ಐಪಿಎಲ್ ಡೆಬ್ಯು ಪಂದ್ಯದಲ್ಲೇ 25 ರನ್ ಬಿಟ್ಟುಕೊಟ್ಟ ಚಕ್ರವರ್ತಿ

ಕೋಲ್ಕತಾ: ಇಂಡಿಯನ್ ಪ್ರೀಮಿಯರ್ ಲೀಗ್ 2019ನೇ ಸಾಲಿನ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಸುನಿಲ್ ನರೈನ್ ಓವರ್‌ವೊಂದರಲ್ಲಿ 25 ರನ್ ಚಚ್ಚಿದ್ದಾರೆ.

ಇದರೊಂದಿಗೆ ಐಪಿಎಲ್ 12ರ ಅತಿ ದುಬಾರಿ ಓವರ್ ಎಂಬ ಅಪಖ್ಯಾತಿಗೆ ವರುಣ್ ಚಕ್ರವರ್ತಿ ಪಾತ್ರವಾಗಿದ್ದಾರೆ. ನಿಮ್ಮ ಮಾಹಿತಿಗಾಗಿ ವರುಣ್ ಅವರ ಚೊಚ್ಚಲ ಐಪಿಎಲ್ ಪಂದ್ಯವೂ ಇದಾಗಿತ್ತು.

ಇನ್ನಿಂಗ್ಸ್‌ನ ಎರಡನೇ ಓವರ್ ಎಸೆಯಲು ಬಂದ ವರುಣ್ ದಾಳಿಯಲ್ಲಿ ನರೈನ್ ಮೂರು ಸಿಕ್ಸರ್‌ಗಳನ್ನು ಸಿಡಿಸಿದ್ದರು. ಈ ಮೂಲಕ ಐಪಿಎಲ್ ಡೆಬ್ಯು ಪಂದ್ಯದಲ್ಲೇ ಕಹಿ ಅನುಭವ ಎದುರಾಗಿದೆ.

ಕರ್ನಾಟಕದ ಬೀದರ್‌ನಲ್ಲಿ ಜನಿಸಿರುವ 27ರ ಹರೆಯದ ವರುಣ್, ತಮಿಳುನಾಡು ಪ್ರೀಮಿಯರ್ ಲೀಗ್ ಹಾಗೂ ರಣಜಿ ಟ್ರೋಫಿಯಲ್ಲಿ ಆಡಿದ ಅನುಭವ ಹೊಂದಿದ್ದಾರೆ.