ಹೈದರಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್ 2019ನೇ ಸಾಲಿನ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್ಶಿಪ್ನಲ್ಲಿ ನಾಲ್ಕನೇ ಬಾರಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡಗಳು ಪರಸ್ಪರ ಮುಖಾಮುಖಿಯಾಗುತ್ತಿದೆ.
ಈ ಹಿಂದಿನ ಮೂರು ಬಾರಿ ಎದುರು ಬದುರಾದಾಗ ಮುಂಬೈ ಇಂಡಿಯನ್ಸ್ 2-1ರ ಅಂತರದ ಮುನ್ನಡೆ ಕಾಯ್ದುಕೊಂಡಿದೆ. 2010ರಲ್ಲಿ ಚೆನ್ನೈ 22 ರನ್ ಅಂತರದ ಗೆಲುವು ದಾಖಲಿಸಿದರೆ 2013 ಹಾಗೂ 2015ರಲ್ಲಿ ಮುಂಬೈ ಇಂಡಿಯನ್ಸ್ ಅನುಕ್ರಮವಾಗಿ 23 ರನ್ ಹಾಗೂ 41 ರನ್ ಅಂತರದ ಗೆಲುವನ್ನು ಬಾರಿಸಿತ್ತು.
ಇಲ್ಲಿ ಮಗದೊಂದು ಗಮನಾರ್ಹ ಅಂಶವೆಂದರೆ ಇತ್ತಂಡಗಳು ತಲಾ ಮೂರು ಬಾರಿ ಐಪಿಎಲ್ ಕಿರೀಟವನ್ನು ಗೆದ್ದಿದ್ದು, ದಾಖಲೆಯ ನಾಲ್ಕನೇಯ ಬಾರಿಗೆ ಯಾರು ಚಾಂಪಿಯನ್ ಪಟ್ಟ ಆಲಂಕರಿಸಲಿದ್ದಾರೆ ಎಂಬುದು ಅಷ್ಟೇ ಆಸಕ್ತಿ ಮೂಡಿಸಿದೆ.
ಒಟ್ಟಾರೆಯಾಗಿ ಅಂಕಿಅಂಶಗಳ ಬಲಾಬಲವನ್ನು ನೋಡಿದರೆ ಇತ್ತಂಡಗಳು ಒಟ್ಟು 27 ಬಾರಿ ಐಪಿಎಲ್ನಲ್ಲಿ ಮುಖಾಮುಖಿಯಾಗಿದೆ. ಈ ಪೈಕಿ 16 ಬಾರಿ ಮುಂಬೈ ಇಂಡಿಯನ್ಸ್ ಗೆದ್ದಿರುವುದ ಗಮನಾರ್ಹವೇ ಸರಿ. ಇನ್ನುಳಿದಂತೆ ಚೆನ್ನೈ ತಂಡ 11 ಪಂದ್ಯಗಳಲ್ಲಿ ವಿಜಯವನ್ನು ಮೊಳಗಿಸಿದೆ.
ಇನ್ನು ಕುತೂಹಲಕದಾಯಕ ಸಂಗತಿಯೆಂದರೆ ಪ್ರಸಕ್ತ ಸಾಲಿನ ಐಪಿಎಲ್ನಲ್ಲಿ ಚೆನ್ನೈ ವಿರುದ್ಧ ಮುಂಬೈ ಸೋತೇ ಇಲ್ಲ. ಚೆನ್ನೈ ತವರು ಅಂಗಣದಲ್ಲಿ ಮುಂಬೈ ಭರ್ಜರಿ ಗೆಲುವುಗಳನ್ನು ದಾಖಲಿಸಿತ್ತು. ಮೊದಲ ಕ್ವಾಲಿಫೈಯರ್ಗೂ ಚೆನ್ನೈ ಆತಿಥ್ಯ ವಹಿಸಿದರೂ ಮುಂಬೈ ಓಟಕ್ಕೆ ತಡೆಯೊಡ್ಡಲು ಸಾಧ್ಯವಾಗಲಿಲ್ಲ.
ಅಂದ ಹಾಗೆ ಮಹೇಂದ್ರ ಸಿಂಗ್ ಧೋನಿ ಪಡೆಗಿದು ಎಂಟನೇ ಐಪಿಎಲ್ ಫೈನಲ್ ಆಗಿದೆ. ಹಾಗೆಯೇ ಮುಂಬೈ ಐದನೇ ಬಾರಿಗೆ ಪ್ರಶಸ್ತಿ ಸುತ್ತಿನಲ್ಲಿ ಸೆಣಸುತ್ತಿದೆ. ಭಾಗವಹಿಸಿದ ಎಲ್ಲ 10 ಬಾರಿಯೂ ಫೈನಲ್ ಪ್ರವೇಶಿಸಿದ ಕೀರ್ತಿ ಚೆನ್ನೈಯದ್ದು.
ಇವೆಲ್ಲದರಿಂದ ಮುಂಬೈ ವಿರುದ್ಧ ಸೇಡು ತೀರಿಸಿಕೊಳ್ಳಲು ಚೆನ್ನೈಗೆ ಸುವರ್ಣಾವಕಾಶ ಒಲಿದು ಬಂದಿದೆ. ಒಟ್ಟಿನಲ್ಲಿ ಯಾರು ಚಾಂಪಿಯನ್ ಆಗಲಿದ್ದಾರೆ ಎಂಬುದಕ್ಕೆ ಭಾನುವಾರವಷ್ಟೇ ಉತ್ತರ ಸಿಗಲಿದೆ.
