ಸದ್ದಿಲ್ಲದೆ ದಾಖಲೆ ಬರೆದ ಕಿಂಗ್ ಕೊಹ್ಲಿ

ಗಯಾನ: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಸದ್ದಿಲ್ಲದೆ ದಾಖಲೆಯೊಂದನ್ನು ಬರೆದಿದ್ದಾರೆ. ವೆಸ್ಟ್‌ಇಂಡೀಸ್ ಪ್ರವಾಸದಲ್ಲಿರುವ ವಿರಾಟ್ ಕೊಹ್ಲಿ ಇದೀಗ ಟ್ವೆಂಟಿ-20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಭಾರತೀಯ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ.

ಇದರೊಂದಿಗೆ ದಾಖಲೆಯ ಮೂಲಕವೇ ತಾವು ಶ್ರೇಷ್ಠ ಟಿ20 ಬ್ಯಾಟ್ಸ್‌ಮನ್ ಎಂಬುದನ್ನು ಸಾಬೀತು ಮಾಡಿದ್ದಾರೆ. ಇಲ್ಲಿ ಸುರೇಶ್ ರೈನಾ ದಾಖಲೆಯನ್ನು ಮುರಿದಿದ್ದಾರೆ.

ಟ್ವೆಂಟಿ-20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಭಾರತೀಯ ಬ್ಯಾಟ್ಸ್‌ಮನ್‌ಗಳು:
ವಿರಾಟ್ ಕೊಹ್ಲಿ: 8416,
ಸುರೇಶ್ ರೈನಾ: 8392
ರೋಹಿತ್ ಶರ್ಮಾ: 8291
ಶಿಖರ್ ಧವನ್: 6953
ಮಹೇಂದ್ರ ಸಿಂಗ್ ಧೋನಿ

ಇಲ್ಲಿ ಉಪನಾಯಕ ರೋಹಿತ್ ಶರ್ಮಾ ಅವರಿಂದ ನಿಕಟ ಪೈಪೋಟಿ ಏರ್ಪಟ್ಟಿದೆ. ಕಳೆದ ಪಂದ್ಯದಲ್ಲಷ್ಟೇ ವಿರಾಟ್ ಅವರ ದಾಖಲೆ ಮುರಿದಿರುವ ರೋಹಿತ್, ಟ್ವೆಂಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು (21) ಅರ್ಧಶತಕಗಳನ್ನು ಬಾರಿಸಿದ ಬ್ಯಾಟ್ಸ್‌ಮನ್ ಎಂದ ದಾಖಲೆಗೆ ಪಾತ್ರವಾಗಿದ್ದರು.

ವಿರಾಟ್ ಕೊಹ್ಲಿ 254 ಇನ್ನಿಂಗ್ಸ್‌ಗಳಲ್ಲಿ 8392 ರನ್ ಗಳಿಸಿದ್ದಾರೆ. ಹಾಗೆಯೇ ಒಟ್ಟಾರೆಯಾಗಿ ವಿಶ್ವ ಟಿ20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪೈಕಿ ಆರನೇ ಸ್ಥಾನದಲ್ಲಿದ್ದಾರೆ.

ವಿಶ್ವ ಟಿ20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್‌ಗಳು:
ಕ್ರಿಸ್ ಗೇಲ್: 12808
ಬ್ರೆಂಡನ್ ಮೆಕಲಮ್: 9922
ಕೀರಾನ್ ಪೊಲಾರ್ಡ್: 9373
ಡೇವಿಡ್ ವಾರ್ನರ್: 8803
ಶೋಯಿಬ್ ಮಲಿಕ್: 8701
ವಿರಾಟ್ ಕೊಹ್ಲಿ: 8416