ಪಾಕ್‌ ದಿಗ್ಗಜನ 26 ವರ್ಷದ ಹಳೆಯ ದಾಖಲೆಯನ್ನು ಮುರಿದ ಕೊಹ್ಲಿ

ಪೊರ್ಟ್ ಆಫ್ ಸ್ಪೇನ್: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಪಾಕಿಸ್ತಾನದ ಮಾಜಿ ದಿಗ್ಗಜ ಜಾವೇದ್ ಮಿಯಾಂದಾದ್ ಅವರ 26 ವರ್ಷದ ಹಳೆಯದಾದ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ.

ವೆಸ್ಟ್‌ಇಂಡೀಸ್ ವಿರುದ್ಧ ನಡೆಯುತ್ತಿರುವ ಏಕದಿನ ಸರಣಿಯ ದ್ವಿತೀಯ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಮಗದೊಂದು ಮೈಲುಗಲ್ಲು ತಲುಪಿದ್ದಾರೆ. ಅಲ್ಲದೆ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ವಿಂಡೀಸ್ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ.

ವಿರಾಟ್ ಕೊಹ್ಲಿ 34 ಇನ್ನಿಂಗ್ಸ್‌ಗಳಲ್ಲೇ 1931* ರನ್ ಗಳಿಸಿದ್ದಾರೆ. ಜಾವೇದ್ ಮಿಯಾಂದಾದ್ 64 ಇನ್ನಿಂಗ್ಸ್‌ಗಳಲ್ಲಿ 1930 ರನ್ ಗಳಿಸಿದ್ದರು. ಜಾವೇದ್ 26 ವರ್ಷಗ ಹಿಂದೆ 1993ರಲ್ಲಿ ವಿಂಡೀಸ್ ವಿರುದ್ಧ ಕೊನೆಯ ಏಕದಿನ ಪಂದ್ಯವನ್ನಾಡಿದ್ದರು.

ವೆಸ್ಟ್‌ಇಂಡೀಸ್ ವಿರುದ್ಧ ಏಕದಿನದಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್‌ಗಳು:
ವಿರಾಟ್ ಕೊಹ್ಲಿ 1931*
ಜಾವೇದ್ ಮಿಯಾಂದಾದ್ 1930
ಮಾರ್ಕ್ ವಾ 1708
ಜಾಕ್ ಕ್ಯಾಲಿಸ್ 1666
ರಮೀಜ್ ರಾಜಾ 1624
ಸಚಿನ್ ತೆಂಡೂಲ್ಕರ್ 1573