ರಸೆಲ್ ಮಸಲ್ ಪವರ್; 2019ರಲ್ಲಿ ಸಿಕ್ಸರ್‌ಗಳ ಫಿಫ್ಟಿ!

ಕೋಲ್ಕತಾ: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ಆಲ್‌ರೌಂಡರ್ ಆಟಗಾರ ಆಂಡ್ರೆ ರಸೆಲ್, ಬಿರುಸಿನ ಅರ್ಧಶತಕದ ಮೂಲಕ ಗಮನ ಸೆಳೆದಿದ್ದಾರೆ.

ಕೋಲ್ಕತಾದ ಈಡೆನ್ ಗಾರ್ಡೆನ್ಸ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಬೌಲರ್‌ಗಳನ್ನು ಅಕ್ಷರಶ: ಚಿಂದಿ ಉಡಾಯಿಸಿದ ರಸೆಲ್, ಕೇವಲ 40 ಎಸೆತಗಳಲ್ಲೇ ಅಜೇಯ 80 ರನ್ ಚಚ್ಚಿದರು. ಈ ಮೂಲಕ ಕೆಕೆಆರ್ 232 ರನ್‌ಗಳ ಬೃಹತ್ ಮೊತ್ತ ಪೇರಿಸಿತ್ತು.

ರಸೆಲ್ ಸಿಡಿಲಬ್ಬರದ ಇನ್ನಿಂಗ್ಸ್‌ನಲ್ಲಿ ಆರು ಬೌಂಡರಿ ಹಾಗೂ ಎಂಟು ಸಿಕ್ಸರ್‌ಗಳು ಸೇರಿದ್ದವು. ಈ ಮೂಲಕ ಪ್ರಸಕ್ತ ಸಾಲಿನ ಐಪಿಎಲ್‌ನಲ್ಲಿ 50ಕ್ಕೂ ಹೆಚ್ಚು ಸಿಕ್ಸರ್ ಬಾರಿಸಿದ ಮೊದಲ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೆ ಪಾತ್ರವಾದರು.

ಅಷ್ಟೇ ಯಾಕೆ ಐಪಿಎಲ್ ಇತಿಹಾಸದಲ್ಲೇ ಕ್ರಿಸ್ ಗೇಲ್ ಹೊರತುಪಡಿಸಿ ವರ್ಷವೊಂದರಲ್ಲಿ 50ಕ್ಕೂ ಹೆಚ್ಚು ಸಿಕ್ಸರ್ ಸಿಡಿಸಿದ ಎರಡನೇ ಬ್ಯಾಟ್ಸ್‌ಮನ್ ಎಂಬ ಹೆಗ್ಗೆಳಿಕೆಗೆ ಭಾಜನವಾದರು.

ಕ್ರಿಸ್ ಗೇಲ್ 2012 ಹಾಗೂ 2013ನೇ ಸಾಲಿನಲ್ಲಿ 50ಕ್ಕೂ ಹೆಚ್ಚು ಸಿಕ್ಸರ್‌ಗಳನ್ನು ಸಿಡಿಸಿದ್ದರು.

ಐಪಿಎಲ್ ಆವೃತ್ತಿಯೊಂದರಲ್ಲಿ ಅತಿ ಹೆಚ್ಚುಸಿಕ್ಸರ್‌ಗಳು:
ಕ್ರಿಸ್ ಗೇಲ್: 59 (2012)
ಕ್ರಿಸ್ ಗೇಲ್: 51 (2013)
ಆಂಡ್ರೆ ರಸೆಲ್: 50* (2019)
ಕ್ರಿಸ್ ಗೇಲ್: 44 (2011)