ಐಪಿಎಲ್‌ನಲ್ಲಿ 4ನೇ ಗರಿಷ್ಠ ಮೊತ್ತ ಪೇರಿಸಿದ ಕೆಕೆಆರ್

ಇಂದೋರ್: ಇಂಡಿಯನ್ ಪ್ರೀಮಿಯರ್ ಲೀಗ್ 2018ನೇ ಆವೃತ್ತಿಯ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌‌ಶಿಪ್‌ನಲ್ಲಿ ಇಲ್ಲಿನ ಹೋಳ್ಕರ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಕೋಲ್ಕೊತಾ ನೈಟ್ ರೈಡರ್ಸ್ ಆರು ವಿಕೆಟ್ ನಷ್ಟಕ್ಕೆ 245 ರನ್‌ಗಳ ಬೃಹತ್ ಮೊತ್ತ ಪೇರಿಸಿದೆ.

ಇದು ಐಪಿಎಲ್ ಇತಿಹಾಸದಲ್ಲೇ ದಾಖಲಾದ ನಾಲ್ಕನೇ ಗರಿಷ್ಠ ಮೊತ್ತವಾಗಿದೆ. ಹಾಗೆಯೇ ಕೆಕೆಆರ್ ದಾಖಲಿಸಿದ ಅತಿ ದೊಡ್ಡ ಮೊತ್ತವೂ ಹೌದು.

ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಸುನಿಲ್ ನರೈನ್ ಹಾಗೂ ನಾಯಕ ದಿನೇಶ್ ಕಾರ್ತಿಕ್ ಬಿರುಸಿನ ಅರ್ಧಶತಕಗಳ ನೆರವಿನಿಂದ 245 ರನ್‌ಗಳ ಬೃಹತ್ ಮೊತ್ತ ಕಲೆ ಹಾಕಿತು.

ನರೈನ್ 36 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಹಾಗೂ ನಾಲ್ಕು ಬೌಂಡರಿಗಳ ನೆರವಿನಿಂದ 75 ರನ್ ಗಳಿಸಿದ್ದರು. ಅತ್ತ ಕಾರ್ತಿಕ್ ಕೇವಲ 23 ಎಸೆತಗಳಲ್ಲಿ ಐದು ಬೌಂಡರಿ ಹಾಗೂ ಮೂರು ಸಿಕ್ಸರ್‌ಗಳ ನೆರವಿನಿಂದ 50 ರನ್ ಗಳಿಸಿದ್ದರು.

ಐಪಿಎಲ್‌ನಲ್ಲಿ ಗರಿಷ್ಠ ಮೊತ್ತ:

ಆರ್‌ಸಿಬಿ 263/5, ವಿರುದ್ಧ - ಪುಣೆ ವಾರಿಯರ್ಸ್ ಇಂಡಿಯಾ, ಬೆಂಗಳೂರು (2013)
ಆರ್‌ಸಿಬಿ 248/4, ವಿರುದ್ದ - ಗುಜರಾತ್ ಲಯನ್ಸ್, ಬೆಂಗಳೂರು ( 2016)
ಚೆನ್ನೈ 246/5, ವಿರುದ್ಧ - ರಾಜಸ್ಥಾನ ರಾಯಲ್ಸ್, ಚೆನ್ನೈ (2010)
ಕೆಕೆಆರ್ 245/6, ವಿರುದ್ಧ - ಪಂಜಾಬ್, ಇಂದೋರ್ (2018)
ಚೆನ್ನೈ 240/5, ವಿರುದ್ಧ - ಪಂಜಾಬ್, ಮೊಹಾಲಿ (2008)