ಲಾಂಗ್‌ ವಿರುದ್ಧ ಬಿಸಿಸಿಐ ಕ್ರಮ ಇಲ್ಲ

ಹೊಸದಿಲ್ಲಿ : ಕಳೆದ ಶನಿವಾರ ಆರ್‌ಸಿಬಿ ಮತ್ತು ಸನ್‌ರೈಸರ್ಸ್‌ ಹೈದರಾಬಾದ್‌ ತಂಡಗಳ ನಡುವೆ ಬೆಂಗಳೂರಿನಲ್ಲಿ ನಡೆದ ಐಪಿಎಲ್‌ ಪಂದ್ಯದ ವೇಳೆ ವಿರಾಟ್‌ ಕೊಹ್ಲಿ ಮೇಲಿನ ಸಿಟ್ಟಿಗೆ ಅಂಪೈರ್‌ ಕೋಣೆಯ ಬಾಗಿಲು ಮುರಿದು ಅಶಿಸ್ತು ತೋರಿದ್ದ ಅಂಪೈರ್‌ ನಿಗೆಲ್‌ ಲಾಂಗ್‌ ವಿರುದ್ಧ ಯಾವುದೇ ಕ್ರಮ ತೆಗೆದುಕೊಳ್ಳದಿರಲು ಬಿಸಿಸಿಐ ತೀರ್ಮಾನಿಸಿದೆ.

ಇದರೊಂದಿಗೆ ಇಂಗ್ಲೆಂಡ್‌ ಮೂಲದ ಅಂಪೈರ್‌ ಭಾನುವಾರ ಫೈನಲ್‌ನಲ್ಲಿ ಕಾರ್ಯ ನಿರ್ವಹಿಸುವುದು ಖಚಿತಪಟ್ಟಿದೆ.

ಲಾಂಗ್‌ ವಿರುದ್ಧ ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆ ಅಧಿಕೃತವಾಗಿ ದೂರು ಸಲ್ಲಿಸಿದ್ದರೂ ಅದನ್ನು ಲೆಕ್ಕಿಸದೆ ಅವರಿಗೆ ಭಾನುವಾರ ಕಾರ್ಯ ನಿರ್ವಹಿಸಲು ಬಿಸಿಸಿಐ ಆಡಳಿತ ಸಮಿತಿ ಅನುವು ಮಾಡಿಕೊಟ್ಟಿದೆ ಎಂದು ಬಲ್ಲ ಮೂಲಗಳು ತಿಳಿಸಿವೆ.