ಹಳೆಯ ವೈರತ್ವ; ಖಲೀಲ್ ಬೇಟೆಯಾಡಿದ ಕೀಮೊ

ಹೊಸದಿಲ್ಲಿ: ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ನಾಕೌಟ್ ಹಂತದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡವನ್ನು ಹೊರದಬ್ಬಿರುವ ಡೆಲ್ಲಿ ಕ್ಯಾಪಿಟಲ್ಸ್ ಎರಡನೇ ಕ್ವಾಲಿಫೈಯರ್ ಹಂತಕ್ಕೆ ಪ್ರವೇಶಿಸಿದೆ.

ಇದೆರೂಂದಿಗೆ ಸನ್‌ರೈಸರ್ಸ್ ಹೈದರಾಬಾದ್ ಪ್ರಶಸ್ತಿ ಕನಸು ನೂಚ್ಚುನೂರಾಗಿದೆ. ಕೊನೆಯ ಓವರ್‌ನಲ್ಲಿ ಡೆಲ್ಲಿ ಗೆಲುವಿಗೆ ಆರು ರನ್‌ಗಳ ಅವಶ್ಯಕತೆಯಿತ್ತು. ಎಡಗೈ ವೇಗಿ ಖಲೀಲ್ ಅಹ್ಮದ್ ದಾಳಿಯಲ್ಲಿ ಕೀಮೊ ಪಾಲ್ ವಿನ್ನಿಂಗ್ ರನ್ ಬಾರಿಸಿದ್ದರು.

ಅಂದ ಹಾಗೆ ಇವರಿಬ್ಬರ ನಡುವಣ ವೈರತ್ವ ಇಂದು ನಿನ್ನೆ ಆರಂಭವಾಗಿದ್ದಲ್ಲ. 2016 ಅಂಡರ್-19 ವಿಶ್ವಕಪ್ ಫೈನಲ್‌ನಲ್ಲೂ ಖಲೀಲ್ ದಾಳಿಯಲ್ಲೇ ಕೀಮೊ ವಿನ್ನಿಂಗ್ ರನ್ ಬಾರಿಸಿದ್ದರು ಎಂಬುದು ಅಷ್ಟೇ ಗಮನಾರ್ಹವೆನಿಸುತ್ತದೆ.

ಅಂದು ಭಾರತದ ಕಿರಿಯರ ತಂಡ 45.1 ಓವರ್‌ಗಳಲ್ಲಿ 145 ರನ್‌ಗಳಿಗೆ ಸರ್ವಪತನವನ್ನು ಕಂಡಿತ್ತು. ಬಳಿಕ ಗುರಿ ಬೆನ್ನಟ್ಟಿದ ವಿಂಡೀಸ್ 77ಕ್ಕೆ ಐದು ವಿಕೆಟನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಕ್ರೀಸಿಗಿಳಿದ ಕೀಮೊ ಪಾಲ್ ನಿರ್ಣಾಯಕ ಜತೆಯಾಟದಲ್ಲಿ ಭಾಗವಹಿಸುವ ಮೂಲಕ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು.

ಇಲ್ಲಿ ಮಗದೊಂದು ಗಮನಾರ್ಹ ಅಂಶವೆಂದರೆ ಹೈದರಾಬಾದ್ ವಿರುದ್ಧವೇ ಮೂರು ವಿಕೆಟ್ ಪಡೆದು ಕೀಮೊ ಪಾಲ್ ಐಪಿಎಲ್‌ಗೆ ಭರ್ಜರ ಡೆಬ್ಯು ಮಾಡಿದ್ದರು.