ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಒಂದು ದಶಕದ ಕಾಲ ಪ್ರತಿನಿಧಿಸಿದ್ದ ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಎಬಿ ಡಿ ವಿಲಿಯರ್ಸ್ ಅವರಿಗೆ ಆರ್‌ಸಿಬಿ ಅಭಿಮಾನಿಗಳು ಹೃದಯದಲ್ಲಿ ವಿಶೇಷ ಸ್ಥಾನವನ್ನು ನೀಡಿದ್ದಾರೆ. ಇದೀಗ ಆರ್‌ಸಿಬಿ ತಂಡದಲ್ಲಿ ಎಬಿಡಿ ಆಡುತ್ತಿಲ್ಲವಾದರೂ ಅಭಿಮಾನಿಗಳು ಮಾತ್ರ ಅವರ ಹೆಸರನ್ನು ಹೇಳದೆ ಸುಮ್ಮನೆ ಇರುವುದಿಲ್ಲ. ಅಷ್ಟರ ಮಟ್ಟಿಗೆ ಅಭಿಮಾನಿಗಳು ಎಬಿ ಡಿ ವಿಲಿಯರ್ಸ್ ಅವರನ್ನು ಪ್ರೀತಿಸುತ್ತಾರೆ.
ಆರ್‌ಸಿಬಿ ಪರ ಐಪಿಎಲ್ ಟೂರ್ನಿಯಲ್ಲಿನ ಸಾಧನೆಯನ್ನು ಪರಿಗಣಿಸಿದ ಬೆಂಗಳೂರು ಫ್ರಾಂಚೈಸಿ, ಎಬಿ ಡಿ ವಿಲಿಯರ್ಸ್ ಹಾಗೂ ಕ್ರಿಸ್‌ ಗೇಲ್ ಅವರಿಗೆ ಮಾರ್ಚ್‌ 26 ರಂದು ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಹಾಲ್‌ ಆಫ್‌ ಫೇಮ್ ನೀಡಿ ಗೌರವಿಸಿತ್ತು. ಈ ವೇಳೆ ಸ್ಟೇಡಿಯಂನಲ್ಲಿ ಅಭಿಮಾನಿಗಳು ಕೂಡ ಉಪಸ್ಥಿತರಿದ್ದರು. ಈ ವೇಳೆ ಮೈದಾನದಲ್ಲಿ ಹೆಜ್ಜೆ ಹಾಕಿದ ಎಬಿ ಡಿವಿಲಿಯರ್ಸ್ ಅವರನ್ನು ಅಭಿಮಾನಿಗಳು ಕಣ್ತುಂಬಿಸಿಕೊಂಡಿದ್ದರು ಹಾಗೂ ಅವರನ್ನು ಹುರಿದುಂಬಿಸಿದ್ದರು.
IPL 2023: ಆರ್‌ಸಿಬಿ ಕಪ್‌ ಗೆಲ್ಲಬೇಕೆಂದರೆ ರವಿ ಶಾಸ್ತ್ರಿ ಹೆಡ್‌ ಕೋಚ್‌ ಆಗಬೇಕು!
ಇದೀಗ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ದಕ್ಷಿಣ ಆಫ್ರಿಕಾ ದಿಗ್ಗಜ ಎಬಿ ಡಿವಿಲಿಯರ್ಸ್ ಅವರು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ವಿರಾಟ್‌ ಕೊಹ್ಲಿ, ಸಹ ಆಟಗಾರರು ಹಾಗೂ ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ ಹಾಗೂ ಭಾವನಾತ್ಮಕ ಸಂದೇಶವನ್ನು ಬರೆದುಕೊಂಡಿದ್ದಾರೆ.