ಈ ಹಿಂದಿನ ಮೂರು ಬಾರಿ ಎದುರು ಬದುರಾದಾಗ ಮುಂಬೈ ಇಂಡಿಯನ್ಸ್ 2-1ರ ಅಂತರದ ಮುನ್ನಡೆ ಕಾಯ್ದುಕೊಂಡಿದೆ. 2010ರಲ್ಲಿ ಚೆನ್ನೈ 22 ರನ್ ಅಂತರದ ಗೆಲುವು ದಾಖಲಿಸಿದರೆ 2013 ಹಾಗೂ 2015ರಲ್ಲಿ ಮುಂಬೈ ಇಂಡಿಯನ್ಸ್ ಅನುಕ್ರಮವಾಗಿ 23 ರನ್ ಹಾಗೂ 41 ರನ್ ಅಂತರದ ಗೆಲುವನ್ನು ಬಾರಿಸಿತ್ತು.
ಇಲ್ಲಿ ಮಗದೊಂದು ಗಮನಾರ್ಹ ಅಂಶವೆಂದರೆ ಇತ್ತಂಡಗಳು ತಲಾ ಮೂರು ಬಾರಿ ಐಪಿಎಲ್ ಕಿರೀಟವನ್ನು ಗೆದ್ದಿದ್ದು, ದಾಖಲೆಯ ನಾಲ್ಕನೇಯ ಬಾರಿಗೆ ಯಾರು ಚಾಂಪಿಯನ್ ಪಟ್ಟ ಆಲಂಕರಿಸಲಿದ್ದಾರೆ ಎಂಬುದು ಅಷ್ಟೇ ಆಸಕ್ತಿ ಮೂಡಿಸಿದೆ.
ಒಟ್ಟಾರೆಯಾಗಿ ಅಂಕಿಅಂಶಗಳ ಬಲಾಬಲವನ್ನು ನೋಡಿದರೆ ಇತ್ತಂಡಗಳು ಒಟ್ಟು 27 ಬಾರಿ ಐಪಿಎಲ್ನಲ್ಲಿ ಮುಖಾಮುಖಿಯಾಗಿದೆ. ಈ ಪೈಕಿ 16 ಬಾರಿ ಮುಂಬೈ ಇಂಡಿಯನ್ಸ್ ಗೆದ್ದಿರುವುದ ಗಮನಾರ್ಹವೇ ಸರಿ. ಇನ್ನುಳಿದಂತೆ ಚೆನ್ನೈ ತಂಡ 11 ಪಂದ್ಯಗಳಲ್ಲಿ ವಿಜಯವನ್ನು ಮೊಳಗಿಸಿದೆ.
ಇನ್ನು ಕುತೂಹಲಕದಾಯಕ ಸಂಗತಿಯೆಂದರೆ ಪ್ರಸಕ್ತ ಸಾಲಿನ ಐಪಿಎಲ್ನಲ್ಲಿ ಚೆನ್ನೈ ವಿರುದ್ಧ ಮುಂಬೈ ಸೋತೇ ಇಲ್ಲ. ಚೆನ್ನೈ ತವರು ಅಂಗಣದಲ್ಲಿ ಮುಂಬೈ ಭರ್ಜರಿ ಗೆಲುವುಗಳನ್ನು ದಾಖಲಿಸಿತ್ತು. ಮೊದಲ ಕ್ವಾಲಿಫೈಯರ್ಗೂ ಚೆನ್ನೈ ಆತಿಥ್ಯ ವಹಿಸಿದರೂ ಮುಂಬೈ ಓಟಕ್ಕೆ ತಡೆಯೊಡ್ಡಲು ಸಾಧ್ಯವಾಗಲಿಲ್ಲ.
ಅಂದ ಹಾಗೆ ಮಹೇಂದ್ರ ಸಿಂಗ್ ಧೋನಿ ಪಡೆಗಿದು ಎಂಟನೇ ಐಪಿಎಲ್ ಫೈನಲ್ ಆಗಿದೆ. ಹಾಗೆಯೇ ಮುಂಬೈ ಐದನೇ ಬಾರಿಗೆ ಪ್ರಶಸ್ತಿ ಸುತ್ತಿನಲ್ಲಿ ಸೆಣಸುತ್ತಿದೆ. ಭಾಗವಹಿಸಿದ ಎಲ್ಲ 10 ಬಾರಿಯೂ ಫೈನಲ್ ಪ್ರವೇಶಿಸಿದ ಕೀರ್ತಿ ಚೆನ್ನೈಯದ್ದು.
ಇವೆಲ್ಲದರಿಂದ ಮುಂಬೈ ವಿರುದ್ಧ ಸೇಡು ತೀರಿಸಿಕೊಳ್ಳಲು ಚೆನ್ನೈಗೆ ಸುವರ್ಣಾವಕಾಶ ಒಲಿದು ಬಂದಿದೆ. ಒಟ್ಟಿನಲ್ಲಿ ಯಾರು ಚಾಂಪಿಯನ್ ಆಗಲಿದ್ದಾರೆ ಎಂಬುದಕ್ಕೆ ಭಾನುವಾರವಷ್ಟೇ ಉತ್ತರ ಸಿಗಲಿದೆ.