ಸ್ಟೋಕ್ಸ್‌ಗೆ ಸ್ಟ್ರೋಕ್ ಕೊಟ್ಟ ಮಯಾಂಕ್-ಮನೋಜ್ ಕಾಂಬಿನೇಷನ್ ಕ್ಯಾಚ್

ಇಂದೋರ್: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ಕರ್ನಾಟಕದ ಮಯಾಂಕ್ ಅಗರ್ವಾಲ್ ಮತ್ತು ಮನೋಜ್ ತಿವಾರಿ ಜತೆ ಸೇರಿಕೊಂಡು ಅದ್ಭುತ ಕ್ಯಾಚ್‌ವೊಂದನ್ನು ಹಿಡಿದಿದ್ದಾರೆ.

ಇಂದೋರ್‌ನ ಹೋಳ್ಕರ್ ಕ್ರೀಡಾಂಗಣದಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಆಟಗಾರರಾಗಿರುವ ಮಯಾಂಕ್ ಹಾಗೂ ಮನೋಜ್ ಕಾಂಬಿನೇಷನ್ ಕ್ಯಾಚ್ ಹಿಡಿದಿದ್ದರು.

ಮುಜೀಬ್ ಉರ್ ರೆಹಮಾನ್ ಎಸೆದ ಪಂದ್ಯದ 13ನೇ ಓವರ್‌ನಲ್ಲಿ ಬೆನ್ ಸ್ಟ್ರೋಕ್ ಹೊಡೆದ ಚೆಂಡನ್ನು ಬೌಂಡರಿ ಗೆರೆ ಬಳಿ ಅದ್ಭುತ ಸಂಯೋಜನೆ ತೋರುವ ಮೂಲಕ ಮಯಾಂಕ್ ಹಾಗೂ ತಿವಾರಿ ಕ್ಯಾಚ್ ಹಿಡಿದಿದ್ದರು.

ಮೊದಲು ಸಿಕ್ಸರ್ ತಡೆಗಟ್ಟಿದ ಮಯಾಂಕ್ ತಮ್ಮ ಹತ್ತಿರದಲ್ಲೇ ಮನೋಜ್ ಇರುವುದನ್ನು ಗಮನಿಸಿ ಇನ್ನೇನು ತಾವು ಬೌಂಡರಿ ಗೆರೆ ದಾಟುತ್ತಿರುವಂತೆಯೇ ಸಹ ಆಟಗಾರಿನಿಗೆ ಚೆಂಡನ್ನು ಎಸೆದರು. ಇದನ್ನು ಗಮನಿಸಿದ ಮನೋಜ್ ಕ್ಯಾಚ್ ಬಗಲಿಗೆ ಸೇರಿಸಿಕೊಂಡರು.

ಈ ಮೂಲಕ ಸ್ಟೋಕ್ಸ್‌ಗೆ ಸ್ಟ್ರೋಕ್ ನೀಡಲಾಯಿತು. ಇದು ಐಪಿಎಲ್‌ನ ಅತ್ಯಂತ ಶ್ರೇಷ್ಠ ಕ್ಯಾಚ್‌ ಸಾಲಿಗೆ ಸೇರಿಕೊಂಡಿದ್ದು, ಮಯಾಂಕ್ ಹಾಗೂ ತಿವಾರಿ ಸಯಮ ಪ್ರಜ್ಞೆಗೆ ಇಡೀ ಕ್ರಿಕೆಟ್ ಲೋಕವೇ ಬೆರಗಾಗಿದೆ.