ಸಿಎಸ್‌ಕೆ ಅಗ್ರಸ್ಥಾನ ಕಾಯ್ದುಕೊಳ್ಳುವುದೇ?

ಮೊಹಾಲಿ: ಈಗಾಗಲೇ ಪ್ಲೇಆಫ್‌ ಪ್ರವೇಶಿಸಿರುವ ಅಂಕಪಟ್ಟಿಯ ಅಗ್ರಸ್ಥಾನಿ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡ ಭಾನುವಾರ ದುರ್ಬಲ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ವಿರುದ್ಧ ಗೆದ್ದು ಅಗ್ರಸ್ಥಾನದೊಂದಿಗೆ ಲೀಗ್‌ ಹಂತ ಕೊನೆಗೊಳಿಸಲು ಎದುರುನೋಡುತ್ತಿದೆ. ಪಂಜಾಬ್‌ ತಂಡ ಟೂರ್ನಿಯಲ್ಲಿ ಉತ್ತಮ ಆರಂಭ ಕಂಡರೂ ಆ ಬಳಿಕ ಅಸ್ಥಿರ ಪ್ರದರ್ಶನದಿಂದಾಗಿ, ಸದ್ಯ ಅಂಕ ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ.

ಮಹೇಂದ್ರ ಸಿಂಗ್‌ ಧೋನಿ ಸಾರಥ್ಯದ ಸಿಎಸ್‌ಕೆ ತಂಡ ಮುಂಬಯಿ ಇಂಡಿಯನ್ಸ್‌ ವಿರುದ್ಧ ಸೋತು 2ನೇ ಸ್ಥಾನಕ್ಕೆ ಕುಸಿದಿತ್ತು. ಆದರೆ ಆ ನಂತರ ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ 80 ರನ್‌ಗಳ ಅಂತರದಿಂದ ಭರ್ಜರಿ ಜಯ ಗಳಿಸಿ ಮತ್ತೆ ಅಗ್ರಪಟ್ಟ ಅಲಂಕರಿಸಿತ್ತು. ನೆಟ್‌ ರನ್‌ರೇಟ್‌ನಲ್ಲಿ ಉತ್ತಮ ಸ್ಥಿತಿಯಲ್ಲಿರುವ ಮುಂಬಯಿ ತಂಡ ಒಂದು ವೇಳೆ ಕೋಲ್ಕೊತಾ ವಿರುದ್ಧ ಗೆದ್ದರೆ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರುವ ಸಾಧ್ಯತೆ ಇದೆ. ಹೀಗಾಗಿ ಚೆನ್ನೈ ತಂಡ ಲೀಗ್‌ ಹಂತದಲ್ಲಿ ಮೊದಲ ಸ್ಥಾನ ಕಾಯ್ದುಕೊಳ್ಳಬೇಕಾದರೆ, ಪಂಜಾಬ್‌ ವಿರುದ್ಧ ಗೆಲ್ಲಬೇಕಾದ ಅಗತ್ಯವಿದೆ.


ಇನ್ನೊಂದೆಡೆ, ಪ್ರಬಲ ಬ್ಯಾಟಿಂಗ್‌ ಶಕ್ತಿ ಹೊಂದಿದ್ದರೂ ನಾಕೌಟ್‌ ಹಂತದಿಂದ ಬಹಳ ದೂರ ಸರಿದಿರುವ ಪಂಜಾಬ್‌ ತಂಡ, ಹಾಲಿ ಚಾಂಪಿಯನ್ಸ್‌ಗೆ ಆಘಾತ ನೀಡಿ ಇತರ ತಂಡಗಳೊಂದಿಗೆ ಪ್ಲೇಆಫ್‌ಗೆ ಸ್ಪರ್ಧೆ ಒಡ್ಡಲು ಹಾತೊರೆಯುತ್ತಿದೆ.

ಇಂದಿನ ಪಂದ್ಯಗಳು
ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ - ಚೆನ್ನೈ ಸೂಪರ್‌ ಕಿಂಗ್ಸ್‌
ಪಂದ್ಯ ಆರಂಭ: ಸಂಜೆ 4ಕ್ಕೆ
ಸ್ಥಳ: ಐ.ಎಸ್‌.ಬಿಂದ್ರಾ ಕ್ರೀಡಾಂಗಣ. ಮೊಹಾಲಿ
ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್ ನೆಟ್‌ವರ್ಕ್ಸ್‌


ಮುಖಾಮುಖಿ: 21
ಸಿಎಸ್‌ಕೆ ಗೆಲುವು: 13
ಪಂಜಾಬ್‌ ಜಯ: 08

ಗೆಲುವಿನ ಸರಾಸರಿ
ಚೆನ್ನೈ : 64.28 %
ಪಂಜಾಬ್‌: 35.71 %


ಸ್ಟಾರ್‌ ಆಟಗಾರರು
ಚೆನ್ನೈ
ಎಂ.ಎಸ್‌.ಧೋನಿ
ಸುರೇಶ್‌ ರೈನಾ
ಫಾಫ್‌ ಡು ಪ್ಲೆಸಿಸ್‌
ಇಮ್ರಾನ್‌ ತಾಹಿರ್‌
ದೀಪಕ್‌ ಚಹರ್‌

ಪಂಜಾಬ್‌
ಕೆ.ಎಲ್‌.ರಾಹುಲ್‌
ಕ್ರಿಸ್‌ ಗೇಲ್‌
ಮಯಾಂಕ್‌ ಅಗರ್ವಾಲ್‌
ಆರ್‌.ಅಶ್ವಿನ್‌
ಮೊಹಮ್ಮದ್‌ ಶಮಿ.