ಅನುಭವ ಹಾಗೂ ಪ್ರತಿಭೆಯಿಂದ ಸಮತೋಲನ: ಎಬಿ ಡಿ

ಚೆನ್ನೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ಮಾರ್ಚ್ 23 ಶನಿವಾರದಂದು ನಡೆಯಲಿರುವ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸವಾಲನ್ನು ಎದುರಿಸಲಿದೆ.

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿ ಒತ್ತಡ ರಹಿತ ಕ್ರಿಕೆಟ್ ಆಡಲಿರುವ ದಕ್ಷಿಣ ಆಫ್ರಿಕಾದ ಎಬಿ ಡಿ ವಿಲಿಯರ್ಸ್ ಆರ್‌ಸಿಬಿ ತಂಡದ ಪ್ರಮುಖ ಬ್ಯಾಟಿಂಗ್ ಅಸ್ತ್ರವಾಗಲಿದ್ದಾರೆ.

ಇದೀಗ ತಂಡದ ಸಂಯೋಜನೆ ಬಗ್ಗೆ ಪ್ರತಿಕ್ರಿಯಿಸಿರುವ ಎಬಿ ಡಿ, ಅನುಭವ ಹಾಗೂ ಪ್ರತಿಭೆಯಿಂದ ಹೆಚ್ಚಿನ ಸಮತೋಲನವನ್ನು ಕಾಪಾಡಿಕೊಂಡಿದೆ ಎಂದರು.

ಇದೇ ಸರಿಯಾದ ಸಮಯ, ಆರ್‌ಸಿಬಿ ಹೆಚ್ಚು ಸ್ಮಾರ್ಟ್ ಹಾಗೂ ಪ್ರಬಲವಾಗಿ ಆಡುವ ಸಮಯವಿದು. ಸ್ಥಿರ ಪ್ರದರ್ಶನದ ಮೂಲಕ ಟೂರ್ನಿಯಲ್ಲಿ ಪರಿಣಾಮ ಬೀರಬೇಕು. ಅಲ್ಲದೆ ಮೊದಲ ಸವಾಲು ಸ್ವೀಕರಿಸಲು ಸಂಪೂರ್ಣವಾಗಿ ಸಜ್ಜಾರಾಗಿದ್ದೇವೆ ಎಂದರು.

ಈ ಬಾರಿ ಅತ್ಯುತ್ತಮ ಪ್ರದರ್ಶನ ನೀಡುವುದಾಗಿ ಅಭಿಮಾನಿಗಳಿಗೂ ಖಾತ್ರಿಪಡಿಸಿದರು.