ಚಿನ್ನಸ್ವಾಮಿಯಲ್ಲಿ ಚಹಲ್ 50 ವಿಕೆಟ್ ದಾಖಲೆ

ಬೆಂಗಳೂರು: ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಲೆಗ್ ಸ್ಪಿನ್ನರ್ ಯುಜ್ವೇಂದ್ರ ಚಹಲ್ 50 ವಿಕೆಟುಗಳ ಸಾಧನೆ ಮಾಡಿದ್ದಾರೆ.

ಇಂಡಿಯನ್ ಪ್ರಿಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಪ್ರತಿನಿಧಿಸುತ್ತಿರುವ ಯೂಝಿ, ಮುಂಬೈ ಇಂಡಿಯನ್ಸ್ ವಿರುದ್ದದ ಪಂದ್ಯದಲ್ಲಿ ಈ ಅಮೋಘ ಸಾಧನೆ ಮಾಡಿದ್ದಾರೆ.

ಚಿನ್ನಸ್ವಾಮಿ ಬ್ಯಾಟಿಂಗ್ ಸ್ನೇಹಿ ಪಿಚ್ ಎಂದೇ ಹೇಳಲಾಗುತ್ತಿದೆ. ಅಲ್ಲದೆ ಬಹುತೇಕ ಎಲ್ಲ ಪಂದ್ಯಗಳಲ್ಲೂ ರನ್ ಹೊಳೆಯೇ ಹರಿಯುತ್ತಿದೆ. ಇಲ್ಲಿ ಕೇವಲ 65 ಮೀಟರ್‌ಗಳಷ್ಟು ದೂರದಲ್ಲಿ ಬೌಂಡರಿ ಲೈನ್ ಇದೆ. ಹಾಗಿರುವಾಗ ಸ್ಪಿನ್ ಬೌಲರ್‌ಗಳಿಗೆ ವಿಕೆಟ್ ಪಡೆಯುವುದು ಕಷ್ಟದ ಮಾತು.

ಈ ಎಲ್ಲದರ ಸವಾಲುಗಳ ಮಧ್ಯೆಯು ಯುಜ್ವೇಂದ್ರ ಆರ್‌ಸಿಬಿ ಪರ ಗಮನಾರ್ಹ ಸಾಧನೆ ಮಾಡಿದ್ದಾರೆ.

ಚಹಲ್ ಐಪಿಎಲ್ ದಾಖಲೆ:

ಪಂದ್ಯ: 72
ವಿಕೆಟ್: 84
ಅತ್ಯುತ್ತಮ ಬೌಲಿಂಗ್: 4/25
ಎಕಾನಮಿ: 7.68