"ನನ್ನ ಹೆಂಡತಿ, ಇಬ್ಬರು ಹುಡುಗರು ಮತ್ತು ಪುಟ್ಟ ಹುಡುಗಿ ನಮ್ಮ ಆರ್‌ಸಿಬಿ ತವರು ಮೈದಾನಕ್ಕೆ ಪ್ರವೇಶಿಸಲು ಮೆಟ್ಟಿಲುಗಳ ಮೇಲೆ ನಡೆದಾಗ ನನ್ನ ಹೃದಯ ಅರಳಿತು. ಈ ವೇಳೆ ನನ್ನ ಮನಸಿನಲ್ಲಿ ವಿಭಿನ್ನ ಭಾವನೆಗಳು ಉಂಟಾಗುತ್ತಿದ್ದವು. ನನ್ನ ಈ ವಿಭಿನ್ನ ಮನಸ್ಥಿತಿಯಲ್ಲಿ ಅಲ್ಲಿಗೆ ಹೋಗುವುದು ವಿಚಿತ್ರವೆನಿಸಿತು," ಎಂದು ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಎಬಿ ಡಿ ವಿಲಿಯರ್ಸ್ ಬರೆದುಕೊಂಡಿದ್ದಾರೆ.
"ಅಭಿಮಾನಿಗಳಿಂದ ತುಂಬಿರುವ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದ ಆರ್‌ಸಿಬಿ ತಂಡದ ಡ್ರೆಸ್ಸಿಂಗ್‌ ಕೊಠಡಿಯ ಬಾಲ್ಕನಿಗೆ ನಡೆದುಕೊಂಡು ಹೋದಾಗ ನನ್ನ ಕಣ್ಣಲ್ಲಿ ನೀರು ತುಂಬಿತ್ತು. ಈ ಬಾರಿ ಎಬಿಡಿ.. ಎಬಿಡಿ ಎಂದು ಅಭಿಮಾನಿಗಳ ಪದಗಳು ನನಗೆ ವಿಭಿನ್ನವಾಗಿ ಕೇಳಿಸಿತು. ಏಕೆಂದರೆ ಆರ್‌ಸಿಬಿ ಪರ ಆಡುವಾಗ ಪಂದ್ಯವನ್ನು ಗೆಲ್ಲಿಸಲು ನನ್ನನ್ನು ಹುರಿದುಂಬಿಸಲು ಅವರು ನನ್ನ ಹೆಸರು ಕೂಗುತ್ತಿದ್ದರು. ಆದರೆ, ಈ ಬಾರಿ ಸನ್ನಿವೇಶ ವಿಭಿನ್ನವಾಗಿತ್ತು. ಇದರಿಂದಾಗಿ ನಾನು ತುಂಬಾ ಭಾವುಕನಾದೆ. ಇಂಥಾ ಅದ್ಭುತ ನಗರವನ್ನು ಪ್ರತಿನಿಧಿಸಿದ್ದಕ್ಕಾಗಿ, ಅಸಾಧಾರಣ ಸಹ ಆಟಗಾರರನ್ನು ಹೊಂದಿರುವುದಕ್ಕೆ ಹಾಗೂ ಇಂಥಾ ಅದ್ಭುತ ಫ್ರಾಂಚೈಸಿಯಲ್ಲಿ ಆಡಿದ್ದಕ್ಕೆ ನನಗೆ ಹೆಮ್ಮೆ ಅನಿಸುತ್ತಿದೆ," ಎಂದು ಆರ್‌ಸಿಬಿ ಮಾಜಿ ಆಟಗಾರ ಭಾವುಕರಾಗಿ ಬರೆದಿದ್ದಾರೆ.
"2003 ರಿಂದ ಇಲ್ಲಿಯವರೆಗೂ ಭಾರತದಲ್ಲಿ ತಾನು ಕಳೆದಿರುವ ಕ್ಷಣಗಳು ನನ್ನ ಪಾಲಿಗೆ ವಿಶೇಷವಾಗಿವೆ. ಈ ರಾಷ್ಟ್ರಕ್ಕೆ ಹಾಗೂ ಇಲ್ಲಿನ ಜನತೆಯ ಜೊತೆ ನಾನು ಆಳವಾದ ಸಂಬಂಧವನ್ನು ಹೊಂದಿದ್ದೇನೆ ಹಾಗೂ ಇದಕ್ಕಾಗಿ ನಾನು ಕೃತಜ್ಞನಾಗಿರುತ್ತೇನೆ. ನನ್ನ ಸಹ ಆಟಗಾರರಿಗೆ ಧನ್ಯವಾದ, ವಿಶೇಷವಾಗಿ ವಿರಾಟ್‌ ಕೊಹ್ಲಿಗೆ. ಧನ್ಯವಾದ ಆರ್‌ಸಿಬಿ, ಧನ್ಯವಾದ ಬೆಂಗಳೂರು," ಎಂದು ಎಬಿ ಡಿವಿಲಿಯರ್ಸ್ ಭಾವುಕರಾಗಿದ್ದಾರೆ.
