿರುವ ಟೀಮ್ ಇಂಡಿಯಾ, ಪ್ರಥಮ ದಿನದ ಊಟದ ವಿರಾಮದ ಹೊತ್ತಿಗೆ 30 ಓವರ್‌ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 72 ರನ್ ಗಳಿಸಿದೆ.

ಮಗದೊಮ್ಮೆ ಟೀಮ್ ಇಂಡಿಯಾ ಆರಂಭ ಉತ್ತಮವಾಗಿರಲಿಲ್ಲ. ಕರ್ನಾಟಕದ ಮಯಾಂಕ್ ಅಗರ್ವಾಲ್ ಹಾಗೂ ಕೆಎಲ್ ರಾಹುಲ್ ನಡುವಣ ಜತೆಯಾಟವನ್ನು ಜೇಸನ್ ಹೋಲ್ಡರ್ ಬೇರ್ಪಡಿಸಿದರು. 13 ರನ್ ಗಳಿಸಿದ ರಾಹುಲ್ ಪೆವಿಲಿಯನ್‌ಗೆ ಹೆಜ್ಜೆ ಹಾಕಿದರು.

ಚೇತೇಶ್ವರ ಪೂಜಾರ (6) ಮಗದೊಮ್ಮ ವೈಫಲ್ಯ ಅನುಭವಿಸಿದರು. ಪೂಜಾರ ಹೊರದಬ್ಬಿದ ಡೆಬ್ಯು ಬೌಲರ್ ರಖೀಮ್ ಕಾರ್ನ್‌ವಾಲ್ ಚೊಚ್ಚಲ ವಿಕೆಟ್ ಪಡೆದರು.

ಬಳಿಕ ನಾಯಕ ವಿರಾಟ್ ಕೊಹ್ಲಿ ಜತೆಗೂಡಿದ ಮಯಾಂಕ್ ಅಗರ್ವಾಲ್ ತಂಡವನ್ನು ಮುನ್ನಡೆಸಿದರು. ಊಟದ ವಿರಾಮದ ಹೊತ್ತಿಗೆ ಮಯಾಂಕ್ 41* ಹಾಗೂ ವಿರಾಟ್ ರನ್ 5* ಗಳಿಸಿ ಕ್ರೀಸಿನಲ್ಲಿದ್ದರು.

ಈ ಮೊದಲು ಟಾಸ್ ಗೆದ್ದ ವಿಂಡೀಸ್ ನಾಯಕ ಜೇಸನ್ ಹೋಲ್ಡರ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದ್ದರು.