ಆರ್‌ಸಿಬಿ ಪರ ಐಪಿಎಲ್ ಟೂರ್ನಿಯಲ್ಲಿನ ಸಾಧನೆಯನ್ನು ಪರಿಗಣಿಸಿದ ಬೆಂಗಳೂರು ಫ್ರಾಂಚೈಸಿ, ಎಬಿ ಡಿ ವಿಲಿಯರ್ಸ್ ಹಾಗೂ ಕ್ರಿಸ್‌ ಗೇಲ್ ಅವರಿಗೆ ಮಾರ್ಚ್‌ 26 ರಂದು ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಹಾಲ್‌ ಆಫ್‌ ಫೇಮ್ ನೀಡಿ ಗೌರವಿಸಿತ್ತು. ಈ ವೇಳೆ ಸ್ಟೇಡಿಯಂನಲ್ಲಿ ಅಭಿಮಾನಿಗಳು ಕೂಡ ಉಪಸ್ಥಿತರಿದ್ದರು. ಈ ವೇಳೆ ಮೈದಾನದಲ್ಲಿ ಹೆಜ್ಜೆ ಹಾಕಿದ ಎಬಿ ಡಿವಿಲಿಯರ್ಸ್ ಅವರನ್ನು ಅಭಿಮಾನಿಗಳು ಕಣ್ತುಂಬಿಸಿಕೊಂಡಿದ್ದರು ಹಾಗೂ ಅವರನ್ನು ಹುರಿದುಂಬಿಸಿದ್ದರು.
IPL 2023: ಆರ್‌ಸಿಬಿ ಕಪ್‌ ಗೆಲ್ಲಬೇಕೆಂದರೆ ರವಿ ಶಾಸ್ತ್ರಿ ಹೆಡ್‌ ಕೋಚ್‌ ಆಗಬೇಕು!
ಇದೀಗ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ದಕ್ಷಿಣ ಆಫ್ರಿಕಾ ದಿಗ್ಗಜ ಎಬಿ ಡಿವಿಲಿಯರ್ಸ್ ಅವರು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ವಿರಾಟ್‌ ಕೊಹ್ಲಿ, ಸಹ ಆಟಗಾರರು ಹಾಗೂ ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ ಹಾಗೂ ಭಾವನಾತ್ಮಕ ಸಂದೇಶವನ್ನು ಬರೆದುಕೊಂಡಿದ್ದಾರೆ.
"ನನ್ನ ಹೆಂಡತಿ, ಇಬ್ಬರು ಹುಡುಗರು ಮತ್ತು ಪುಟ್ಟ ಹುಡುಗಿ ನಮ್ಮ ಆರ್‌ಸಿಬಿ ತವರು ಮೈದಾನಕ್ಕೆ ಪ್ರವೇಶಿಸಲು ಮೆಟ್ಟಿಲುಗಳ ಮೇಲೆ ನಡೆದಾಗ ನನ್ನ ಹೃದಯ ಅರಳಿತು. ಈ ವೇಳೆ ನನ್ನ ಮನಸಿನಲ್ಲಿ ವಿಭಿನ್ನ ಭಾವನೆಗಳು ಉಂಟಾಗುತ್ತಿದ್ದವು. ನನ್ನ ಈ ವಿಭಿನ್ನ ಮನಸ್ಥಿತಿಯಲ್ಲಿ ಅಲ್ಲಿಗೆ ಹೋಗುವುದು ವಿಚಿತ್ರವೆನಿಸಿತು," ಎಂದು ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಎಬಿ ಡಿ ವಿಲಿಯರ್ಸ್ ಬರೆದುಕೊಂಡಿದ್ದಾರೆ.
"ಅಭಿಮಾನಿಗಳಿಂದ ತುಂಬಿರುವ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದ ಆರ್‌ಸಿಬಿ ತಂಡದ ಡ್ರೆಸ್ಸಿಂಗ್‌ ಕೊಠಡಿಯ ಬಾಲ್ಕನಿಗೆ ನಡೆದುಕೊಂಡು ಹೋದಾಗ ನನ್ನ ಕಣ್ಣಲ್ಲಿ ನೀರು ತುಂಬಿತ್ತು. ಈ ಬಾರಿ ಎಬಿಡಿ.. ಎಬಿಡಿ ಎಂದು ಅಭಿಮಾನಿಗಳ ಪದಗಳು ನನಗೆ ವಿಭಿನ್ನವಾಗಿ ಕೇಳಿಸಿತು. ಏಕೆಂದರೆ ಆರ್‌ಸಿಬಿ ಪರ ಆಡುವಾಗ ಪಂದ್ಯವನ್ನು ಗೆಲ್ಲಿಸಲು ನನ್ನನ್ನು ಹುರಿದುಂಬಿಸಲು ಅವರು ನನ್ನ ಹೆಸರು ಕೂಗುತ್ತಿದ್ದರು. ಆದರೆ, ಈ ಬಾರಿ ಸನ್ನಿವೇಶ ವಿಭಿನ್ನವಾಗಿತ್ತು. ಇದರಿಂದಾಗಿ ನಾನು ತುಂಬಾ ಭಾವುಕನಾದೆ. ಇಂಥಾ ಅದ್ಭುತ ನಗರವನ್ನು ಪ್ರತಿನಿಧಿಸಿದ್ದಕ್ಕಾಗಿ, ಅಸಾಧಾರಣ ಸಹ ಆಟಗಾರರನ್ನು ಹೊಂದಿರುವುದಕ್ಕೆ ಹಾಗೂ ಇಂಥಾ ಅದ್ಭುತ ಫ್ರಾಂಚೈಸಿಯಲ್ಲಿ ಆಡಿದ್ದಕ್ಕೆ ನನಗೆ ಹೆಮ್ಮೆ ಅನಿಸುತ್ತಿದೆ," ಎಂದು ಆರ್‌ಸಿಬಿ ಮಾಜಿ ಆಟಗಾರ ಭಾವುಕರಾಗಿ ಬರೆದಿದ್ದಾರೆ.
"2003 ರಿಂದ ಇಲ್ಲಿಯವರೆಗೂ ಭಾರತದಲ್ಲಿ ತಾನು ಕಳೆದಿರುವ ಕ್ಷಣಗಳು ನನ್ನ ಪಾಲಿಗೆ ವಿಶೇಷವಾಗಿವೆ. ಈ ರಾಷ್ಟ್ರಕ್ಕೆ ಹಾಗೂ ಇಲ್ಲಿನ ಜನತೆಯ ಜೊತೆ ನಾನು ಆಳವಾದ ಸಂಬಂಧವನ್ನು ಹೊಂದಿದ್ದೇನೆ ಹಾಗೂ ಇದಕ್ಕಾಗಿ ನಾನು ಕೃತಜ್ಞನಾಗಿರುತ್ತೇನೆ. ನನ್ನ ಸಹ ಆಟಗಾರರಿಗೆ ಧನ್ಯವಾದ, ವಿಶೇಷವಾಗಿ ವಿರಾಟ್‌ ಕೊಹ್ಲಿಗೆ. ಧನ್ಯವಾದ ಆರ್‌ಸಿಬಿ, ಧನ್ಯವಾದ ಬೆಂಗಳೂರು," ಎಂದು ಎಬಿ ಡಿವಿಲಿಯರ್ಸ್ ಭಾವುಕರಾಗಿದ್ದಾರೆ.